Kolose 3:9 - Buk Niu In Hida Balu nol Dehet deng Apan-kloma ki in Dadi ka

^9-10 Nol mi nole-lilung apa deken. Undeng mi soleng mi dalen man kom le tao dadaat tas, nol nang soleng mi lalan in nuli blaan na son. Nol halas ni mi nulim seda son, nini dael balu. Na banansila el atuli kat soleng un kai-baut blaan man hmomos sas, le pake seda kai-baut balu man niu. Hmunan nu Ama Lamtua Allah man koet mia. Halas ni Un kon tao mi le taan Un taplaeng, nol tao mi le lako-lako lam daid hnika mes el Una.

Kolose 3:9 ပူးပေါင်းရင်းမြစ်များ

Yuhanis 8:44

Mi niam hnika mes el uikjale kas tuang nga. Lole mi kom isi le tao muid un in koma ka! Deng hmunan hesa ku, un taan in keo atuli sii. Un labang dasi-dais in toma ngas, nol hutun soleng totoang in toma ngas. Eta un nole-lilung ngam, na meman un in nuil-nola. Ta un nam nole-lilung daat ta, peke ka na!

Roma 6:6

Hmunan nu, kit daid atuil in tao kula-sala bili-ngala. Mo halas ni kit in nuli blaan na dudus son, banansila el oen pauk tele kit se kai sangsuli lu leo-leo nol Kristus. Tiata halas ni daat in ne kit dalen ni ngias, muik kuaas le mana-koet kit pait lo son. Kit kon butu-kil nolan le tao kula-sala pait lo son. Lole kit banansila el ata man muik hak in huil nal lo ka, lo son.

Efesus 4:22

Tiata nang soleng mi lalan in nuli blaan na tia! Ta eta mi in nuli ka hmomos muid atuli li in koma-koma kam, na man tipu-dai mi tutungus son na. Mi muik hak se na pait lo son.

Efesus 4:25

Tiata, teen in nole-lilung tia! Aa nol apa kam muid in toma ka, ta kit totoang butu-kil le daid mes son, banansila el aap-ina mesa man muik ima-iin nol ilu-bahan.

Kolose 3:8

Mo halas ni, mi musti soleng mi in kom le tao dadaat tas totoang. Tuladang el: komali daat; dael otot; hatu-pukun; dehet le tao didaan atuli ngaal banan; nol lote aa dadahut.

Timutius mesa la 1:10

Atorang nas kon dulas bel: atuil in nong dadahut daat tas, bikloeb in niin bali nol biklobe ngas, bihata mo niin nol bihatang ngas, in daek buni atuil didang halin nuting le haup duit tas, in liun-leo atuil daat tas, daid saksi in nole-lilung ngas, nol bel totoang atuil man labang nol in tui man toma ngas.

Apan-kloma Hnika Balu 21:27

Mo in boel taam laok se na lo ka, totoang in daat tas, el atuil in hui-langus tutungus sas, atuil in nong daat tas, nol atuil in nole-lilung daat tas. Ta in boel taam laok se na ka, suma atuli-atuil man oen ngalan nas dulas son, ne Lae-blai Ana ka buku la ngas. Buk na dul ngala-ngaal deng atuil man haup in nuil napiut nol Ama Lamtua Allah ngas.

Apan-kloma Hnika Balu 21:8

Mo mam kon muik atuli teng tom in pasang soleng, lako tasi ai blirang man kaloe tutungus sa. Tuladang el atuil in lii daat, atuil man bali kudi Yesus, atuil in nuil hmomos, atuil in nong dadahut daat, atuil in keo atuil tutungus, atuil in hui-langus tutungus, atuil in nodo-kit daat, nol atuil in nole-lilung daat tas. Mam oen totoang tom in pasang tamang lakos tasi ai dalen, man atuli noken noan, ‘man in mate oe dua la.’ ”

Apan-kloma Hnika Balu 22:15

Mo atuil didang ngas, boel taam laok se na lo. Man Ama Lamtua atulin lo kas, boel taam laok se na lo. Nas, atuil man in parsai se Ama Lamtua lo ngas, atuil in nong dadahut daat tas, in hui-langus tutungus, keo atuil tutungus, in nodo-kit tutungus, nol in nole-lilung daat tas. Oen totoang nas, boel taam laok lo. Nang soleng oen totoang se likun na tukun tia.