Lukas 8:24 - Buk Niu In Hida Balu nol Dehet deng Apan-kloma ki in Dadi ka

²⁴ Net ela kon Yesus ima-ii las buk-bangun Una, le tekan noan, “Tuang! Tuang nge! Haung tulung le! Ta kit le mel mateng son nian ne!” Kon nam Yesus hangu. Hidim Un kaing angin na nol len na noan, “Tenem tia!” Tukun nam len na nol angin na ete meman.

Lukas 8:24 ပူးပေါင်းရင်းမြစ်များ

Matius 14:30

Mo nikit Petrus nataka kam angin muun kon, un lii isi. Tiata un mele, ta un haman noan, “Idaa Tuang! Tulung auk le!”

Matius 8:25

Net ela kon ima-ii las buk-bangun Una, le tekan noan, “Tuang! Tuang! Haung le tulung kaim le! Ta kit le mel mateng son nian!”

Markus 4:39

Ming ela kon, Yesus hangu le kaing angin na noan, “Ete tia!” Hidim Un prenta tubu ka noan, “Tene tia!” Kon angin na ete', nol tubu ka kon doson meman.

Lukas 4:35

Mo Yesus naskaa un le tek noan, “Kuim ku baham ma! Puti deng atuling na tia!” Nahkitu lam, uikjale na late atuling na lako se dale ka, se atuil nas hlala. Late hidi kon, uikjale na puti deng atuling na, mo tao iil un lo.

Lukas 4:39

Kon Yesus lako dil se maan in nini ka suut ta, hidim nulut puting in metes-otot na deng blalan bihatang na. Nol na kon, un in heda ka ilang meman. Kon nam un hangu meman le lako mana in kaa bel one.

Lukas 5:5

Mo Simun siut noan, “Tuang kon no! Kaim daek hiti-late duman mes tetema son, mo haup ikan mes lo kon! Mo undeng Tuang tadu ela ta, kaim muid tuun! Auk niung soba-naan pukat tia.”

Lukas 8:25

Hidi na kon, Un ngau Un ima-ii las noan, “Tasao le mi parsai Auk lo bii nabael tuun nia?” Oen lii nol herang. Hidim oen keket apa noan, “Idaa! Yesus nia mo asii le? Taon elol le Un prenta nal angin na nol len na le oen muid Un in koma ka lia le?”