Matius 14:6 - Buk Niu In Hida Balu nol Dehet deng Apan-kloma ki in Dadi ka

⁶ Mo nesang lo kon, Herodes tao fesat leol in hua una. Dedeng na, ina bi-laih Herodias ana bihata la, lako tidan saol atuil in haep pas. Un in tidan na leko ana lo, didiin tao Herodes dalen kolo.

Matius 14:6 ပူးပေါင်းရင်းမြစ်များ

Dehet deng Apan-kloma ki in Dadi ka 40:20

Nal lelo tilu, tom nol lahing nga leol in hua ka, kon un tao fesat tene bel un atulin in dake ngas totoang. Un leka, le laok puting tulu at dua nas deng bui ka.

Matius 14:3

Laih Herodes aa ela, lole hmunan nu un tao dais nol Yuhanis, didiin un daek Yuhanis le tamang lako se bui. Un dehet ta elia: laih Herodes saap nol un palin Filipus sapa ka, ngala Herodias. Molota Filipus nol Herodias dai apa lo bii.

Matius 14:7

Tiata tidan hidi kon, Herodes haman tana-bihatang na, le tekan noan, “Ku kom le nodan saa deng au lam, teka! Tiam auk bel kun. Auk kil dididi auk in hida nia. Auk sumpa nini Ama Lamtua Allah ngala ka.”

Matius 22:24

“Paap Guru! Upung Musa dul pesang bel kit hadat ni son, noan: eta biklobe mes mate nang soleng un sapa ka, mo muik aan lo kam, biklobeng na palin na musti saap nol bebalung na, le halin nam hua-koet bel un kaka in maet son na.

Markus 6:14

Dedeng na, atuli li se ola-ol tuun, taan Yesus son. Lahing Herodes sa kon ming haup dehet deng Yesus in kuasa ka son. Muik atuli deeh tek noan, “Yuhanis in Sarain Atuli man oen keo tele son na, nuli pait son ne Yesus apa ka! Undeng na, le Un tao nal taad herang nas totoang.”

Markus 6:17

Hmunan laih Herodes tadu ela, undeng un muik dais nol Yuhanis. Un dehet ta elia: laih Herodes saap bali un palin Filipus sapa ka, ngala Herodias. Molota, Filipus nol Herodias dai apa lo bii. Undeng na le Yuhanis kaing laih Herodes oe-oe noan, “Ama lahi, boel nuu ama palin na sapa ka deken. Ta na kaliut kit hadat Yahudi la son!” Mo ela kon no, lahing Herodes sa saap nol bihatang na. Hidim un tadu atuli laok daek Yuhanis le tamang lako se bui dalen.

Markus 6:19

Undeng Yuhanis kaing tutungus ela son, tiata bihatang na pesang dael nolan, hidim un le keo tele Yuhanis. Mo haup dola lo bii kam, Herodes tahang Yuhanis son se bui dalen.

Markus 8:15

Kon Yesus tekas noan, “Mi musti doha-doha! Boel tom lahing Herodes sa nol atuil Farisi las in tui dadaat ta deken. Oen in tui ka, banansila el bibit ruti man atuli li kutang nol tarigu le tao hus ruti ka.”

Lukas 13:31

Dedeng na, muik atuil Farisi at ila lo maas tutnaal Yesus, le hidim tekan noan, “Banan dui ka Paap Guru lako bian kakatang se maan didang, ta laih Herodes le keo Papa.”

Lukas 23:11

Hidim lahing Herodes sa nol un tentaran nas kon bilu, nol aa dadaat le tao nahmaeng Yesus. Oen kon lotong belen kaod blatas leko mesa, banansila el taom lahi las in pake ngas, nol bilu-aa napiut Una. Hidi nam oen kil nolan pait lako se gubernur Pilatus.

Lukas 23:7

Taan haup ela kon, gubernur ra tadu oen le nol Yesus lako ngada se lahing Herodes sa, man kil bandu se propinsi Galilea. Dedeng na, Un se Yerusalem.

Lukas 3:1

Dedeng na Tiberius daid kaiser le kil bandu se Roma taun hngul lima son. Pontius Pilatus daid gubernur se propinsi Yudea. Herodes daid gubernur se propinsi Galilea. Herodes kaka Filipus, daid gubernur se propinsi Iturea nol propinsi Trakonitis. Nol Lisanias daid gubernur se propinsi Abilene. Hanas nol Kayafas kon daid tuang tene deng tulu agama Yahudi las se kota Yerusalem. Lam oras na, Yuhanis, Sakarias ana ka, daad se maan in ete tuun katang nol ingu las. Se na, Ama Lamtua Allah bel Un in hida ngas se Yuhanis.

Lukas 3:19

Dedeng na, Yuhanis kon aa langa-langa deng Herodes in tao kula ngas. Un dehet ta elia: Herodes na mo, gubernur se propinsi Galilea. Un in tao kula ka mamo isi son. Tuladang el un nuu nal un palin na sapa-bihatan na, ngala Herodias. Molota un palin na nuli nabale, hidim dai nol Herodias lo bii. Herodes lalan in nuli man tom lo na, man tao Yuhanis le kaing un langa-langa, dadin nam Herodes koon-mali isi nol una la. Tiata Herodes tadu un atulin nas daek Yuhanis le pasang tamang lako bui dalen.

Lukas 8:3

Susana nol maam Yohana kon lakos baba. Maam Yohana nia mo, ama Kusa sapa. Ama Kusa na mo, tulu in daek se laih Herodes um lahi la. Nol muik bihaat didang mamo pait, man laok leo-leo nol Yesus nol Un ima-ii las. Bihaat nias pake oen duit esan, le baen bel Yesus nol Un ima-ii las, se lalan oen in lako ka.

Dehet deng Aan in Nutus sas 12:1

Dedeng na, lahing Herodes sa mulai tao susa-daat muun isi saol Lamtua Yesus atulin nas tenga.

Dehet deng Aan in Nutus sas 4:27

Asa man upung Daud in dula ka, halas ni daid son. Nol un nahin na kon, halas ni daid langa son. Meman se kota ni, laih Herodes nol gubernur Pontius Pilatus, blalan-blalan Israel las, nol tulu-tulu deng bangsa-bangsa didang ngas nakbua son. Hidim oen koo mesa, le labang Yesus, Atuling man Ama Lamtua hulin meman son na.