Matius 13:42 - Buk Niu In Hida Balu nol Dehet deng Apan-kloma ki in Dadi ka

⁴² Mam oen pasang tamang atuil daat nas totoang, lakos se ai naraka dalen, banansila el bluan man tom in loe ka. Se na, halas-sam oen haup in susa-daat isi, nol lilu mumuun teen taan lo.

Matius 13:42 ပူးပေါင်းရင်းမြစ်များ

Matius 13:50

Mam oen pasang tamang totoang atuil daat tas lakos ai naraka dales. Se na, halas-sam oen haup in susa-daat isi, nol lilu mumuun, didiin hidi nutus taan lo.”

Matius 22:13

Kon nam lahing nga prenta un ima-ii las noan, ‘But atuling ni iin nas nol iman nas, le nikit soleng lako likun nua. Nang le un lilu nol susa-daat se maan mitang ngua.’

Matius 25:41

Hidim Auk tek atuli-atuil in se Auk halin kliu ka ngas noan, ‘Hoe atuil daat me! Ama Lamtua Allah bahang mi son. Lakom nodat deng nia! Mam Auk tadu atuli le laok pasang tamang mi se ai naraka man in kaloe hidi nutus taan lo kua. Ta Ama Lamtua Allah mana pesang maan in susa-daat na son, bel uikjale kas nol oen laih tuan na.

Matius 3:12

Nol Un kil dihang son, le tahing soleng ael hku ka deng beas sa. Hidim Un nisi tamang ael beas na lako tongleo dalen. Mo hku ngas, Un doan tamang lakos ai man kaloe hidi nutus taan lo ka.”

Matius 8:12

Ama Lamtua Allah huil atuil Yahudi las le daid Un atulin son kon no, muik mamo nabale, man dai muid Un lo. Mam Un hutun soleng oen lakos se maan in mitang-mames sa. Se na, oen lilu mumuun nol susa-daat isi.”

Lukas 13:28

Hidim eta Ama Lamtua Allah nutus totoang atuli li dasi lias sam, mi lilu mumuun nol duu siin. Ta mi ngat net upung Abraham, upung Isak, upung Yakob nol Ama Lamtua Allah mee-baha las totoang, tamas daad ne sorgas son. Mo mi tom in nulut soleng lakom se likun na tuun.

Apan-kloma Hnika Balu 14:10

Mam Ama Lamtua esa man boho Un in komali ka bel one, banansila el Un ninung oen anggor tulu mali' ka. Mam Un pasang soleng oen lakos ai blirang man kaloe hidi taan lo ka. Un ima-ii in deng sorga ngas, nol Lae-blai Ana ka kon ngat netas.”

Apan-kloma Hnika Balu 19:20

Mo Atuling man in daad se ahloet muti dapa ka, daek hmukit na nol un mee-baah in nole-lilung daat ta. Mee-baah na, man hmunan nu tao taad herang bili-ngala, nol nole-lilung atuli li le sium hmukit in tao tele dadahut na hmarat ta, nol hui se un bangat ta. Mo halas ni, Atuling man in daad se ahloet muti dapa ka, lako pasang tamang hmukit na, nol un mee-baha la, lako tasi ai blirang man kaloe tutungus maet taan lo ka son.

Apan-kloma Hnika Balu 20:10

Kon Ama Lamtua atulin nas daek nal uikjale kas laih tuan man nole-lilung nal atuli hut mamo son na. Hidim oen pasang tamang lako tasi ai blirang man kaloe tutungus sa dalen. Mam un tom in hepa se la, leo-leo nol hmukit in tao tele dadahut ta, nol un mee-baah in nole-lilung daat ta. Se na, oen haup susa-daat tutungus duman-lelo, hidi nutus taan lo.

Apan-kloma Hnika Balu 21:8

Mo mam kon muik atuli teng tom in pasang soleng, lako tasi ai blirang man kaloe tutungus sa. Tuladang el atuil in lii daat, atuil man bali kudi Yesus, atuil in nuil hmomos, atuil in nong dadahut daat, atuil in keo atuil tutungus, atuil in hui-langus tutungus, atuil in nodo-kit daat, nol atuil in nole-lilung daat tas. Mam oen totoang tom in pasang tamang lakos tasi ai dalen, man atuli noken noan, ‘man in mate oe dua la.’ ”

Apan-kloma Hnika Balu 9:2

Un sai bolo na hnitan na, kon nus mitang babakun puti el ai in notan se alas sua ka. Nus na sake buan-buan, didiin apan nu nol lelo la daid mitang.