Matius 15:8 - Buk Niu In Hida Balu nol Dehet deng Apan-kloma ki in Dadi ka

⁸ ‘Muik atuli naka Au, suma nini oen bahan nas tuun, mo nini oen dalen nas lo.

Matius 15:8 ပူးပေါင်းရင်းမြစ်များ

Matius 15:7

Undeng na le, apin Auk tek mi son noan, mi tao apan nas banansila el atuil banan na, molota mi daat isi! Na tom nol asa man Ama Lamtua mee-baah Yesaya la in dul meman son deng mi lolo hmunan nua ka! Ta Ama Lamtua pake un le dul noan,

Markus 7:6

Mo Yesus situs noan, “Mi niam meman atuil man aa kam kisa, mo dake lam kisa! Lolo hmunan nu upung Yesaya dul meman son deng Ama Lamtua Allah in teka ka, noan, ‘Muik atuli in naka Au, suma baha ka sii, mo dalen na lo. Oen tao ela kon parsum tukun. Oen hosek nol Auk in koma ka lo, mo oen suma muid atuli in koma tuun.’ Mi banansila ela kon.

Yuhanis 1:47

Nikit Natanel laok maa saol Yesus kon, Yesus tek noan, “Un niam atuil in dalen lolo! Lole ne un dalen na muik in nole-lilung lo. Un niam mo atuil Israel esa!”

Yuhanis 5:23

Auk Amang nga in koma ka totoang atuli li todan Au, banansila el oen in todan Una ka kon. Ta atuil in dai todan Auk lo ka, un kon dai todan Auk Amang man in nutus Au ka lo.

Dehet deng Aan in Nutus sas 8:21

Ku muik hak saa lo nol Ama Lamtua Koo Niu ka, undeng ku dalem ma lolo lo. Ku suma nuting-nuting lalan tuun.

Ibrani 3:12

Tiata pali-kaka me! Doha-doha, ta tamlom deng mia la muik in daek dadaat, le didiin un parsai pait lo, hidim bali kudi le nang Ama Lamtua Allah man in nuil napiut ta la.

Petrus mesa la 3:10

Ta muik dulan ne Ama Lamtua Buk Niu ka noan, “Atuil man nuting le nuli ka babanan tuun, tamlom nuting le umur blatas sa, musti doh un baha ka le aa dadahut deken, nol aa nole-lilung deken.