Matius 11:22 - Buk Niu In Hida Balu nol Dehet deng Apan-kloma ki in Dadi ka

²² Baktebes! Mam mi ngat esan! Eta Ama Lamtua nutus totoang atuli li dasi las sam, atuil Tirus sas nol atuil Sidon nas hukung nga, kahan dui deng mi hukung ngas.

Matius 11:22 ပူးပေါင်းရင်းမြစ်များ

Matius 10:15

Mam eta Ama Lamtua Allah nahu hukung bel atuil in se apan-kloma ki ngias sam, taon elola ko, Un nahu hukung ngele bel atuil Sodom nol Gomora las, man hmunan nu in daat isi ka. Mo nangan ne! Ta mam Un nahu hukung ngele dui pait, bel atuil man in dai sium mi lo ngas!”

Matius 11:21

Yesus kaing oen noan, “Mi atuil Korasin nol atuil Betsaida! Doha le! Mam mi nahim tom in daat! Auk tao taad herang bili-ngala son se mi sila-matan, mo mi dai parsai Ama Lamtua Allah lo. Molota mi niam atuil Yahudi, man hao noan taan Ama Lamtua. Mo etan tada-taad herang man Auk in tao se mi ingu la ngas, daid muna se kota Tirus nol kota Sidon nam, taon elola ko nesang ngi eli son ta, atuli-atuil in ne ua ngas, pesang son deng oen in kula-sala ngas, le muid Ama Lamtua. Nol taon elola ko, oen kon pake kai-baut dael ili, hidim tao auh se oen bon nas, le daid tada noan, oen maingasar nol oen in kula-sala ngas. Molota atuil Tirus nol atuil Sidon nas nam mo, atuil Yahudi lo, mo oen hao le taan Ama Lamtua.

Matius 11:24

Baktebes! Mam mi ngat esan tuun! Eta Ama Lamtua nutus totoang atuli li dasi las sam, atuil Sodom mas hukung nga, kahan dui deng mi hukung ngas!”

Matius 12:36

Parsai se Au! Ta eta leol kiamat ti maa lisu lam, Ama Lamtua Allah pres totoang atuli li dasi las. Dedeng na atuli li mesa-mesam musti situ-taal un dasin man in muik ambak lo ngas, esan.

Lukas 10:14

Baktebes! Mi ngat esan tuun! Mam eta Ama Lamtua nutus totoang atuli li dasi las sam, atuli-atuil in se Tirus nol Sidon nas hukung nga kahan dui deng, mi hukung nga.

Ibrani 2:3

Meman hmunan nu ela. Mo halas ni Ama Lamtua Ana ka sai lalan balu son, le bel boa-blingin atuli lia. Un tek lalan boa-blingin man in muun isi ni son, bel Un atulin man in lii-lau Un se apan-kloma kia ngas. Hidim oen tek kita, le kit parsai. Mo etam kit tiu-hii lo kam, doha ta kit tom in daat son nia!

Petrus dua la 2:9

Dehet nas totoang tulu bel noan, Ama Lamtua Allah taan lalan in bel slamat atuil man hii-ming se Una, nol tahang nal se in sukat-soba dalen nas. Un kon niung hukung ngele, bel atuil man in nuli ka tom lo ngas. Un tao napiut ela, didiin oras Un in nutus totoang atuli li dasi las sa.

Yuhanis mesa la 4:17

Nol eta kit dalen mes nol Ama Lamtua lam, kit in namnau ka daid toma. Hidim, eta lius leol kiamat tia, le Ama Lamtua pres totoang atuli li in nuli kia lam, kit lii-tiud in dil se Un sila ka lo. Undeng kit daid banansila el Kristus son, se dedeng Un nuli se apan-kloma kia ka.

Apan-kloma Hnika Balu 20:11

Hidi na kon, auk ngat net del in prenta muti tene mesa. Ama Lamtua Allah daad se del in prenta na dapa. Nahkitu lam, dale-dapa kia, nol apan nu ilang hidi, didiin netas pait lo.

Apan-kloma Hnika Balu 20:12

Hidim auk ngat net atuli-atuil in maet son nas. Oen totoang tuan-ana dil saol del prenta la. Kon ima-ii deng sorga, maas bok buku-buk man dulas son, deng totoang atuli li in dake-mana ngas. Hidim oen bok in dula mes didang pait, na buk in dul ngala-ngaal deng atuil man mam, nulis napiut nol Ama Lamtua Allah, didiin hidi nutus taan lo ngas. Kon nam, Un nutus atuil in mateng nas dasi las, muid oen mesa-mesam in lako-dake ka, el asa man dulas son ne buk na ngas.