Matius 13:44 - Buk Niu In Hida Balu nol Dehet deng Apan-kloma ki in Dadi ka

⁴⁴ Yesus taplaeng kleta mes pait noan, “In kom le nangan taan baktetebes deng Ama Lamtua halin daid Un atulin ni niam, osa isi, tuladang el atuil man kom le haup sa-saa in osa isi mesa, man atuli buni se dale dalen. Atuling na maa kali dale ka, kon un haup sa-saa in osa isi na, tiata un dalen kolo isi. Un puan pait sa-saa na se dale ka, le pait uma lalaba tuun. Hidim un lako hee nuli un hmuki-nalan nas totoang, le lako sos dale na, halin un haup sa-saa in osa isi na.”

Matius 13:44 ပူးပေါင်းရင်းမြစ်များ

Matius 13:24

Yesus bel kleta mes pait elia, “Ama Lamtua Allah in kil prenta ka, banansila el atuli mes hising biin banan se un klapa la.

Matius 13:46

Nikit un net baut mutiara mes man leok isi, kon un lalaba tuun pait uma, le lako hee nuli un hmuki-nalan nas totoang. Hidim un lako sos baut mutiara na, le halin nam un hapun meman.”

Matius 13:47

Yesus nahdeh taplaeng pait noan, “Ama Lamtua Allah in kil bandu ka, banansila el atuli laok sao pukat mes se tasi kua. Kon pukat ta nal ikan bili-ngala.

Matius 19:21

Ming ela kon Yesus tek noan, “Elam, eta ku le muid Ama Lamtua in koma ngas totoang ngam, pait le laok hee nuli ku hmuki-nalan nas totoang. Hidim laok bating un duit ta, bel atuil kasiang ngas. Halas-sam ku pait maa le muid Au. Ta mam Ama Lamtua Allah bel seda ku hmuki-nala mamo-mamo se sorga.”

Matius 19:27

Kon Petrus ketan noan, “Papa! Kaim nang soleng kaim hmuki-nalan nas totoang son, le muid Papa. Mo kaim haup asa la?”

Matius 19:29

Atuil in laok nang soleng un uma la, pail-kakan nas, ina-aman nas, ana-anan nas, nol un klapa la, le muid Au ka, mam un sium seda pait didiin lalis ngatus. Hidim eta apan-kloma ki kiamat tam, un kon haup in nuli napiut nol Ama Lamtua didiin hidi nutus lo.

Matius 6:21

Ta mi pesang mi hmuki-nalan nas ne ola sam, taon elola ko mi dalen nas kon napin didi ne as.”

Lukas 14:33

Ela kon atuil in le muid Au ngas. Un musti kahin lako-pait noan, un tade le nang soleng un nena las totoang son, tam lo bii ka? Etan lo bii kam, atuling na tatai in daid Auk atulin lo.”

Yuhanis 6:35

Kon Yesus tekas noan, “Ruti na mo Auk niang. Ta Auk man kil in nuil toma ka. Tiata atuil in tama le daid Auk atulin na, lubu pait lo! Nol atuil in parsai se Au ka, meen tuu pait lo!

Roma 15:4

Totoang man hmunan nu in dul ne Ama Lamtua Buk Niu ka ngas, dulas taung in tui kita. Un tulu lalan le tao kit daid kuat-tes taplaeng, tahang nal muun dui pait, nol Un in Teka-teka ngas kon bel kit in makoe taplaeng. Nini ela lam, kit natang-natang nal le halin net Ama Lamtua in tulu Un dalen banan na bel kita ka.

Kolose 2:3

Suma Un sii man bisa bel in tana, man mi in parlu ka. Nol tui mi nini in tana na, le tao dasi-dais banan. In tana nia, banansila el hmuki-pusaak man in osa isi ka.

Kolose 3:16

Kristus in Teka-teka ngas kon musti mana-koet mi dalen nas nol mi in nuli ka. In Teka-teka nas tuladang el hmuki-nal man in osa ka, man Un bel mias. Oen tulu lalan le mi taan nal dasi mamo, muid Ama Lamtua in nangan na. Hidim, mi pake nal in Teka-tekang nas, le tui nol tek nuting apa mes nol mesa. Eta tui mi atulin nas sam, tuis nini dael banan man inu nol in nodan mamo. Nini totoang dain in naka-nahalit tas le naka-halit Ama Lamtua Allah.

Ibrani 10:34

Mi dalen kasiang nol namnau atuil man tom in pasang tamang lakos se bui dalen nas. Eta atuil in nako ngas, naok lail-niin mi sa-saa las sam, mi sium nol dalen banan tuun, undeng mi taan son noan, mam mi sium seda sa-saa man in banan dui, man atuli li naok lail-niin nalan lo.

Apan-kloma Hnika Balu 3:18

Tiata banan dui ka, mi maa sos lil-mea isin deng Au lia, le halin mi daid atuil in muki baktetebes. Nol sos kai-baut muti le bua kele mi in mae ka. Nol sos mina in taih mata le muang se mi matan nas, halin mi ngat net nol langa.