Matius 10:2 - Buk Niu In Hida Balu nol Dehet deng Apan-kloma ki in Dadi ka

² Ima-ii at hngul dua man Un in nutus sas ngalan nas elia: Hmunan na ngala Simun (man oen haman noan, ‘Petrus’), hidim un palin na, ngala Anderias, hidi nam, Yakobus, nol un palin na, ngala Yuhanis (oen duas na mo, Sabadeus anan).

Matius 10:2 ပူးပေါင်းရင်းမြစ်များ

Matius 17:1

Hidi nal lelo eneng kon, Yesus haman Petrus, Yakobus nol un palin Yuhanis, le oen leo-leo lakos sakes se leten tene mes dapas, halin oen siis se las.

Matius 20:20

Hidi nam, Sabadeus sapa ka maa se Yesus, leo-leo nol un anan nas duas, Yakobus nol Yuhanis. Un hai buku ka le todan Yesus nol hanet Una.

Matius 26:37

Mo Un haman Petrus, Yakobus nol Yuhanis, le oen tilus leo-leo nol Una. Kilan deng oras na kon, Yesus nataka kam, Un dalen na sus isi, nol hutlulu.

Matius 4:18

Neot mesan na, Yesus laok muid tubu Galilea suut ta. Kon Un tutnaal atuli at dua pali-kaka. Mesan na ngala Simun, mo atuli las taom haman noan Petrus. Nol un palin na, ngala Anderias. Oen saal ikan se tubu ka, undeng oen duas na mo atuil tasi.

Matius 4:21

Hidi nam Yesus laok napiut bubuit pait, kon Un ngat net Sabadeus anan nas. Kaka la ngala Yakobus nol palin na ngala Yuhanis. Oen duas leo-leo nol oen aman na tao babanan pukat ta se oen lui la dale. Kon Yesus haman oen duas le muid Una.

Markus 1:29

Nikit oen putis deng um in kohe-kanas sa kon, Yesus lako se Simun nol Anderias uma. Yakobus nol Yuhanis kon lakos leo-leo nol one.

Markus 13:3

Hidi kon, Yesus nol atuil in muid Una ngas lakos se leten Saitun nua, le oen daad se maan in saol nol Um in Kohe-kanas Tene ka. Kon nam Un ima-ii las at aat maas, le oen siis nahdeh nol Una. Atuil at aat nas, Petrus, Yakobus, Yuhanis, nol Anderias.

Markus 6:30

Oe mesan na, Yesus ima-ii man Un nutus son nas totoang pait, le lakos nakbua nol Una. Oen tek totoang asa man oen in daek son nas, nol asa man oen in tui son bel atuli la ngas.

Lukas 11:49

Undeng na, Ama Lamtua Allah man taan totoang sa-saa lias sa, tek net son noan, ‘Mam Auk nutus Auk mee-baha las nol atuil in nutus tenga, le lakos se atuli Israel las. Kon atuil nas diku-puang tenga las, nol keo tele tenga.’

Lukas 22:14

Oen mana hidi totoang nas kon, Yesus nol ima-ii tenga las maas lisu. Un daad se mija la, le kaa fesat Paska leo-leo nol Un ima-ii las.

Lukas 22:8

Ta Yesus tadu Petrus nol Yuhanis noan, “Mi duam lakom muna le mana-koet bel kit in kaa fesat Paska leo-leo.”

Lukas 9:10

Oe mesan na kon, ima-ii man Yesus in nutus sas pait le nakbuan pait nol Una. Oen tek Un deng totoang asa man oen in daek nal son nas. Hidim Yesus nol Un ima-ii las ete-ete le lakos se mana mesa, dani nol iung Betsaida, halin oen teen in kae se las.

Yuhanis 12:22

Tiata Filipus lako tek Anderias. Kon oen duas laok aa nol Yesus.

Yuhanis 13:23

Se na, muik at mes deng one la, man Yesus namnaun, (na ka au, Yuhanis, man dul buk nia ki.) Auk daad se Yesus halin na.

Yuhanis 20:2

Tiata un lail pait maa se Simun Petrus nol au lia, auk niam, Yesus ima-ii man Un namnau, hidim un tek noan, “Oen naok kit Lamtuan na deng Un utu ku son! Oen laok nene Un ne ola kam, kaim tanan lo!”

Yuhanis 21:2

Dedeng na Yesus ima-ii las at iut nakbua. Nas: Simun Petrus, Tomas, man oen noken noan, ‘aan hduan’, Natanel deng iung Kana, ne propinsi Galilea, Sabadeus anan nas duas, (Yakobus nol au, ima-ii man Lamtua Yesus in namnau ka), nol Yesus ima-ii at dua pait.

Yuhanis 21:20

Oras na, Petrus bali le ngat lako bus el klupu lua. Kon un ngat tam auk muid deng oen duas klupun na. Auk niam, ima-ii man Yesus in namnau ka. Auk kon man daad se Yesus halin na, oras kaim daad le kaa fesat Paska ka. Auk niam, man ketan Un noan, “Papa! Mam asii man hee soleng Papa la?”

Yuhanis 21:24

Ima-ii man Yesus in aa na, au, Yuhanis. Auk man dehet dais nias totoang bel mias. Auk man net nol auk matang ngi esa. Hidim auk man dul nias totoang. Kit kon taan son noan, asa man auk in tek mia ngias, tom baktetebes.

Yuhanis 6:67

Kon Yesus ketan Un ima-ii at hngul dua kas noan, “Mi elola? Mi le hoen apan deng Auk kon ne?”

Yuhanis 6:70

Yesus tek oen noan, “Auk huil nal mi atuli at hngul dua son. Mo nangan ne! At mes deng mia li banansila el uikjale ka!”

Yuhanis 6:71

Un in aa na, aa deng Yudas, Simun Iskariot ana ka. Yudas na mo, at mes deng Un ima-ii at hngul dua kas. Mam un man hee soleng Yesus.

Yuhanis 6:8

Hidim Yesus ima-ii las at mes pait, ngala Anderias, na Simun Petrus palin na, tek Yesus noan

Dehet deng Aan in Nutus sas 1:13

Maas lius se kota la kon, oen taam lakos se uma mesa, man oen pake le daad tahang se las. Hidim, oen saek lakos mana mesa, se um na hnoden dapa ka. Aan in nutus sas ngalan nas elia: Petrus, Yuhanis, Yakobus, Anderias, Filipus, Tomas, Bartolomeos, Matius, Yakobus (Alfius ana ka), Simun (deng partei Selot), nol Yudas (Yakobus ana ka)

Dehet deng Aan in Nutus sas 1:26

Hidi kon oen pel lot deng atuil at dua nas. Kon nam lot ta nahi tom Matias. Tiata oen nikit una, le daid atuil in nutus, leo-leo nol at hngul esa kas.

Dehet deng Aan in Nutus sas 12:2

Un prenta atuil le laok keo tele Yakobus nini suli. Yakobus na mo, Yuhanis kaka ka.

Dehet deng Aan in Nutus sas 3:1

Oe mesan na, diuk tilu lelo-hat, Petrus nol Yuhanis lakos se Ama Lamtua Um in Kohe-kanas Tene ka, le kohe-kanas nol atuil didang in se la ngas.

Korintus mesa la 15:7

Hidim Un tulu-balang apa ka bel kaka Yakobus. Nol Un kon tulu-balang Un apa ka bel Un atulin in nutus sas totoang.

Efesus 4:11

Kristus man bel kuasa se Un atulin nas, le oen lako-daek os man Un bating bel oen son nas. Tenga las, Un beles kuasa le daid Un atulin in nutus, dehes daid Un mee-baha, tenga las daid atuil in kil Dehet Dais Banan na laok se mana-maan balu, tenga las daid in lolo-poa Un atulin nas, nol tenga las pait daid atuil in tana le tui Un atulin nas.

Ibrani 3:1

Elia pali-kaka me! Ama Lamtua Allah huil nal mi son, nol noken mi noan atuil man in dalen niu, man mam haup in nuli leo-leo nol Ama Lamtua Allah se sorgam. Tiata deng dais nias totoang, mi musti nangan bana-banan deng Lamtua Yesus in daek taung kit son nias. Ta kit hao son noan, Un na mo Ama Lamtua Allah Atulin in Nutus, nol Un kon nam kit Tulu Agama man in Lapa Dudui ka.

Petrus mesa la 1:1

Surat ni deng au, Petrus, man Yesus Kristus atulin in nutus. Auk dul surat ni taung mi totoang, man Ama Lamtua Allah huil nal son nas. Mi nuil holhising ne mana mamo se propinsi Pontus, propinsi Galatia, propinsi Kapadokia, propinsi Asia, nol propinsi Bitinia. Kaka-pail in namnau me! Deng hmunan nua, Ama Lamtua Allah huil nal mi meman son, le daid Un atulin. Un Koo Niu ka tao mi le daid niu taung Una, le halin mi tao muid totoang prenta man Yesus Kristus in bel mia ngas. Nol eta mi tao muid totoang Un in prenta ngas sam, na banansila el Ama Lamtua hiti Yesus dala ka bel mia, le daid tada noan, mi daid niu son, taung Una. Auk kohe-kanas le Ama Lamtua Allah tulu Un dalen banan na bel mia, halin lelo-lelon nam mi in nuli ka, banan tapnaeng, tetesa, nol dame.

Petrus dua la 1:1

Surat ni deng au, Simun Petrus. Auk daid Yesus Kristus atulin in loka-tadu. Auk kon daid Un atulin in nutus, man Un lokan lako se ola-ola, le tek atuli li deng Una. Auk dul surat ni bel atuil in parsai se Yesus Kristus son nas. Undeng Ama Lamtua Allah dalen na lolo, ta Un sai lalan le halin mi kon parsai se Kristus banansila el kami. In parsai na, osa isi taung kit totoang. Kristus kon daid kit Lamtua Allahn. Nol Un kon daid Atuil in bel kit boa-blingin deng kit in kula-sala ngas.

Yuhanis dua la 1:1

Mama namnau! Surat ni deng au, Yuhanis, man daid tulu in kil grija. Auk dul surat ni bel mama, man Ama Lamtua Allah hulin son le daid Un atulin, bel nol maam anan nas kon. Auk namnau mi totoang man dalen butu-kil nol dasi-dais man in toma ngas. Totoang atuil didang man taan dasi-dais in toma ngas kon, namnau mia.

Yuhanis tilu la 1:1

Kaka Gayus man auk in namnau baktetebes. Boa-blingin deng au, Yuhanis, man daid tulu in kil grija.

Apan-kloma Hnika Balu 1:1

Boa-blingin deng au Yuhanis, Yesus Kristus atulin in loka-loka ka. Se in dula nia, auk dul deng asa man mam le dadi. Auk taan haup dais nias elia: Ama Lamtua Allah esa man tek puting dais nias meman son bel Yesus Kristus. Hidim Un lok Yesus Kristus le tek Ama Lamtua atulin in loka-loka ngas. Kon Yesus lok Un ima-ii mes deng sorga, le laok sai totoang dais nias bel aus, halin nam auk dulas meman. Ta nesang lo ka kam, taon elola ko dais nias totoang dadis. Tiata mi musti hii babanan Ama Lamtua Allah in Teka-teka, man Yesus in tek son nias.

Apan-kloma Hnika Balu 1:9

Undeng kit totoang parsai leo-leo noan, Yesus na mo kit Lahin, tiata auk daid mi kaka-palin son. Muik atuli teng koon-mali nol tao susa-daat saol kit totoang, undeng kit in muid Yesus sa. Mo Yesus bel teken kit dalen nias son, le halin kit tahang nal napiut. Undeng auk tek atuli li son deng Ama Lamtua Allah in Teka-teka ngas, nol tui oen deng Yesus, tiata muik atuli teng kaen nol na. Ta oen daek auk le soleng auk maang mo nusa nia, man ngala Patmos.

Apan-kloma Hnika Balu 18:20

Hidi nam, faal tene na aa taplaeng noan, ‘Hoe, mi in nuil ne sorga! Mi dalen nas lukit bakun tia. Hoe, Ama Lamtua atulin nas! Mi dalen nas boel sus bakun tia. Hoe, Ama Lamtua atulin in nutus son nas! Nang le mi dalen nas kolo'. Hoe, Ama Lamtua mee-baha las! Nang le mi dalen nas kolo'. Hmunan nu, Babel atulin nas tao sus mia. Hmunan nu, kota na tudan-kida mia. Mo halas ni, Ama Lamtua balas mi in susa-daat ta son. Nol Un kon balas kota na atulin nas in daek dadaat ta son.’ ”

Apan-kloma Hnika Balu 22:8

In dul buk nia ki, au, Yuhanis. Auk man ming nol net dais nias totoang son. Ming hidi ela kon, auk senet hai bukung nga se ima-ii in deng sorga ka sila ka, le noan todan-lahing una. Ta un man tulu bel auk dais nias totoang son.