Matius 11:2 - Buk Niu In Hida Balu nol Dehet deng Apan-kloma ki in Dadi ka

² Dedeng na lam, Yuhanis ne bui dale son. Nikit un ming totoang asa man Yesus in tao son nas kon, un lok un ima-ii las laok ketan Yesus noan,

Matius 11:2 ပူးပေါင်းရင်းမြစ်များ

Matius 1:17

Tiata kilan deng Abraham lako pes Daud tam, bata' hngul aat; hidim kilan deng Daud lako pes oen tom in soleng lakos se Babilon na, bata' hngul aat; nol kilan deng Babilon lako pes in hua Kristus sa lam, bata' hngul aat kon.

Matius 14:3

Laih Herodes aa ela, lole hmunan nu un tao dais nol Yuhanis, didiin un daek Yuhanis le tamang lako se bui. Un dehet ta elia: laih Herodes saap nol un palin Filipus sapa ka, ngala Herodias. Molota Filipus nol Herodias dai apa lo bii.

Matius 4:12

Dedeng na lahing Herodes sa tamang Yuhanis in Sarain Atuli ka se bui dalen. Nikit Yesus ming haup ela kon, Un pait lako Galilea.

Matius 9:14

Hidi na, Yuhanis in Sarain Atuli ka ima-ii las maas tutnaal nol Yesus. Oen ketan noan, “Kaim in muid Yuhanis sias, taom telang. Atuil Farisi las kon telang. Mo tasao le Paap ima-ii las taan in kaa-ninu tutungus sia? Oen taan in telang ngi, tam lo ka?”

Markus 6:17

Hmunan laih Herodes tadu ela, undeng un muik dais nol Yuhanis. Un dehet ta elia: laih Herodes saap bali un palin Filipus sapa ka, ngala Herodias. Molota, Filipus nol Herodias dai apa lo bii. Undeng na le Yuhanis kaing laih Herodes oe-oe noan, “Ama lahi, boel nuu ama palin na sapa ka deken. Ta na kaliut kit hadat Yahudi la son!” Mo ela kon no, lahing Herodes sa saap nol bihatang na. Hidim un tadu atuli laok daek Yuhanis le tamang lako se bui dalen.

Lukas 3:19

Dedeng na, Yuhanis kon aa langa-langa deng Herodes in tao kula ngas. Un dehet ta elia: Herodes na mo, gubernur se propinsi Galilea. Un in tao kula ka mamo isi son. Tuladang el un nuu nal un palin na sapa-bihatan na, ngala Herodias. Molota un palin na nuli nabale, hidim dai nol Herodias lo bii. Herodes lalan in nuli man tom lo na, man tao Yuhanis le kaing un langa-langa, dadin nam Herodes koon-mali isi nol una la. Tiata Herodes tadu un atulin nas daek Yuhanis le pasang tamang lako bui dalen.

Lukas 9:7

Dedeng na, lahing Herodes Antipas kon ming haup dehet bili-ngala deng Yesus. Kon un nangan hapun lo, undeng muik atuli at ila lo tek noan, “Yesus na mo, Yuhanis in Sarain Atuli ka, un nuli pait son na.”

Yuhanis 4:1

Etan kit sukat Yuhanis nol Yesus sam, Yesus ima-ii las sarain nal atuli mamo dui. Yesus esa sarain atuil lo, mo in sarain atuli ka Un ima-ii las. Nikit Yesus taan son noan, atuil deng partei agama Farisi la ming le oen sarain nal atuli mamo dui,