Matius 1:19 - Buk Niu In Hida Balu nol Dehet deng Apan-kloma ki in Dadi ka

¹⁹ Nikit Yusuf taan haup noan Maria behe son kon, un le tao nutus oen duas in kom apa ka. Mo Yusuf na mo dalen na niu, tiata un dai tao nahmaeng Maria se atuil hut mamo sila lo. Molam un le tao nutus oen duas in kom apa na ete-ete.

Matius 1:19 ပူးပေါင်းရင်းမြစ်များ

Dehet deng Apan-kloma ki in Dadi ka 38:24

Kaliut nal bulan tiul kon, atuli laok tek Yahuda noan, “Ku nalem Tamar ra tao apa ka daid bihaat hmama son. Halas ni un behe.” Ming ela kon, Yahuda koon-mali isi. Hidim un lok atuling na noan, “Laok pel nol bihatang na maa, le loe un kukuli.”

Dehet deng Apan-kloma ki in Dadi ka 6:9

Noh dehet ta elia: Un anan biklobe las at tilu, ngalans Sem, Yafet nol Ham. Noh nam nuil lolo, un daek dadaat net lo. Dedeng na, suma un sii man banan. Un nuli dani nol Ama Lamtua Allah.

Markus 10:4

Oen situn noan, “Upung Musa atorang nga tek noan, biklobe li bisa dai, sadi bel surat in dai se un sapa-bihatan na muna le.”

Markus 6:20

Hidim un tadu tentara las le doh Yuhanis babanan. Meman Herodes tiud Yuhanis. Un tana noan, Ama Lamtua Allah man nutus Yuhanis. Nol Yuhanis nam atuil banan. Herodes kon kom in ming Yuhanis nahdehe. Mo opa-opan nam, un dalen na banan nol in ming Yuhanis in nahdehe ka lo.

Lukas 2:25

Dedeng na, muik blalan mes ngala Simeon, daad se kota Yerusalem. Un nam mo, atuil in dalen lolo nol kom isi le net Ama Lamtua. Ama Lamtua Koo Niu ka tek un son noan, mam un net Kristus le, halas-sam un mate. Kristus na, man mam bel boa-blingin atuil Israel las.

Dehet deng Aan in Nutus sas 10:22

Kon oen siut noan, “Tentara Roma las komendan mes ngala Kornelis, man nutus kaim maa se nia. Un na mo, komendan deng tentara at ngatus. Un dalen na lolo, nol un kon namnau Ama Lamtua Allah baktetebes. Atuil Yahudi las mamo taan atuling ni in banan na son. Halas-sam lahin nia, Ama Lamtua ima-ii deng sorga maa le tadu kaim komendan na, halin nodan ama laok un uma lua, le un hii-ming dehet deng ama.”

Dehet deng Aan in Nutus sas 27:39

Sain kon nam, ima-ii las ngat net tuu ka. Mo oen taan noan nusa ol na ka lo. Oen kon ngat net ima mesa, man suut ta hlaen. Tiata, oen nangan noan eta bole lam, oen nol lui na kaliut deng baut in ne tasi daleng ngas, le nolan lako se onan na.

Korintus dua la 1:15

Hmunan nu, auk nutus net le noan tia meo mi oe mes pait, le halin nam mi haup hangun oe dua, mo daid lo.