Matius 14:31 - Buk Niu In Hida Balu nol Dehet deng Apan-kloma ki in Dadi ka

³¹ Nol na kon, Yesus doong Un ima ka lalaba le kil Petrus. Un tekan noan, “Petrus! Tasao le ku dalem ma hduan nia? Ku parsai Auk baktetebes lo kia?”

Matius 14:31 ပူးပေါင်းရင်းမြစ်များ

Dehet deng Apan-kloma ki in Dadi ka 22:14

Tiata Abraham ngali maan na ngala, ‘mam Ama Lamtua mana bel asa man kit in parlu ngas.’ Undeng na le, maa pes leol neot ni kon, atuli las aa noan, “Se AMA LAMTUA leten na, Un pesang bel asa man kit in parlu ngas.”

Matius 14:30

Mo nikit Petrus nataka kam angin muun kon, un lii isi. Tiata un mele, ta un haman noan, “Idaa Tuang! Tulung auk le!”

Matius 14:32

Hidi nam oen duas saek lakos lui dapas, kon nam angin na ete meman.

Matius 16:8

Mo Yesus taan oen in nangan na. Tiata Un tekas noan, “Hoeh! Meman mi lai-lisin son! Tasao le mi aa deng ruti lia! Mi parsai Auk isi lo ke?

Matius 17:20

Yesus situs noan, “Mi nulut puting nal uikjale na lo, lole mi parsai baktetebes lo kam. Nangan ne! Eta mi parsai baktetebes se Au, suma ana bubuit banansila el kai beas ana blutu mes tuun kon, mi prenta nal leten mes noan, ‘Hoe leten! Lako seda se nua!’ Lam taon elola ko un lako seda se nua. Ta mi tao nal asa tuun, sadi mi parsai baktetebes se Ama Lamtua.

Matius 6:30

Ta Ama Lamtua Allah naleko bunga man suma nuli leol nia, mo ola kam mate le atuli soleng lako ai dalen na. Eta ela lam, taon elola ko Un in naleko mia ka, dui deng bunga nas. Tiata tasao le mi parsai baktetebes se Un lo kia?

Matius 8:26

Kon Yesus situs noan, “Hoe, tasao le mi lii isi kia!? Mi parsai Auk lo ke?” Hidim Un hangu dili, le kaing angin na, nol len na noan, “Tenem tia!” Kon nam, len na nol angin na, ete meman.

Markus 1:31

Kon Yesus laok ngat blalan bihata nga, hidim kilan se ima ka le, hulung hangu dili. Kon nam un in hed otot ta ilang meman. Hidi nam blalan bihatang na puti lako tutan-lau one.

Markus 1:41

Yesus namnau atuling na, tiata Un doong ima ka le kapas atuling na, le tekan noan, “Auk tade! Tiata ku banan tia!”

Markus 11:23

Ta eta mi parsai ela lam, mi tadu nal leten mes le hoboka lako se tasi kua, sadi mi parsai tailuang tuun lo! Mo mi musti parsai baktetebes se Ama Lamtua Allah.

Markus 16:7

Tiata mi pait lalaba tia! Le laok tek Petrus nol un tapan nas noan, Yesus nuli pait son. Un lako muna son ne Galilea. Mam oen tutnaal nol Yesus se ua, banansila el asa man hmunan nu Un tek oen meman son na. Tiata mi pait tia!”

Markus 4:40

Hidi nam Yesus kaing Un ima-ii las noan, “Tasao le mi totoang lii ela lia? Mi parsai Auk lo ke?”

Markus 5:41

Kon Yesus kil un se ima ka, hidim Un pake dais Aram le tekan noan, “Talita kum!” (Nahin na noan, “Baat-ana, hangu tia!”)

Lukas 24:34

Kon ima-ii las tek oen duas noan, “Meman baktebes! Lamtua Yesus nuli pait son! Apin Un tulu-balang apa ka bel kaka Petrus.”

Dehet deng Aan in Nutus sas 4:30

Nol kaim nodan le Ama Lamtua bel kaim kuasa, le tao banan atuil in ili ngas. Kaim kon nodan kuasa le kaim tao taad in herang bili-ngala, le halin atuli las tana noan, kuaas na maa deng Yesus, Ama Lamtua Atulin in Loka-tadu Niu ka. Ama Lamtua, kaim in kohe-kanas sa pes ela.”

Timutius mesa la 2:8

Auk in koma ka elia: se ola-ol le eta mi nakbua halin kohe-kanas sam, mi dalen nas musti babanan nol apa. Komali nol apa deken. Kaen apa deken. Eta nikit iman le kohe-kanas se Ama Lamtua Allah lam, mi dalen nas musti niu baktetebes muna le.

Petrus mesa la 1:5

Nas man tao mi le parsai nal noan, Ama Lamtua Allah muik kuasa le tulung mia, papa-paiduil mia, nol doha-tinang mia, le halin muik in tao didaan mia lo. Nol mam apan-kloma ki kiamat tam, Un le tulu bel mi lalan in haup boa-blingin na.