Lukas 23:38 - Buk Niu In Hida Balu nol Dehet deng Apan-kloma ki in Dadi ka

³⁸ Oen kon dul se kai bleha mes noan, “Ni atuil Yahudi las Lahin.” Hidim oen pauk kai bleha na se Yesus bon na dapa ka, le halin atuli las tana noan, tasao le oen hukung Una lia.

Lukas 23:38 ပူးပေါင်းရင်းမြစ်များ

Matius 2:2

Oen maas lius se Yerusalem kon, oen ketan lako-pait noan, “Atuil Yahudi las Lahin in hua babalu ka, ne ola ke? Kaim ngat net duun mes son se halin leol-saken, man bel tada noan, hua Un son. Undeng na le, kaim maa todan-lahing Una.”

Matius 27:11

Nikit atuil nas kil nol Yesus lako lius se gubernur ra kon, un keket Yesus noan, “Elola? Ku niam baktetebes atuil Yahudi las Lahin ne?” Un siut noan, “Baktebes! Paap in aa na, toma.”

Matius 27:37

Oen kon dul se kai bleha mes noan, “NI YESUS, ATUIL YAHUDI LAS LAHIN” Hidim oen pauk kai bleha na se kai la, titu se Yesus bon na dapa, le tulu bel noan, tasao le oen hukung tele Una lia.

Markus 15:18

Oen totoang todan kuti-kuti Una. Oen tekan noan, “Ni Laih atuil Yahudi!”

Markus 15:26

Oen kon dul se kai bleha mesa, le pakun laok se dapa, titu nol Yesus bon na, noan, “Ni atuil Yahudi las Lahin” Oen nini lalan na le hukung Yesus.

Markus 15:32

Un noken Un apa ka esa noan, ‘Kristus’, Atuling man Ama Lamtua Allah tulu meman son deng lolo hmunan nua ka. Atuil tenga las tek noan, Un niam atuil Israel las Lahin. Eta baktetebes ela lam, Un musti niu muna deng kai sangsuli la, le kit netan, halas-sam kit parsai se Una.” Atuil at dua man holtai leo-leo nol Yesus se kai sangsuli dapa ngas kon, bilu-aa Una.

Lukas 23:3

Ming ela kon gubernur ra keket Un noan, “Baktebes se? Ku niam atuil Yahudi las lahin ne?” Kon Yesus siut noan, “Baktebes, banansila el ama in aa ka!”