Matius 16:23 - Buk Niu In Hida Balu nol Dehet deng Apan-kloma ki in Dadi ka

²³ Mo Petrus in aa na, muid Ama Lamtua in koma ka lo. Tiata Yesus kaing un noan, “Hoeh! Bian nodat deng nia! Na uikjale kas tuang nga in aa! Ku boel tukan-palan Auk deken! Ku suma nangan muid atuli li in koma tukun, molam muid Ama Lamtua in koma ka lo!”

Matius 16:23 ပူးပေါင်းရင်းမြစ်များ

Dehet deng Apan-kloma ki in Dadi ka 3:17

Hidim Ama Lamtua Allah tek biklobeng nga noan, “Ku muid Auk in leka ka lo, mo muid ku sapam ma in koma ka, le kaa kai isin man Auk in kaing son na. Tiata ku kon tom in hukung. Nol dale ki kon tom in hukung. Deng neot nia lako pes ku mate, ku musti daek hiti-late le bali dale kia, halas-sam ku haup in kaa. Nol daek ela, halas-sam ku haup in nuli.

Matius 16:22

Yesus tek ela kon, Petrus pel bian Un deng na le kaing noan, “Papa, aa ela deken! Taon elola ko Ama Lamtua Allah nang ela tuun lo!”

Matius 18:7

Apan-kloma ki meman maan in haup daat, undeng muik dasi mamo, man tao atuli li le daek kula-sala. Mo man haup daat dudui ka, atuling in tao atuil didang le didiin oen daek kula-sala ka.

Matius 4:10

Mo Yesus baet un noan, “Hoe uikjale! Ku lako nodat deng maan ni tia! Ta Ama Lamtua Allah Buk Niu ka tek noan, ‘Ku musti todan-lahing se Ama Lamtua Allah, nol ku musti daek taung Un sii.’ ”

Markus 8:33

Mo Petrus in aa ela ka, muid Ama Lamtua in koma ka lo. Kon Yesus bali lis le ngat Un ima-ii tenga las. Hidim Un kaing Petrus mumuun noan, “Hoe! Ku in aa na, uikjale kas laih tuan na in aa! Laok norat tobo-dolan nia! Ku suma nangan atuli li in koma tuun, mo nangan Ama Lamtua Allah in koma ka lo!”

Lukas 4:8

Mo Yesus siut bali noan, “Hapun se ola na la? Ta ne Ama Lamtua Allah Buk Niu ka dul elia, ‘Ku musti todan-lahing se Ama Lamtua Allah sii. Nol ku musti lii-lau Una.’ ”

Yuhanis 6:70

Yesus tek oen noan, “Auk huil nal mi atuli at hngul dua son. Mo nangan ne! At mes deng mia li banansila el uikjale ka!”

Roma 14:13

Hmunan nu mi in se Roma ngias taan in bel kula mi kaak-palin in sarani ngas tutungus. Tao ela bakun na! Banan dui ka, kit nutus elia: kit boel tao kit kaak-palin nas le tunun deken. Kit boel kiu nahu oen le didiin oen tao kula deken.

Roma 14:21

In banan dui ka, ku keeh apam ma tuun. Kaa sisi, tamlom niun anggor, tamlom kaa-niun sa-saa didang le tao ku kaak-palim mas le tunun deken.

Filipi 3:19

Ta mam Ama Lamtua hutun soleng one, hidim pasang soleng oen lakos se ai naraka lua, undeng oen dalen nas butu-kil nol Un lo. Oen suma kil dasi-dais daat tas nol oen nuting lalan le tao sili oen apan nas siis, didiin oen koaok nol oen in daek dadaat ela ka. Oen mae taan lo. Oen in nangan na tuladang el atuil man in taan Ama Lamtua lo ngas.

Kolose 3:2

Nangan tutungus dasi-dais man Ama Lamtua in koma ngas. Boel nangan dasi-dais man suma tao atuli li dalen kolo tuun nas deken.