Lukas 17:24 - Buk Niu In Hida Balu nol Dehet deng Apan-kloma ki in Dadi ka

²⁴ Eta Atuling Baktetebes sa pait maa kam, un tadan na langa isi, banansila el bisain man kaloe, le tao apan nu langa deng mumu laok mumu.

Lukas 17:24 ပူးပေါင်းရင်းမြစ်များ

Matius 24:27

Ta Auk niam, Atuling Baktetebes sa. Eta mam Auk pait maang se apan-kloma kia lam, atuli li totoang net Au, banansila el atuli net bisain in kaloe, deng halin leol-saken lako pes leol-denen na.

Matius 24:30

Hidi nam atuli li totoang ngat net taad se apan nu noan, Atuling Baktetebes sa le pait maa. Net ela kon, totoang bangsa in ne apan-kloma ki ngias lii isi didiin oen lilu. Ta eta Auk niu maang nol nopen, halas-sam oen net Auk in kuasa ka, nol Auk in loe-liliman na totoang.

Matius 25:31

Hidi kon Yesus dehet napiut noan, “Au, Atuling Baktetebes nia, mam niu maang pait, nini Auk Amang ngu in kuasa man loe-liliman na, leo-leo nol Un ima-ii las deng sorga. Hidim Auk daad se Auk del in prenta man muun dudui ka, le pres totoang atuli li dasi las, muding asa man oen in lako-daek son nas.

Matius 26:64

Kon Yesus siut noan, “Meman ama in aa ka toma. Mo nangan ne! Ta mam mi totoang ngat net Au, Atuling Baktetebes nia. Mam Auk daad se sorgang, se Ama Lamtua Allah, man muik kuasa muun dudui ka halin kanan na, le kil prenta leo-leo nol Una. Hidim, mam Auk niu pait maang se nopen daleng.”

Matius 5:15

Atuli hoet hadut, hidim tamang lako mul-dale dalen lo. Mo oen todo hadut ta se maan lalapa, le halin laang totoang uma la dalen na.

Korintus mesa la 1:8

Kristus man bel mi in kuat-tes, halin mi tahang napiut didiin Un pait maa se apan-kloma kia. Nini ela lam, mi nahim lo, nol muik atuli in hutun kula-sala ka bel mia lo.

Tesalonika mesa la 5:2

Undeng mi totoang taan son noan, Un in maa ka nahkiut tuun, banansila el atuil in nako ngas maa naok se oras duman.

Tesalonika dua la 2:2

Eta ming atuli tek noan Ama Lamtua pait maa son nam, hlapat tom in nole le nangan tanan lo deken. Oen tek noan, oen tanan deng Ama Lamtua Koo la, tamlom ming hapun deng atuli, tamlom oen haup surat deng kaim kon no, parsai oen deken. Ta nas totoang nole!

Tesalonika dua la 2:8

Kon nam atuling in daat isi na puit maa, le daek un osa la nol langa-langa. Molam tom nol oras Lamtua Yesus in pait maa ka, meman muun isi, Un tao dudus atuling daat na, suma nini dasi mes sii.

Yakobus 5:8

Mi kon musti keeh ela. Tao teken mi apan nas, ta nesang lo ka kam, Ama Lamtua pait maa son na!

Petrus dua la 3:10

Mo kit Lamtuan na oras in pait maa ka, muik atuli in tanan lo. Lole Un in maa ka, nahkekan tuun, banansila el atuil in nako mes taam lako se uma dalen. Dedeng na totoang sa-saa man in ne apan-dapa kua, banansila el lelo, bulan, nol duun nas, ai kaa nulis. Ela kon apan-kloma ki nol un isi nas totoang, hnining hidis!