Matius 15:2 - Buk Niu In Hida Balu nol Dehet deng Apan-kloma ki in Dadi ka

² Atuil Farisi las kil didi oen hadat Yahudi la. Dedeng oen ming noan, Yesus ima-ii las kaa lam, haun iman muid hadat ta in koma lo kon, oen kom lo isi. Ta oen maas le bel kula Yesus noan, “Tasao le ku ima-ii las kaa lam, haun iman nas muna lo kia? Na labang nol kit upu kia-kaon nas hadat ta son!”

Matius 15:2 ပူးပေါင်းရင်းမြစ်များ

Dehet deng Apan-kloma ki in Dadi ka 1:14

Hidi kon Ama Lamtua Allah tek pait noan, “Se dapa kua, musti muik sa-saa in langa bili-ngala le halin laang apan-kloma kia. Musti muik in puting bel langa se oras lelo, ela kon, musti muik in puting bel langa se oras duman. Oen nas totoang daid tada le halin nam haup in kaih oras, lelon, bulan, nol taun nas.” Tek hidi ela kon, totoang sa-saa langang nas dadis meman.

Matius 15:3

Mo Yesus situs noan, “Mi tao apan nas banansila el atuil banan na, molota mi daat isi! Lole mi taan isi in labang Ama Lamtua Allah prenta la, le muid mi upu kia-kaon nas hadat ta.

Markus 7:2

Atuil Farisi nas kil didi oen hadat Yahudi la. Naleta el, eta oen le kaa lam, musti haun iman muid oen hadat ta in koma ka. Ela kon, eta pait deng pasar ram, oen musti dius muna le. Lako pes oen sa-saa dapur ras, el mulu, pingas, klas, ceret, musti bases muding hadat ta in koma ka muna le, halas-sam oen boel pakes le kaa-niun nini. Eta muik atuil Yahudi teng muid hadat na lo kam, atuil Farisi las koon-mali. Undeng na le, oen koon nas mali, nikit oen net Yesus ima-ii las kaa, mo haun iman nas muid hadat ta lo. Hidi kon, oen maas le bel kula Yesus noan, “Tasao le ku anam mias haun iman lo kia? Oen kaliut kit upu kia-kaon nas hadat ta son!”

Lukas 11:38

Um lamtua ka daid herang nol in ngat Yesus daad le kaa, mo haun ima ka muna muid atuil Farisi las atorang nga lo ka.

Galatia 1:14

Nol dedeng na kon, auk kom in muid agama Yahudi la isi, dui deng atuil Yahudi tenga man in umur tatai nol au ngas. Nol auk niam, man makoe dui in lako-daek muid kaim upu kia-kaon nas hadat ta, nol atorang agama las totoang.

Kolose 2:8

Doha-doha le halin mi muid atuil didang ngas deken, man pake atuli li in tana le nol mi sisa putim deng lalan lolo ka. Nol boel muid atuil in tui tana man tui kam muik peke lo ngas deken. Ta oen in tui ka, suma maa deng atuli li in tana tukun, nol deng apan-kloma ki atorang ngas. In tui nas, maa deng Kristus lo.

Petrus mesa la 1:18

Mi tanan son noan, Kristus baen nutus le sui nal mi deng mi in nuli man muik nahin lo ka son. In nuli tuladang ela ka, mi hapun deng mi upu kia-kaon nas, banansila el pusaka mesa. Mo nangan, ta Kristus in baen nutus mia na, nini lil-mea tamlom lil-muti man mam ilang nga lo.