Korintus mesa la 7:2 - Buk Niu In Hida Balu nol Dehet deng Apan-kloma ki in Dadi ka

² Elia: undeng muik dola mamo le atuli li nahi tama se in laok kula, le niin nol atuil dadahut ta, tiata banan dui ka biklobe mesa lam, nol un sapa ka sii. Ela kon nol bihata mesa lam, nol un sapa-bikloben na sii.

Korintus mesa la 7:2 ပူးပေါင်းရင်းမြစ်များ

Matius 5:32

Mo muid Au lam, elia: bikloeb man dai soleng un sapa-bihatan na, molota un sapa-bihatan na laok kula net lo, mo hidi na kon, bihatang na saap nol atuil didang lolen nam, na banansila el un sapa-bikloben hmunan na, man tao un le nonga. Nol eta biklobe mes saap bihata mes man dai neta, lam, oen duas kon nong apa son na.”

Korintus mesa la 6:18

Etan ku haup dola le len-langan nol atuli-bihata man ku sapam lo kam, lail kakatang! Atuli li tao in kula bili-ngala man tao didaan oen apan nas esan, nol tao didaan atuil didang kon. Mo atuil in nong daat ta, tao didaan un apa ka esa.

Korintus mesa la 7:1

Auk le dul deng asa man mi in ketan son, ne mi surat ta ka lolen, man noan, “Elola? In banan dui ka, biklobe li saap deken tia le?”

Korintus mesa la 7:3

Sapa-biklobe me! Boel hutun ku sapam ma hak in niin nakbuan nol ku ka deken. Nol sapa-bihata me! Boel hutun ku sapam ma hak in niin nakbuan nol ku ka deken.

Korintus mesa la 7:9

Mo etan tahang nal apan lo kam, banan dui ka saap tuun tia. Banan dui ka atuli li sapa, ta lo kam un in kom naseke ka esa man tao didaan una.

Efesus 5:28

Ela kon, sapa-biklobe me! Mi musti namnau mi sapa-bihatan nas, banansila el mi in namnau mi apan nas esa ka. Ta eta sapa-biklobe li namnau un sapa-bihatan na lam, nahin na noan, un namnau un apa ka esa.

Efesus 5:33

Tiata, sapa-biklobe li musti namnau un sapa-bihatan na, banansila el un namnau un apa ka esa ka. Nol sapa-bihata li musti todan un sapa-bikloben na.

Tesalonika mesa la 4:4

Mi musti doh taan mi apan nas esan, le nuil niu, didiin atuli li todan mia.

Timutius mesa la 4:3

Oen tui atuli li le saap deken. Nol oen kon tek le kaa kakaat deeh deken ta luli. Molota Ama Lamtua Allah man koet kakaat nas. Un daek kakaat nas, le halin eta atuil in parsai ngas kaa lam, oen nodan mamo se Una. Undeng oen taan asa man in toma ka!