Lukas 21:36 - Buk Niu In Hida Balu nol Dehet deng Apan-kloma ki in Dadi ka

³⁶ Tiata doha-doh tutungus. Mi in kohe-kanas sa nutus deken, le halin nam mi tahang nal se in susa ngas totoang dalen. Nini ela lam, eta Auk pait maang son nam, mi mae in dil se Atuling Baktetebes sa sila ka lo.”

Lukas 21:36 ပူးပေါင်းရင်းမြစ်များ

Matius 24:42

Undeng na, tiata mi musti doh duman-lelo, ta mi taan lo noan blinga lam mi Tuang nga pait maa.

Matius 24:43

Nangan babanan ne! Eta um lamtua ka taan noan, duman ni atuil in nako ngas le maas sam, taon elola kon, un doh tutungus le halin atuil in nako ngas taam nal se un uma la lo.

Matius 24:44

Undeng na, mi musti doha-doha. Ta Auk in pait maa ki nahkekekan tukun!”

Matius 25:13

Tiata mi kon musti mana-mana, le doha-doh tutungus, ta mi tanan lo noan, Auk pait maang tom nol leol ila, tamlom diuk ila ka.”

Matius 26:41

Kose mi matan nas le langa. Hidim haung le doh nol Au! Ta mi dalen nas meman kom le daek banan, mo mi apan nas bloen. Tiata banan dui ka, mi kohe-kanas le halin eta mi tom in liun-leo kam, mi tahang nala.”

Matius 8:20

Mo Yesus situn noan, “Banan kon! Mo nangan elia. Totoang atuli li nol hmukit tias, muik oen maan in dili-dada esa. Ngot huin pait lako un bolo. Kee-tilu pait lako un hno. Mo Au, Atuling Baktetebes sia, muik uma esa le pait lakong se lang lo. Maan in tian bon kon, muik lo.”

Markus 13:33

Tiata mi musti doha-doh babanan, undeng mi taan lo, le bling un oras sa maa lisu.

Markus 13:37

Tiata, asa man Auk in tek mi nia, Auk tek atuil tenga las totoang ela kon, noan, ‘Mi musti doh babanan le sodo-sium Auk in pait maa kia!’ ” [Lamtua Yesus in dehet nol Un ima-ii las se leten Saitun na ka, lako pes ela.]

Lukas 1:19

Kon nam ima-ii na siut noan, “Auk niam Gabriel, Ama Lamtua Allah atulin in loka-tadu ka. Un esa man lok auk le maa tek dais banan ni bel ku.

Lukas 18:1

Oe mesan na, Yesus tui Un ima-ii las nini kleta, le oen kohe-kanas tutungus, nol oen in makoe ka ilang deken. Oen musti parsai napiut se Ama Lamtua.

Lukas 20:35

Mo eta se sorga lam, muik in saap apa lo. Nol se ua lam, oen mates pait lo ka. Oen banansila el Ama Lamtua Allah ima-ii in ne sorga nguas. Ta oras Ama Lamtua Allah bel atuil in mate ngas le nulis pait ta, Un huil nal oen le daid Un anan.

Lukas 21:35

Nangan noan mi nahtoman lo deken, ta Auk pait maang nahkekeka. Nol eta Auk pait maang ngam, muik tahan atuli mes lo kon, man buni nal apa ka deng Auk silang ngia.

Dehet deng Aan in Nutus sas 10:2

Un namnau Ama Lamtua Allah baktetebes, nol un uma isin nas totoang kon ela. Mo atuil Roma tenga las ela lo. Un hulung atuil kasiang mamo, nol un kon makoe in kohe-kanas se Ama Lamtua Allah.

Korintus mesa la 16:13

Mi musti doh apan babanan! Mi musti tahang le parsai napiut se Ama Lamtua! Lii deken! Tao tes mi aap-inan nas!

Korintus dua la 4:14

Kaim tana noan, Ama Lamtua Allah man bel kit Lamtuan Yesus Kristus, le nuli pait deng Un in mate ka. Mam Un kon man bel kit le nuling pait, undeng kit butu-kil nol Yesus. Mam Ama Lamtua bel kit totoang dil se Un sila-mata ka, le halin Un sium nal kita.

Kolose 4:2

Mi musti makoe se in kohe-kanas tutungus. Nol mi musti nangan taan deng dasi-dais man mi in aa nol Ama Lamtua Allah ngas, nol kohe-kanas nini dalen in inu nol in nodan mamo.

Tesalonika mesa la 5:17

Kohe-kanas duman-lelo.

Timutius dua la 4:5

Tiata ku musti nangan blatas! Tahang mumuun se in susa-daat tas dalen. Laok tek atuli li deng Dehet Dais Banan na, le halin nam oen sium Yesus Kristus. Lii-lau atuli li nol dael kolo, didiin in dake na hidi. Boel daek tailuang tuun deken.

Petrus mesa la 4:7

Leol kiamat ta maa dadani son. Tiata mi musti nangan blatas, nol nangan tetesa, le kohe-kanas nal nol babanan.

Petrus mesa la 5:8

Doha-doha lo! Nangan blatas! Doh babanan ta kit musu las mo uikjale kas tuang nga, un le tao dudus mia. Un le hol mi tetema banansila el singa in koon-mali, man nuting hmukit le kaa ka.

Yuhanis mesa la 2:28

Elia ana-ana me! Mi in nuli ka musti butu-kil napiut nol Kristus. Le halin eta Un pait maa kam, mi lii-tiud nol mae in dil se Un sila ka lo.

Yudas 1:24

Eta elam, kit nikit sakeng in naka-nahalit bel Ama Lamtua Allah! Ta Un man doh nal mia, le halin mi nahim deken. Nol Un man leo-leo nol mia, le halin mi dil nal se Ama Lamtua sila, ta Un man tao mi le daid niu, nol hmomos pait lo ka. Mi maam nol dalen kolo, undeng Un nam muun isi!

Apan-kloma Hnika Balu 11:4

Ama Lamtua Allah mee-baah Sakarias sa, dul meman son deng mee-baah dua nias lolo hmunan nua. Oen banansila el kai saitun ina dua, nol maan in todo hadut dua, dil saol lakos bus el Ama Lamtua Allah. Lamtua Allah nam, totoang atuil in ne apan-kloma ki ngias Lahin.

Apan-kloma Hnika Balu 6:17

Idaa! Kaim bosor isi son nia, ta leol in susa ngas maas lius son! Ama Lamtua Allah, nol Lae-blai Ana ka le boho niung Oen in komali ka, bel kami. Muik in tahang bolen lo son!”

Apan-kloma Hnika Balu 7:9

Hidi kon, auk ngat net atuli li mamo-mamo, didiin kaih nalas totoang lo. Oen puit maas deng totoang bangsa-bangsa, ngala-ngala, nol deng papmes dasi-dais in se apan-kloma ki ngias. Oen totoang nakbua, le ngada saol del in kil prenta ka nol Lae-blai Ana ka. Oen pake kaod muti, nol kil palam klehen ne oen iman nas.

Apan-kloma Hnika Balu 8:2

Hidim auk ngat net ima-ii at iut deng sorga dil napiut se Ama Lamtua Allah sila ka, le lii-lau Una. Oen mesa-mesam sium un klingu.