Matius 17:5 - Buk Niu In Hida Balu nol Dehet deng Apan-kloma ki in Dadi ka

⁵ Petrus aa mamaus ela lam, suknahkitum nopen niu maa bua one. Kon oen tilus herang-herang, oen kon ming fala mes puti deng nopen na tek noan, “Hii ke! Yesus nia mo, Auk anang in namnau ka. Un tao Auk daleng ngi kolo tutungus. Hii-ming babanan se Una le!”

Matius 17:5 ပူးပေါင်းရင်းမြစ်များ

Matius 12:18

“Olan ngat le! Un niam, Auk Atulin in loka-loka man Auk huil nalan son na. Auk namnau Una, nol Auk daleng kolo tutungus nol Una. Mam Auk belen Auk Koo Niu kia, le Un laok tui atuli li totoang se bangsa-bangsa lias deng Auk lalan in nuil lolo ka.

Matius 17:6

Ming ela kon, ima-ii las lii isi, didiin oen leas hokobang.

Matius 3:17

Kon nam oen ming haup Ama Lamtua Allah fala ka deng apan nu tek noan, “Un nia mo, Auk Anang in namnau ka. Un tao Auk daleng ngi kolo tutungus.”

Markus 1:11

Kon nam oen ming Ama Lamtua Allah fala ka deng apan nu tek noan, “Ku niam, Auk Anang in namnau ka. Ku tao Auk daleng ngi kolo tutungus.”

Markus 9:7

Kon nopen na niu maa kabut nal oen tilus. Hidim oen ming fala puit deng nopen na, tek noan, “Hii ke! Yesus niam, Auk anang in namnau ka. Mi musti hii babanan se Una!”

Lukas 3:22

Kon nam Ama Lamtua Allah Koo Niu ka niu maa se Una. Koo Niu na tuladang el korkifi ka. Hidim muik fala mes deng apan nu tek noan, “Ku niam, Auk Anang in namnau ka. Ku tao Auk daleng ngi kolo tutungus.”

Yuhanis 3:16

Undeng Ama Lamtua Allah namnau totoang atuil in ne apan-kloma ki ngias isi. Tiata Un nutus Au, Un Ana Baun siing ngi maa se apan-kloma kia, le halin totoang atuil in parsai se Au ngas, haup in nuli man hidi nutus taan lo ka, mo atuil in parsai se Auk lo ngas haup in mate hidi nutus taan lo.

Yuhanis 3:35

Lole Ama in ne sorga ku, neka-namnau Un Ana ka isi. Nol Un sao totoang nas se Un Ana ka ima.

Yuhanis 5:37

Un man nutus Au, nol Un man aa in toma deng Au. Mi esan ming net Un fala ka tamlom net Un hnika-tuladang nga lo bii.

Dehet deng Aan in Nutus sas 1:9

Aa hidi ela lam, Yesus sake lako apan-dapa se oen silan. Un sake lako le nopen na kabut nalan tukun nam, oen ngat net Un pait lo son.

Dehet deng Aan in Nutus sas 7:37

Musa esa tek atuil Israel las noan, ‘Mam Ama Lamtua Allah nikit nal atuli mes deng mi hlala kia, le daid Un mee-baha, banansila el Un in nikit auk son nia.’

Efesus 1:6

Kit haup in nuil butu-kil nol Un Ana in neka-namnau ka son, undeng Un tulu Un dalen banan na bel kita. Tiata kit naka-nahalit Una.

Ibrani 5:9

Hidim meman baktetebes Un tao muid Ama Lamtua in koma ngas totoang. Tiata halas nia, Un daid Peke in kil Boa-blingin, taung totoang atuil in parsai Una ngas, le halin oen haup in nuli napiut nol Ama Lamtua Allah.

Apan-kloma Hnika Balu 1:7

Tiata, bela matan le tinang babanan! Halas ni Yesus nol Un Ama ka ne sorga. Mo nesang lo ka kam, Un niu maa se nopen dalen. Mam totoang atuil in ne apan-kloma ki ngias ngat net Una. Ela kon nol atuil man hmunan nu hai Un se Un blapas sa ngas. Mam totoang bangsa in se apan-kloma ki ngias sabail apan le lilu mumuun undeng oen taan Una. Taon elola ko nias totoang dadis. Baktebes ela.

Apan-kloma Hnika Balu 14:14

Hidi na kon, auk botas silang nga. Kon suknahkitum, auk ngat net nopen mes muti kaloe', nol muik atuli mes daad se nopen na dapa. Atuling na, banansila el Atuling Baktetebes sa. Un lotong hlotong in nala deng lil-mea nol kil sabit nakan mesa.