Lukas 15:18 - Buk Niu In Hida Balu nol Dehet deng Apan-kloma ki in Dadi ka

¹⁸ Banan dui ka auk pait lakong auk amang ngu tuun. Hidim tek un noan, “Papa! Auk tao kula tene isi saol Ama Lamtua nol papa.

Lukas 15:18 ပူးပေါင်းရင်းမြစ်များ

Matius 3:6

Oen sai dalen nas nol hao' oen in kula-sala ngas totoang, kon Yuhanis sarain oen se palun Yordan na.

Matius 6:14

Mo hii ke! Eta mi nadidingun atuli in tao kula-sala saol mia ngas sam, mam mi Aman in ne sorga ku kon kose soleng mi in kula-sala ngas.

Matius 6:9

Tiata eta kohe-kanas sam, not muid nia: ‘Ama man in ne sorga! Ama ngala ka niu dui hihidi. Nang le halin atuli li totoang nikit sakeng Ama ngala in loe-liliman na lapa-lapa.

Matius 7:11

Mi Aman in ne sorga ku, meman banan baktetebes. Tiata eta atuil daat banansila el mia lia ki kon, kom in bel mi anan nas sa-saa banan nam, salolen le mi Aman in ne sorga kua la! Taon elol kon, eta mi nodan nam, Un bel mi asa man in banan nas.

Lukas 11:2

Kon Yesus tek noan, “Banan kon! Kohe-kanas sam not muid nia: Papa! Paap ngala ka niu dui hihidi. Nang le totoang atuli li nikit sakeng Paap ngala man muun dudui ka lapa-lapa! Nang le Paap daid Laih taung totoang atuli lia!

Lukas 15:17

Nesa-nesang kon un nangan lako-pait noan, ‘Se auk amang ngu uma lua lam, atuil in dake ngas totoang haup in kaa didiin silis. Molota auk se iang mateng tetetas undeng hmatu in nala.

Lukas 15:19

Ta auk tom in daid paap ana pait lo son. Nang le paap sium auk daid ata se paap uma li tuun kon banan!” ’

Lukas 15:21

Kon tana na aa nol ama ka noan, ‘Papa! Auk tao kula tene isi son saol Ama Lamtua nol papa. Auk tom in daid paap ana lo son.’

Lukas 18:13

Mo atuling in sium bea ka dil kakatang se klupu lua. Un nikit nal sila ka le ngat laok el apan-daap lo. Un suma suda le kohe-kanas nol dalen in ili, noan, ‘Eee, Ama Lamtua Allah! Kasiang au, atuil in kula-sala nia! Bel ampong au!’