Matius 16:14 - Buk Niu In Hida Balu nol Dehet deng Apan-kloma ki in Dadi ka

¹⁴ Oen siut noan, “Tenga ka tek noan, Paap niam, Yuhanis in Sarain Atuli ka, man nuli pait son nia. Tenga las tek noan, Paap niam, upung Elia. Tenga las pait tam tek noan, upung Yeremia. Etan lo kam, Ama Lamtua Allah mee-baah didang deng hmunan nua ngas.”

Matius 16:14 ပူးပေါင်းရင်းမြစ်များ

Matius 14:2

Un tek un atulin in dake ngas noan, “Yesus niam, taon elola ko Yuhanis in Sarain Atuli, man hmunan nu auk tadu le dait un bon na ka. Halas ni un nuli pait son nia! Undeng na le, un muik kuasa in tao taad herang na.”

Matius 16:15

Yesus ketan oen pait noan, “Eta muid mia lam, Auk niam asii la?”

Matius 17:10

Kon oen ketan Un noan, “Paap niam meman Kristus, mo upung Elia ne ola ka? Ta guru agama las tui noan, upung Elia musti maa muna le, halas-sam Kristus maa. Mo muid Papa lam, elola la?”

Matius 3:1

Dedeng Yesus tene maa son kon, Yuhanis in Sarain Atuli ka mulai tui atuli las se epe in ete tuun mesa, ne propinsi Yudea.

Markus 6:15

Mo atuil tenga las tek noan, “Lo! Ni upung Elia man nuli pait son ne Un apa ka. Eta lom, Ama Lamtua Allah mee-baah didang deng lolo hmunan nua ngas.”

Markus 8:28

Oen situn noan, “Tenga las tek noan, ‘Yuhanis in Sarain Atuli ka.’ Nol tengas tek noan, ‘Upung Elia’, Ama Lamtua Allah mee-baah lolo hmunan nua ka. Mo tenga las pait tam, tek noan, Paap niam, at mes deng Ama Lamtua Allah mee-baah hmuna-hmunan nuas.”

Lukas 9:8

Muik teng pait tek noan, “Un na mo, upung Elia man nuli pait son na.” Tenga las pait tam tek noan, “Un nam mo at mes deng Ama Lamtua mee-baah hmuna-hmunan nua ngas.”

Yuhanis 1:21

Kon oen ketan un pait noan, “Etan ela lam, ku nia mo asii la? Upung Elia le?” Un situs noan, “Lo.” Oen ketan napiut un noan, “Tamlom ku niam mo, Ama Lamtua mee-baah man Un hid le belen maa ka la?” Un situs pait noan, “Lo.”

Yuhanis 7:12

Atuli mamo hulu-hulu apa deng Una. Tenga las tek noan, “Un nam mo atuil banan.” Tenga las pait tek noan, “Loo! Un nam mo atuil in nole-lilung daat, man kom in tipu-dai atuil hut mamo kas.”

Yuhanis 9:17

Mo oen keket ulang atuling man hmunan nu in tedo ka pait elia, “Muid ku lam, Atuling man tao banan nal ku matam ma ka, atuil tuladang elola la?” Un siut noan, “Muding au lam, Un na mo Ama Lamtua mee-baha mes na.”