Matius 14:18 - Buk Niu In Hida Balu nol Dehet deng Apan-kloma ki in Dadi ka

¹⁸ Mo Yesus tekas noan, “Hao, banan son na. Nolas maa se nia!”

Matius 14:18 ပူးပေါင်းရင်းမြစ်များ

Matius 14:17

Mo oen siut noan, “Aau Papa! Kaim muik sa-saa le nalo atuil hut mamo nias lo. Kaim taon elola la? Ta kaim suma muik ruti bua lima, nol ikan dua siis!”

Matius 14:19

Kon nam, Yesus tadu atuli las totoang le daad nakbua se bluan na dapas. Hidim Un kat ruti bua lim nas, nol ikan dua nas, le ngada lako el apan-dapa, nol nodan mamo se Ama Lamtua Allah. Hidi nam, Un bilas-bilas ruti las nol ikan nas, le tunang bel Un ima-ii las halin oen laok bating bel atuli las totoang.

Markus 8:6

Hidi kon Yesus tadu atuli las totoang le daad se dale ka. Kon Un kat ruti bua iut nas, le nodan mamo se Ama Lamtua Allah. Hidim Un bilas-bilas ruti nas, le beles laok se Un ima-ii las. Kon oen laok bating bel atuli las totoang.

Yuhanis 6:10

Se la, muik bluan mamo. Ta Yesus tadu Un ima-ii las noan, “Tekas le oen totoang dada.” Kon oen dada. Dedeng na atuli mamo isi! Biklobe las siis kon, nataka le atuli lihu lima.