Matius 10:41 - Buk Niu In Hida Balu nol Dehet deng Apan-kloma ki in Dadi ka

⁴¹ Eta atuli sium Ama Lamtua Allah mee-baha mesa, undeng mee-baah na aa deng Ama Lamtua, lam mam Ama Lamtua balas una ka, banansila el Ama Lamtua in balas mee-baah na ka kon. Nol atuil in sium atuling dael lolo mesa, undeng atuling na muid Ama Lamtua in koma ka baktetebes sa, mam Ama Lamtua balas una ka banansila el Un in balas atuling dael lolo na ka kon.

Matius 10:41 ပူးပေါင်းရင်းမြစ်များ

Dehet deng Apan-kloma ki in Dadi ka 20:7

Nol nia, ku tunang pait bihatang na lako un sapa ku tia. Ta un sapa ka na mo, Auk mee-baha. Tiata ku laok nodan una, le kohe-kanas bel ku, halin nam ku mate deken. Mo eta noan ku bel pait bihatang na lo kam, nangan ni bana-banan! Ta mam ku, nol ku atulim mas matem totoang.”

Matius 16:27

Auk tek mi dais nias totoang, undeng Auk niam, Atuling Baktetebes sa. Mam Auk niu pait maang nini Auk Amang ngu in loe-liliman na, leo-leo nol Un ima-ii las deng sorga. Se dedeng na lam, Auk balas atuli li totoang muid asa man oen in dake ngas.

Matius 25:44

Ming ela kon, atuil daat tas siut noan, ‘Lamtua, na elol son na la? Lamtua tek noan lubu, mo kaim bel in kaa lo. Lamtua meen tuu, mo kaim bel in ninu lo. Lamtua maa banansila el atuil balu ka, mo kaim sium tahang se kaim uma las lo. Lamtua muik kai-baut in pake lo, mo kaim bel lo. Lamtua heda, mo kaim laok meo lo. Lamtua se bui ku dale, mo kaim laok tulung lo. Tiata kaim tao saol Lamtua ela blingan son na?’

Matius 25:45

Mam Auk situs noan, ‘Auk in tek mia ni tom baktetebes! Ta dedeng mi dai tulung atuil anang dudui las lo ka, na banansila el mi dai tulung Auk lo.’

Matius 6:1

Yesus tui napiut noan, “Nangan ne! Muid atorang agama la le halin atuli naka-naka mi deken. Ta eta mi tao ela lam, mam mi Aman in ne sorga ku bel mi saa mes lo kon.

Matius 6:18

Le halin eta atuli net mia lam, oen taan noan mi telang deken. Mo mi Aman nu man tana. Mam Un bel seda mi hangun mamo-mamo.”

Matius 6:4

Nini ela lam, atuil apan-kloma ki taan lo. Mo mi Aman in ne sorga ku taan asa man mi in daek nol ete-ete na. Ta mam Un balas bel mi hangun mamo-mamo.”

Matius 6:6

Mo mi boel tao ela deken. Eta mi kohe-kanas sam, taam lakom kamar ra dalem, le hep hnita ka. Hidim kohe-kanas ete-ete se mi Aman in ne sorga kua. Atuil tenga net lo kon no, mi Aman na neta. Tiata mam Un balas bel mi hangun mamamo.

Matius 7:8

Ta totoang atuil in nodan napiut se Ama Lamtua ngas, mam simu. In nuting tutungus sas, mam hapu. In biu tutungus sas, mam Un sai beles hnita.

Dehet deng Aan in Nutus sas 16:15

Hidi na kon, kaim sarain ina Lidia nol un uma isin nas totoang. Sarain hidis kon, un nusi kaim noan, “Amas totoang. Eta mi nangan noan auk parsai baktetebes se Lamtua Yesus son nam, mi maam daad tahang se auk uma li tuun.” Un nusi napiut kami, didiin kaim tade.

Roma 16:23

Au (Paulus) daad tahang ne kaka Gayus uma. Totoang atuil in sarani ne maan ni ngias taom nakbua le grija se un uma. Un kon tunang boa-blingin. Kaka Erastus man daid bendahara deng kota nia, nol kit kaak-palin Kuartus kon tunang boa-blingin.

Korintus mesa la 9:17

Nol etan auk daek os nia ki, suma muid auk in koma esa kam, sa-saa man auk in hapu ngas, tuladang el gaji man atuil in dake ngas in simu ka tukun. Mo eta auk daek os nia ki, undeng Ama Lamtua man nutus au lam, na kisa. Lole Un parsai au, le doh Un sa-saa man in osa isi ngas.

Ibrani 6:10

Tiata nangan, ta Ama Lamtua Allah dalen na lolo, nol Un kon nadidingun mi lating ngas lo. Ta mi daek mumuun son le tulung Un atulin nas, nol namnau one. Lolo hmunan nua, meman mi lako-daek Un osa la son. Nol mi daek ela nabale.

Yuhanis dua la 1:8

Kit in kae-kae ki, dohan babanan le ilang deken. Tiata mi musti makoe in dake napiut, le halin mi haup hangun man Ama Lamtua in hid le bel mian se sorga ka.