Korintus mesa la 5:9 - Buk Niu In Hida Balu nol Dehet deng Apan-kloma ki in Dadi ka

⁹ Hmunan nu auk dul net surat elia, “Boel nakbuan nol atuil in laok kula nol atuil didang sapa ka deken.”

Korintus mesa la 5:9 ပူးပေါင်းရင်းမြစ်များ

Korintus mesa la 5:10

Ni auk aa deng atuil in sarain lo bii ngas lo, man laok kula nol atuil didang, kom naseke, nole-lilung atuil didang, nol hui-langus se sa-saa apan-kloma ki ngias. Ta eta ela lam, mi musti puting mi apan nas deng totoang atuil in ne apan-kloma ki ngias!

Korintus mesa la 5:2

Mo mi in koaok ki talalun, hnika noan mi jemaat ta bana-banan tuun! In toma ka lam, mi musti mae, nol susa. Atuil in ela ka, mi musti nulut soleng lako kakatang!

Korintus mesa la 5:7

Nulut atuling daat na deng mi jemaat ta. Nini ela, halas-sam mi daid el atuil man in muik dais daat, ne un dalen na pait lo. Mi musti daid ela. Hmunan nu oen keo lae-blai ana man muik un salan lo, le daid in tunu-dadung taung leol Paska. Se leol hmudin, halas-sam oen keo tele Ama Lamtua Allah Atulin Niu ka, tuladang el oen keo hmukit le daid in todan-lahing man tao niu kit dalen nia.

Korintus dua la 6:14

Butu-kil nol atuil in parsai se Kristus lo ngas deken, ta mi tatai nolas lo. Atuil in parsai man nuli ka lolo, tatai nol atuil in labang Ama Lamtua ngas lo, hidim etan oen nuklek le daek leo-leo nol mi kon, tatai lo. Atuil in dalen banan nol atuil in dalen banan lo ngas, nakbua le iin mesa lam, tatai lo. Na banansila el langa ka boel kutang nol mitang nga lo.

Korintus dua la 6:17

Tiata Ama Lamtua kon dul elia, “Mi musti putim deng oen hlala ka, le bakisan deng one, halin mi daid banansila el oen deken. Mi dalen nas musti niu'. Hidim, mi musti nuil katang deng totoang asa man in tao mi le dalen hmomos sas, nini ela lam, Auk sium mi nol babanan.

Efesus 5:11

Nakbuan nol atuil in nuil ne mitang dalen nas deken. Ta oen in lako-dake ngas, muik nahin mes lo kon. Tiata mi musti kaing one, nol tek tulu beles oen in kula-sala ngas.

Tesalonika dua la 3:14

Mi tadas babanan atuil in dai muid asa man kaim in dul son, ne surat ni dalen ni ngias se. Toe mudis deken, le halin nam oen mae bali apan.

Tesalonika dua la 3:6

Kaka-palis totoang! Hii ke, auk tek mi meman nini Lamtua Yesus Kristus ngala ka. Mi laok nakbuan nol atuil os daat man tupu-talas lako-pait tuun nas deken. Ta oen not muid kaim in daek mumuun ni lo.