Matius 14:9 - Buk Niu In Hida Balu nol Dehet deng Apan-kloma ki in Dadi ka

⁹ Ming tana-bihatang na nodan ela kon, Herodes maingasar. Mo un pel pait nal un in sumpa ka lo son, lole totoang atuil in haep pas ming son nam. Tiata un tao muid tana-bihatang na in koma ka.

Matius 14:9 ပူးပေါင်းရင်းမြစ်များ

Matius 14:1

Dedeng na, laih Herodes kil bandu se propinsi Galilea. Un kon ming dehet kose-kose deng Yesus.

Matius 14:10

Hidim un tadu atuli le laok dait nutus Yuhanis bon na se bui dalen.

Matius 14:5

Mo Herodes dai toe muid un lo, un saap nol Herodias tuun ela. Muid in toma ka lam, Herodes kom isi le keo tele Yuhanis in Sarain Atuli ka. Mo un tiud nol atuil hut mamo kas, undeng oen parsai noan, Yuhanis nam mo Ama Lamtua Allah mee-baha. Tiata un tadu un atulin nas le laok daek tamang Yuhanis se bui dalen.

Matius 14:8

Ming lahing nga in aa ela ka kon, Herodias pake dola na le tui ana ka halin nodan Yuhanis bon na. Tiata un laok nodan laih Herodes elia, “Papa! Auk nodan Yuhanis in Sarain Atuli ka bon na, taon se dulang dalen, le kil bel aun maa se nia.”

Markus 6:14

Dedeng na, atuli li se ola-ol tuun, taan Yesus son. Lahing Herodes sa kon ming haup dehet deng Yesus in kuasa ka son. Muik atuli deeh tek noan, “Yuhanis in Sarain Atuli man oen keo tele son na, nuli pait son ne Yesus apa ka! Undeng na, le Un tao nal taad herang nas totoang.”

Markus 6:20

Hidim un tadu tentara las le doh Yuhanis babanan. Meman Herodes tiud Yuhanis. Un tana noan, Ama Lamtua Allah man nutus Yuhanis. Nol Yuhanis nam atuil banan. Herodes kon kom in ming Yuhanis nahdehe. Mo opa-opan nam, un dalen na banan nol in ming Yuhanis in nahdehe ka lo.

Markus 6:26

Nikit Herodes ming ela kon, un dalen iil isi. Mo un pel pait nal un in sumpa ka lo son, lole haep pas totoang ming son nam.

Lukas 13:32

Kon Yesus situs noan, “Eh! Blalan na banansila el maat-mitang man tuklikut daat ta! Mi laok tekan noan, ‘Auk nulut uikjale, nol tao banan atuil ili las se leol nia nol ola. Bingin dua halas-sam, Auk in dake ki hidi.’ Taon elola kon, Auk le daek bubuit pait se lalan Auk in laok bus el Yerusalem mia. Ta se hmunan nua, atuil Yerusalem mas man taom keo tele Ama Lamtua mee-baha las.