Matius 16:20 - Buk Niu In Hida Balu nol Dehet deng Apan-kloma ki in Dadi ka

²⁰ Aa hidi ela kon, Yesus kaing oen le tek atuil deken noan Un nam, Kristus.

Matius 16:20 ပူးပေါင်းရင်းမြစ်များ

Matius 16:16

Kon nam, Simun Petrus siut noan, “Paap niam Kristus, Atuling man Ama Lamtua Allah hid lolo hmunan nu le tunang maa ka! Nol Paap niam, Ama Lamtua in nuli hidi nutus taan lo ka, Ana!”

Matius 17:9

Hidi na kon, oen nius deng leten na. Kon Yesus kaing oen noan, “Asa man mi in neta apin na, tek atuil deken le! Ta Au, Atuling Baktetebes sia, musti mateng muna le. Hidim eta Auk nuling pait son, halas-sam mi bisa tek atuli.”

Matius 8:4

Hidi nam Yesus tekan noan, “Nangan ne! Ku banan son, mo boel tek atuil deken le. Ku musti daek muid upung Musa atorang nga muna. Tiata ku lako se tulu agama lua, le un tinang ku apam ma, halin un tana noan ku ili la ilang baktetebes son, tam lo bii ka. Hidim ku musti bel sa-saa in todan-lahing, le daid taad in nodan mamo, halin totoang atuli li taan noan, ku banan baktetebes son.”

Markus 8:30

Mo Yesus kaing oen noan, “Mi boel tek atuil deken ne!”

Markus 9:9

Hidi na kon, Yesus nol Un ima-ii at tiul nas, nius deng leten na. Yesus hidas noan, “Asa man mi in neta apin na, boel nahdeh atuil deken. Ta Auk niam, Atuling Baktetebes sa, Auk musti mateng muna. Le Auk nuling pait son, halas-sam mi nahdeh atuli.”

Lukas 2:11

Dais banan ni isin na elia: Leol ni bihatang mes hua Kristus son, ne Betlehem, laih Daud kota la! Kristus na mo, Atuling man Ama Lamtua Allah in hid meman son, deng lolo hmunan nua ka. Ama Lamtua tunang Un maa le bel boa-blingin atuli li deng oen in kula-sala ngas! Una, man mam atuli li haman noan, ‘Lamtua!’

Lukas 9:21

Kon nam Yesus kaing one, le boel tek asii deen kon, noan Un na mo Kristus.

Lukas 9:36

Aa ela hidi kon, Petrus nol un tapan nas ngat net Yesus sii son. Hidi nam, oen tilus ete tuun le dehet bel asii-asii lo, deng asa man oen in net son na. Nesa-nesang halas-sam oen bok bahan nas le dehet bel atuil didang.

Yuhanis 1:41

Nikit oen pait maas lius kon Anderias laok nuting un kaka Simun meman, le tekan noan, “Hoe kaka! Kaim tutnaal Mesias son!” (Se dais Aram mam, ‘Mesias’ nahin na noan, ‘Kristus, Atuling man Ama Lamtua hid meman son deng lolo hmunan nu le belen maa ka.’)

Yuhanis 1:45

Kon nam Filipus lako nuting Natanel le tekan noan, “Kaka! Kaim tutnaal Atuling man upung Musa dulan son ne Ama Lamtua Atorang nga dalen na ka. Ama Lamtua mee-baah hmunan nuas kon dul deng Atuling nia. Un ngala ka Yesus, deng iung Nasaret. Un ama ka ngala Yusuf.”

Yuhanis 11:27

Marta siut noan, “Iya Tuang! Auk parsai noan, Tuang niam mo Kristus, na Atuling man Ama Lamtua Allah tulu meman son deng lolo hmunan nua ka. Nol Tuang niam mo, Ama Lamtua Ana, man Un hid son le belen maa se apan-kloma kia ka.”

Yuhanis 20:31

Mo dais man auk in dul son ne buk ni dalen nia ki, auk dulan le halin mi parsai noan, Yesus na mo, Kristus man Ama Lamtua Allah hid meman son le belen maa ka. Yesus nam kon, Ama Lamtua Allah Ana. Nol eta mi parsai Una lam, mi haup in nuil toma, man hidi nutus taan lo ka, undeng mi daid Un atulin.

Dehet deng Aan in Nutus sas 2:36

Undeng na le totoang atuil Israel lias musti taan baktetebes deng Yesus, man mi pauk tele son se kai sangsuli lu dapa ka. Un na mo, Kristus, man Ama Lamtua Allah hulin meman son deng hmunan nua ka. Nol Un kon daid kit Lamtuan!”

Yuhanis mesa la 2:22

Atuil in nole-lilung daat tas lako-pait ne apan-kloma ki son. Taon elol le kit taan one la? Oen nam, atuil in tek noan, Yesus na mo Kristus lo. Muid one lam, Yesus na mo Atuling Niu man Ama Lamtua hid meman son le belen maa ka lo. Atuil in aa ela ka, labang nol Kristus, lole oen hutun soleng Ama Lamtua Allah nol Un Ana ka.

Yuhanis mesa la 5:1

Asii tuun man parsai noan, Yesus na mo, meman Kristus, man Ama Lamtua Allah belen maa son na, lam un daid Ama Lamtua Allah ana son. Ta atuil in namnau atuli mes man daid ama, lam un kon namnau blalan biklobeng na ana ka.