Matius 14:2 - Buk Niu In Hida Balu nol Dehet deng Apan-kloma ki in Dadi ka

² Un tek un atulin in dake ngas noan, “Yesus niam, taon elola ko Yuhanis in Sarain Atuli, man hmunan nu auk tadu le dait un bon na ka. Halas ni un nuli pait son nia! Undeng na le, un muik kuasa in tao taad herang na.”

Matius 14:2 ပူးပေါင်းရင်းမြစ်များ

Matius 11:11

Hii babanan ne! Se apan-kloma ki muik atuli mes lo kon, man uhu dui deng Yuhanis. Mo deng atuil man in hao noan, Ama Lamtua Allah nam Lahi ka, un atuil in ana dui kon no, un uhu dui deng Yuhanis.

Matius 16:14

Oen siut noan, “Tenga ka tek noan, Paap niam, Yuhanis in Sarain Atuli ka, man nuli pait son nia. Tenga las tek noan, Paap niam, upung Elia. Tenga las pait tam tek noan, upung Yeremia. Etan lo kam, Ama Lamtua Allah mee-baah didang deng hmunan nua ngas.”

Matius 3:1

Dedeng Yesus tene maa son kon, Yuhanis in Sarain Atuli ka mulai tui atuli las se epe in ete tuun mesa, ne propinsi Yudea.

Markus 6:14

Dedeng na, atuli li se ola-ol tuun, taan Yesus son. Lahing Herodes sa kon ming haup dehet deng Yesus in kuasa ka son. Muik atuli deeh tek noan, “Yuhanis in Sarain Atuli man oen keo tele son na, nuli pait son ne Yesus apa ka! Undeng na, le Un tao nal taad herang nas totoang.”

Markus 8:28

Oen situn noan, “Tenga las tek noan, ‘Yuhanis in Sarain Atuli ka.’ Nol tengas tek noan, ‘Upung Elia’, Ama Lamtua Allah mee-baah lolo hmunan nua ka. Mo tenga las pait tam, tek noan, Paap niam, at mes deng Ama Lamtua Allah mee-baah hmuna-hmunan nuas.”

Lukas 9:7

Dedeng na, lahing Herodes Antipas kon ming haup dehet bili-ngala deng Yesus. Kon un nangan hapun lo, undeng muik atuli at ila lo tek noan, “Yesus na mo, Yuhanis in Sarain Atuli ka, un nuli pait son na.”

Yuhanis 10:41

Atuli hut mamo maas nuting Una. Oen aa nol apa noan, “Yuhanis tao taad herang saa lo. Mo totoang man Un in tek deng Yesus sa baktetebes ela!”