Matius 12:45 - Buk Niu In Hida Balu nol Dehet deng Apan-kloma ki in Dadi ka

⁴⁵ Tiata, uikjale na laok haman tapnaeng un tapan at itu, man daat dui deng una. Hidim oen totoang lakos daad se atuling na, le leo-leo tao bosor una. Kon nam atuling na in nuli ka, daat dui pait keko lako. In ela ka kon, tom nol atuil in nuil hahalas nia ngas.”

Matius 12:45 ပူးပေါင်းရင်းမြစ်များ

Matius 12:24

Mo nikit atuil Farisi las ming ela kon, oen sium lo. Tiata oen tek noan, “Hoe! Atuling ni nulut puting nal uikjale, undeng uikjale kas tuang Balsebul, man belen kuasa na.”

Matius 12:44

Kon un nangan noan, ‘Eeh! Haup maan lo elia lam, banan dui ka auk pait lakong daad se atuling hmunan nua ka.’ Hidim un pait, kon un tinang ngam mana la niu tuun, nol mana-koet babanan son.

Matius 17:21

[Molam hii babanan! Uikjale kas meman daat isi. Ta mi musti kohe-kanas nol telang, le nodan tulung se Ama Lamtua, lo kam mi nulut puting nal uikjale tuladang ela lo.”]

Matius 23:15

Hoe, guru-guru agama nol atuil Farisi me! Meman mi niam atuil in sila-klup tuun! Mam mi haup in susa-daat, undeng mi luan laa lakom se ola-ola, nol niu saek leten, le suma nuting atuli mesa, halin tama muid mi partei agama la. Mo eta un tama son nam, mi tao un in nuli ka daat dui pait, didiin un in haup hukung se naraka lua ka, ngele dui mi oe dua.

Matius 23:24

Mi taan dadale lo, mo tasao le mi tulu lalan bel atuil didang nabale lia? Mi daek muid atorang man in muun lo ngas, mo Ama Lamtua atorang man in muun dui ngas sam, mi daek mudis lo. Banansila el mi nahis soleng hlales ana blutu mes deng mi ui in ninu ka. Molota, hmukit tene mes el aus-tutu ka, mo mi holon tetema!

Markus 16:9

Leol minggu oskaong nga, Yesus tulu-balang apa ka muna bel Maria in deng iung Magdala ka, man hmunan nu Yesus nulut puting uikjale iut deng un apa ka.

Markus 5:9

Kon Yesus keket un noan, “Ku ngalam sii la?” Atuling na siut noan, “Auk ngalang Legion, ta kaim niam mamo naseke', banansila el batalion mamo!”

Lukas 11:26

Tiata uikjale na lako haman un tapan nas at itu, man daat dui deng una. Hidim oen totoang lakos daad se atuling na, ta atuling na in nuli ka daat dui pait deng hmunan nua.”

Efesus 6:12

Ta kit ne in hote-dati dalen! Kit hote-dait labang atuli li lo, mo kit hote-dait labang kuasa daat, man kit in ngat net lo ngas, labang kuasa-kuaas mitang man in kil prenta ne apan-kloma kia ngas, nol labang uikjale in ne apan-dapa kua ngas.

Ibrani 10:39

Kit niam, atuil in hoen deng Ama Lamtua Allah lo. Ta atuil in ela ka, mam bakisan katang deng Una. Molam kit niam, atuil in parsai se Ama Lamtua Allah. Ta mam kit haup in nuli napiut nol Una.