Matius 13:27 - Buk Niu In Hida Balu nol Dehet deng Apan-kloma ki in Dadi ka

²⁷ Kon oen laok tek klaap lamtua ka noan, ‘Tuang! Leol neot na kaim hai biin banan se tuang klapa la, ta lo? Lam tasao le halas ni bluan mamo isi son nia le?’

Matius 13:27 ပူးပေါင်းရင်းမြစ်များ

Matius 13:25

Oras duman le totoang atuli li niin nala, kon nam atuil daat maa hising blua lii se klapa la.

Matius 13:26

Nikit klapa la puting isin kon, atuil in dake ngas net bluan nas nulis leo-leo nol gandum mas.

Matius 13:28

Klaap lamtua ka siut noan, ‘Nas atuil daat tas in dake na.’ Kon un atulin in dake ngas bel in nangan noan, ‘Tuang, kaim laok top nuli bluan nuas se?’

Matius 20:1

Hidi nam Yesus tui noan, “Ama Lamtua Allah in kil prenta ka, banansila el kleta nia: muik klaap anggor lamtua mes puti oskaong bii, diuk eneng, le laok nuting atuli halin maa daek se un klaap anggor ra.

Roma 16:17

Kaka-pali me! Auk nodan le mi doh babanan, ta muik atuli in le tao bakisan mia, nol kom le kiu nahu mia. Asa man oen in tek mia ka, kisa deng asa man kaim in tui mi son nas. Tiata, boel nakbua nol atuil tuladang ela ngas deken!

Korintus mesa la 16:10

Eta Timutius daid in tia se mia la kam, sium un nol babanan, le halin un nangan deken. Ta un nam kit Lamtuan na atulin in dake, banansila el au.

Korintus dua la 6:1

Undeng kaim daek leo-leo nol Ama Lamtua, tiata kaim le tui-tek mi elia: Ama Lamtua Allah tulu Un dalen banan na mamamo son bel mia. Tiata, mi sium Un dalen banan na nol mosa ela tuun deken.

Korintus dua la 6:4

Hidim totoang man kaim in dakeng ngas, kaim nuklek le tulu bel noan, kaim niam mo, Ama Lamtua Allah atulin in dake man banan. Tiata, kaim haup ili, tamlom susa-daat, tamlom nulim se in lob-lau hlala kon no, kaim keeh napiut.

Yakobus 4:4

Meman mi niam atuil in daek muid napiut lo! Mi banansila el bihata-bikloeb in saap son, mo nuil napiut nol apa lo, hidim nong nol atuil didang sapa ka. Etan mi but mi apan nas nol apan-kloma ki in koma-koma ngas sam, na mi tao mi apan nas le mus nol Ama Lamtua Allah. Ela son na!