Matius 12:20 - Buk Niu In Hida Balu nol Dehet deng Apan-kloma ki in Dadi ka

²⁰ Un dalen na banan. Un tao sus atuil lo. Kai in mana le tehen na kon, Un lukut tehen napiut lo. Nol hadut in le mate ka kon, Un huu tele lo. Un tui atuli li tutungus, didiin totoang bangsa li tana, le nuil muid Ama Lamtua lalan in nuil lolo ka.

Matius 12:20 ပူးပေါင်းရင်းမြစ်များ

Matius 11:28

Mi totoang man kaem deng in daek mumuun nas, maa le muid Au! Mi totoang man lepa-haal dais ngele ngas, maam se Au lia!

Matius 11:7

Yuhanis ima-ii las pait kon nam, Yesus aa nol atuil hut mamo kas deng Yuhanis noan, “Dedeng mi laok nuting Yuhanis se maan in ete tuun nua ka, mi nangan noan laok tutnaal atuil tuladang elola la? Taon elola ko mi laok se nua ka, le tutnaal atuil in bloen-blahen, man tuladang el uun in late lako-pait muid angin na lo!

Lukas 4:18

“Ama Lamtua Allah Koo la in kuasa ka muik ne Au. Undeng na le, Un tulu Au, le tek Ama Lamtua Dehet-dasin Banan na bel atuil kasiang ngas. Un nutus Auk son, le tekas noan, in ne bui daleng ngas, mam putis; atuil tedo kas, mam ngat net pait; man tom in tudan-kida ngas, mam haup in sas-sao.

Korintus dua la 2:14

Mo auk lakong se olang tuun kon, auk nodan mamo-mamo se Ama Lamtua Allah. Ta Kristus labang nal daat tas, hidim Un nal son, nol kit kon butu-kil nol Una. Undeng na, le Ama Lamtua Allah tek tutungus noan, kit niam mo, Un atulin. Tiata, oras kit tek atuli li se ola-ol deng Kristus sa, na banansila el in bui bingis mesa, man totoang atuli li hodo netan.

Korintus dua la 2:7

Undeng na le halas nia, mi musti nadidingun un in kula-sala ngas, hidim mi musti aa nol un babanan. Ta etan lo kam, un in makoe ka ilang toang son na.

Apan-kloma Hnika Balu 6:2

Nahkitu lam auk net ahloet muti mesa. Muik atuli mes daad se dapa, le lotong hlotong el tulu in hote-dati ka, undeng un nal tutungus se in hote-dati dalen. Un kil hmeno, le puit lako tao tehen un mus in ne apan-kloma kia ngas.