Kolose 3:19 - Buk Niu In Hida Balu nol Dehet deng Apan-kloma ki in Dadi ka

¹⁹ Sapa-biklobe me! Mi musti namnau mi sapa-bihatan nas, mo tao sus oen le oen dalen iil deken.

Kolose 3:19 ပူးပေါင်းရင်းမြစ်များ

Dehet deng Apan-kloma ki in Dadi ka 24:67

Kon nam Isak nol tamang Ribka lako se un ina ka hlepe la, le oen duas sapa. Isak namnau Ribka ana lo, tiata un dalen iil isi lo son, nol un ina ka in mate ka.

Lukas 14:26

“Atuil in kom le muid Auk baktetebes sas, musti namnau Auk dui deng totoang: dui deng un ina-aman nas, dui deng un sapa-anan nas, dui deng un pail-kakan nas, nol dui deng un apa ka esa. Etan lo kam, atuling na tom in daid Auk ima-ii lo.

Roma 3:14

Oen bahan nas suma taan in lote-pisun atuli, nol dehet dais daat le tao atuli li dalen iil tukun, lole na man puti deng oen dalen daat ta.

Efesus 4:31

Tiata, pesang dael nol atuil deken! Duu siin nol atuil deken! Komali apa deken! Tuku-keng apa deken! Aa le tao didaan atuil didang ngaal banan deken! Nol tao dais dadaat didang ngas deken!

Efesus 5:25

Sapa-biklobe me! Mi musti namnau mi sapa-bihatan nas, banansila el Kristus in neka-namnau Un atulin nas, didiin Un sao Un apa ka le mate seda one ka.

Efesus 5:33

Tiata, sapa-biklobe li musti namnau un sapa-bihatan na, banansila el un namnau un apa ka esa ka. Nol sapa-bihata li musti todan un sapa-bikloben na.

Kolose 3:21

Atuil blalan me! Boel tudan-kida mi anan nas, didiin oen siu-hii lo le pesang dael nol mi deken.

Yakobus 3:14

Boel bahan tuan deken noan, ku niam atuil man in nangan taan dais banan mamo, eta ku idus le taan in tao nahu atuil didang si-sii. Ta na nahin na noan, ku nole-lilung son. In nuil ela ka, un ngala ka noan ‘nuting taan lalan, nol nangan taan dais banan mamo’ lo son. Oen-lalin in idus daat, tam kom in tao nahu atuil didang nga, niu maa deng Ama Lamtua Allah lo. Na apan-kloma ki in nuil-nola. Ni tom atuil man in nuli ka sao bel Ama Lamtua lo ngas. In nuil ela ka, muid uikjale kas lalan na na.

Petrus mesa la 3:7

Sapa-biklobe me! Nuil dalen mes nol mi sapan nas. Nangan babanan le ol man banan taung una lam, tao mudin. Tulu in todan una se totoang dasi las, undeng bihata li in kuat ta tatai nol biklobe li lo. Ta mam mi duam leo-leo sium pusaak man Ama Lamtua Allah in le bel mia ka. Pusaak na ka, mo in nuli balu, man Ama Lamtua le bel mian deng Un dalen banan na. Tiata mi biklobe li musti nuil dalen mesa nol mi sapan nas ela, le halin eta mi duam kohe-kanas le nodan sa-saa mes deng Ama Lamtua lam, Un ming mia.