Matius 11:4 - Buk Niu In Hida Balu nol Dehet deng Apan-kloma ki in Dadi ka

⁴ Ming ela kon, Yesus siut noan, “Mi ming nol net esan son. Tiata mi pait le laok tek kaka Yuhanis noan, totoang daid muid asa man Ama Lamtua Allah mee-baah Yesaya la in dul meman son noan:

Matius 11:4 ပူးပေါင်းရင်းမြစ်များ

Matius 11:3

“Ama Lamtua Allah hid meman son deng hmunan nu noan, Un le tunang Kristus maa halin bel boa-blingin kit atuil Yahudi lia. Paap niam, Kristus se? Tamlom kaim musti natang atuil didang pait ta?” Tiata oen lakos ketan Yesus ela.

Matius 11:5

Atuil tedo kas, haup in neta. Atuil hlukut-kait tas, laok nala. Atuil in iil baih-bluku ngas, banan. Atuil kiu kas, ming nala. Atuil in mate ngas, nulis pait. Atuil kasiang ngas, ming haup Dehet Dais Banan na.

Matius 15:30

Nesang lo kon, atuli mamo maas se Una la. Oen kil nol atuil paang sea, atuil tedo, atuil hlukut-hkait, atuil in aa nal lo, nol atuil in iil didang ngas kon. Oen nol atuil in iling nas, laok nenes dadani se Yesus iin na. Kon nam, Un tao banan one.

Matius 21:14

Yesus bii nabael se Ama Lamtua Allah Um in Kohe-kanas sa lam, atuil tedo kas nol atuil hlukut-hkait tas maas se Una. Kon Un tao banan oen totoang.

Matius 8:3

Ming ela kon Yesus doong ima ka, le kapas atuling in iil baih-bluku na, hidim aa noan, “Auk tade! Ku banan tia!” Kon suknahkitu lam, atuling na ili la ilang meman.

Yuhanis 14:11

Parsai se Au, ta Auk butu-kil babanan nol Auk Amang ngua, nol Un kon butu-kil babanan nol Au. Mo eta mi parsai nal ela lo kam, mi musti parsai se Auk tia, undeng mi net dais man Auk in tao son nas.

Yuhanis 5:36

Molota Auk muik Saksi mes man uhu dui deng Yuhanis, man aa nol in toma deng Au. Na ka, Auk Amang in ne sorga ku, man sao bel Auk osa mamo son, le Auk lako-dakes didiin hidis. In lako-dakeng nias man tulu taad noan, Auk Amang ngu man nutus Au la.