Kolose 3:18 - Buk Niu In Hida Balu nol Dehet deng Apan-kloma ki in Dadi ka

¹⁸ Sapa-bihata me! Mi musti hii-ming se mi sapa-bikloben nas, undeng atuli-atuil in muid Yesus Kristus sas, musti daek ela.

Kolose 3:18 ပူးပေါင်းရင်းမြစ်များ

Dehet deng Apan-kloma ki in Dadi ka 3:16

Hidi nam Ama Lamtua Allah tek bihatang nga noan, “Mam Auk taplaeng ku in susa ka se oras ku in behe ka, nol taplaeng ili se oras ku in hua ka. Mo ela kon, ku kom isi nol ku sapa-biklobem ma tutungus. Nol un man ator ku.”

Dehet deng Aan in Nutus sas 5:29

Hidi nam Petrus hangu dili, le daid mee-baah deng totoang aan in nutus sas. Un siut noan, “Amas totoang! Eta muik in prenta deng atuli lia, man labang nol Ama Lamtua Allah in koma ka lam, kaim bisa mudin lo. Molam kaim musti muid se Ama Lamtua Allah in prenta ka!

Korintus mesa la 11:3

Mo muik dasi mesa, man auk le tek nuting mian pait, elia: nadidingun mi in hek deng ol maa ka deken. Bikloeb in parsai ngas totoang butu-kil nol Kristus man daid bon deng one. Bihata li daid deng biklobe. Nol Kristus maa deng Ama Lamtua Allah.

Korintus mesa la 14:34

Bihata las musti daad ete-ete. Oen aa mamo deken. Oen musti hii-ming se atuil in kil one ngas. Ta Ama Lamtua Allah atorang nga kon tek ela, ta lo?

Efesus 5:22

Sapa-bihata me! Mi musti hii-ming mi sapa-bikloben nas, banansila el mi hii-ming mi Lamtuan, Yesus Kristus sa.

Efesus 5:3

Mi kon niam, Ama Lamtua Allah atulin in niu. Tiata nuil hmomos deken! Dais in hmomos sa tuun kon, nangan nol aa deken! Laok kula nol atuil didang man ku sapam lo ka deken! Kom naseke deken!

Efesus 5:9

Ta atuil in nuil tutungus se langa ka dalen na, un tao dais banan, un nuil lolo-lolo, nol aa kam nole taan lo.

Timutius mesa la 2:12

Muid au lam, bihata las nikit apan le loka-tadu biklobe las nol tui one lam, tom lo. Banan dui ka, bihata las lobo isi deken.