Matius 11:21 - Buk Niu In Hida Balu nol Dehet deng Apan-kloma ki in Dadi ka

²¹ Yesus kaing oen noan, “Mi atuil Korasin nol atuil Betsaida! Doha le! Mam mi nahim tom in daat! Auk tao taad herang bili-ngala son se mi sila-matan, mo mi dai parsai Ama Lamtua Allah lo. Molota mi niam atuil Yahudi, man hao noan taan Ama Lamtua. Mo etan tada-taad herang man Auk in tao se mi ingu la ngas, daid muna se kota Tirus nol kota Sidon nam, taon elola ko nesang ngi eli son ta, atuli-atuil in ne ua ngas, pesang son deng oen in kula-sala ngas, le muid Ama Lamtua. Nol taon elola ko, oen kon pake kai-baut dael ili, hidim tao auh se oen bon nas, le daid tada noan, oen maingasar nol oen in kula-sala ngas. Molota atuil Tirus nol atuil Sidon nas nam mo, atuil Yahudi lo, mo oen hao le taan Ama Lamtua.

Matius 11:21 ပူးပေါင်းရင်းမြစ်များ

Matius 11:22

Baktebes! Mam mi ngat esan! Eta Ama Lamtua nutus totoang atuli li dasi las sam, atuil Tirus sas nol atuil Sidon nas hukung nga, kahan dui deng mi hukung ngas.

Matius 15:21

Hidi na kon, Yesus boka deng maan na, le lako se dale Tirus nol Sidon.

Matius 18:7

Apan-kloma ki meman maan in haup daat, undeng muik dasi mamo, man tao atuli li le daek kula-sala. Mo man haup daat dudui ka, atuling in tao atuil didang le didiin oen daek kula-sala ka.

Matius 26:24

Nangan ne! Au, Atuling Baktetebes nia, musti mateng banansila el asa man oen in dul meman son, ne Ama Lamtua Allah Buk Niu ka ka. Mo doha loo! Atuling in hee Au ka, mam lepa-haal un in susa-daat ta esa! Tiata in banan dui ka, un ina ka huan deken tia!”

Markus 6:45

Hidi kon, Yesus tadu Un ima-ii las saek lui, le lakos muna se iung Betsaida, ne tubu ka halin. Mo Un dada nabael se na, le tadu atuil hut mamo kas pait.

Markus 7:24

Hidi kon, Yesus nol atuil in muid Una ngas bokas deng maan na, le lakos se kota mesa, ngala Tirus. Nikit oen lakos lius se las kon, oen taam lakos se uma mesa, undeng Yesus kom atuli in taan noan, Un maa ne maan na lo. Mo Un huni nal lo.

Markus 7:31

Hidi na kon, Yesus nol atuil in muid Una ngas nang soleng kota Tirus, le laok muid tasi suut tuun deng kota Sidon. Deng na, oen lakos napiut se tubu Galileas. Hidim oen lakos se mana mesa man muik kota hngulu, maan na oen noken ‘Dekapolis’.

Markus 8:22

Hidi deng maan na, Yesus nol ima-ii las lakos lius se iung Betsaidas. Lius se luas kon, atuli las pel nol atuling tedo mes laok bel Yesus. Oen nodan le Yesus huud atuling tedo na, halin un banan.

Lukas 6:17

Nikit Yesus nol Un ima-ii las nius deng leten na kon, oen dil se dale titun mesa. Se na, muik atuli hut mamo maas nakbua. Oen maas deng propinsi Yudea, deng kota Yerusalem, deng Tirus nol Sidon, kota dua nas ne tasi suut.

Lukas 9:10

Oe mesan na kon, ima-ii man Yesus in nutus sas pait le nakbuan pait nol Una. Oen tek Un deng totoang asa man oen in daek nal son nas. Hidim Yesus nol Un ima-ii las ete-ete le lakos se mana mesa, dani nol iung Betsaida, halin oen teen in kae se las.

Yuhanis 12:21

Oen maas le tutnaal Filipus man maa deng iung Betsaida, ne propinsi Galilea. Oen nodan noan, “Kaka! Kaim le tutnaal nol Yesus.”

Dehet deng Aan in Nutus sas 12:20

Dedeng na, muik atuil deng kota dua, ngala Tirus nol Sidon, kom le sos in kaa deng laih Herodes nusa ka. Mo blaan son, lahing na komali nol one. Tiata oen tek apa le nuting lalan halin laok babanan pait nol una. Kon oen huil nal atuli bua mesa, le laok tutnaal nol Herodes. Lakos lius se Kaisareas kon, oen olet nol atuil dalen mesa, ngala Blastus. Un nam mo, atuil tene se um lahi la. Oen koo-dalen mes nol Blastus, le sai lalan halin oen haup in tutnaal nol Herodes.

Dehet deng Aan in Nutus sas 27:3

Kaim luan laa bokam deng Kaisarea, hidim ola ka, kaim lakom lius se kota Sidon. Komendan Yulius tao Paulus nol babanan, un kon tekan noan, Paulus bisa laok ngat un tapan nas se tuu kua. Un in koma ka, le halin Paulus tapan nas bel un sa-saa man in parlu se tasi dapa.

Yudas 1:11

Doha-doha! Mam oen haup in susa-daat muun dui. Ta oen tao muid el Kain, man keo tele bali un palin na esa. Oen daek muid el Bileam, man tao asa tukun, sadi haup duit. Oen kon tao muid el Kora, man dudus undeng labang nol Ama Lamtua. Undeng atuil nas daek dadaat ela, tiata mam oen kon bakisan deng Ama Lamtua didiin son na.

Apan-kloma Hnika Balu 11:3

Mam Auk nutus Auk atulin at dua se na, le oen daid Auk mee-baha. Mam oen pake kitu-kaod dael ili, nol aa deng Au, didiin leol 1.260 nas hidis.”

Apan-kloma Hnika Balu 6:12

Hidi nam, Lae-blai Ana ka bok segel nomer eneng nga. Nahkitu lam, auk ngat net lul-beko tene. Kon lelo la daid mitang, banansila el kitu mitang nga, nol bulan na daid mea el dala ka.