Kolose 3:12 - Buk Niu In Hida Balu nol Dehet deng Apan-kloma ki in Dadi ka

¹² Ama Lamtua Allah huil nal mi son, undeng Un namnau mia. Un in koma ka le mi daid Un atulin in niu man kisa nol atuil tenga las. Tiata mi musti daid atuil man in dalen kumis-mina, dael banan, dalen deng dadale, dalen mahes, nol keeh nala.

Kolose 3:12 ပူးပေါင်းရင်းမြစ်များ

Matius 24:22

Mo mi ulat baktetebes, lole Ama Lamtua Allah tao dadaen leol nas. Eta lo kam, muik tahan atuli mes lo kon man nuli. Molam undeng Ama Lamtua Allah namnau atuil man Un in huil nal son nas, tiata Un tao lelo-leol in susa ngas dadaen tuun.

Matius 24:24

Ta mam muik atuli puit le teh kalas noan, ‘Auk niam Kristus!’ Nol tenga las pait tek noan, ‘Auk niam Ama Lamtua Allah mee-baha.’ Mam oen tao taad herang bili-ngala pake uikjale kas in kuasa, le nole-lilung atuli. Oen soba-naan le halin Ama Lamtua atulin nas kon tom in nole-lilung!

Matius 24:31

Hidim Auk pake kliung in lin tene, le prenta Ama Lamtua Allah ima-ii in ne sorga nguas, halin laok tao nakbuan totoang atuil man Auk in huil nal son nas, deng apan-kloma ki suut-suut tas, deng leol-saken lako pes leol-denen; deng blai-ahen lako pes loet-ahen.”

Markus 13:20

Eta Ama Lamtua tao dadaen lelo-leol in susa ngas lo kam, mam muik atuli mes lo kon man tahang nal le nuli. Mo undeng Ama Lamtua Allah namnau Un atulin man Un huil nal son nas, tiata Un tao lelo-leol in susa ngas dadaen tuun.

Markus 13:22

Ta mam muik atuli in puit le teh kalas noan, ‘Auk niam Kristus!’ Atuil tenga las pait tek noan, ‘Auk niam, Ama Lamtua Allah mee-baha.’ Mam oen tao taad herang bili-ngala nini uikjale kas in kuasa ka, le nole-lilung atuli lia. Oen kon soba-naan le nole Ama Lamtua Allah atulin nas!

Markus 13:27

Hidim Auk tadu Ama Lamtua Allah ima-ii in ne sorga nguas, le laok tao nakbuan totoang atuil man Auk in huil nal son, deng papmes apan-kloma ki ngias. Deng leol-saken lako pes leol-denen; deng blai-ahen lako pes loet-ahen.”

Lukas 1:78

Ama Lamtua dalen na duda nol namnau kita, tiata Un bel kit dola balu, banansila el leol balu, man kil langa balu. Kit laok ne mitang dalen, nol lii in mate, undeng kit daem nol Ama Lamtua lo bii, mo mam Un bel kit langa le pel nol kit lakong se lalan in dame ka.”

Lukas 18:7

Eta nenesang kon, un tulung bebalung na lam, taon elola ko Ama Lamtua Allah tade le tulung Un atulin, man kohe-kanas lelo-duman le nodan tulung se Una ngas. Mo Ama Lamtua natang nesang lo.

Roma 1:7

Undeng na le, auk tunang surat ni bel mi se kota Roma, le tek nuting mi noan, Ama Lamtua Allah namnau mia. Un kon nodan le mi daid Un atulin, man in nuli ka niu'. Auk kohe-kanas se Ama Lamtua Allah, kit Aman na, nol Yesus Kristus, kit Lamtuan na, le tulu Oen dalen banan na, halin mi nuil babanan, dame, nol titu-tema.

Roma 13:14

Mo in banan dui ka, mi nangan seda se mi dalen nas, le daid banansila el kit Lamtuan Yesus Kristus, man Ama Lamtua belen maa son na. Nol eta ku kom le tao sa-saa in tom lo ngas sam, nang ku apam ma le daek muid ku in kom dadahut ela na deken. Keeh nal apan!

Roma 9:11

Dedeng Ribka hua oen lo bii ka, oen taan in daek dais banan tamlom dais daat ta lo bii. Ela kon no, Ama Lamtua tek Ribka meman son deng aan hduan man in puti muna ka, noan, “Mam kaka la daek bel un palin na.” Ama Lamtua tek ela, le tulu bel noan, eta Un huil nal atuli mes son nam, Un taan in pake atuling na le tao elola ka. Hidim, Ama Lamtua huil nal pali la le daid Un atulin. Ama Lamtua natang le ngat pali la in dake-mana ka lo, undeng Ama Lamtua tanan meman son.

Korintus mesa la 13:4

Ta in namnau ka na mo, leko. Namnau ka na mo, kehe. Namnau ka na mo, idus-neo lo. Namnau ka na mo, naka bali apan lo. Namnau ka na mo, koaok lo.

Korintus dua la 6:6

Kaim kon tahang nol dalen in niu. Kaim taan mamo deng Ama Lamtua Allah. Kaim keeh nal apan. Kaim daek in banan na taung atuli lia. Kaim nang Ama Lamtua Koo la le ator kami. Kaim kon namnau atuli li baktetebes nol sila-klup lo.

Galatia 5:6

Atuil in sunat tamlom sunat lo kon, na man muun lo. Ta in muun dudui ka, atuil in parsai se Kristus nol in namnau atuil didang nga.

Efesus 1:4

Ta oras apan-kloma ki muik lo bii kam, Ama Lamtua Allah namnau nol huil nal kit son, le daid Kristus atulin. Un in koma ka le kit nuil niu didiin muik atuli in tukut-klaa nol kita lo.

Efesus 4:2

Tiata mi musti nuil nol in tao dalen deng dadale, le nuil bana-banan nol apa. Mi musti kehe nol taan apa, mes nol mesa. Eta deng mia la, muik in nuting dais nol un tapan nas sam, pesang dalen deken.

Efesus 4:24

halin mi daid atuil balu, muid Un tuladang nga. Undeng na le mi musti tulu dael balu, man in niu nol lolo-lolo ka.

Efesus 4:32

Mo banan dui ka, mi namnau apa, nol daek dais banan saol apa. Mi musti nadidingun soleng atuli li in kula-sala ngas, nol bel ampong one, banansila el Ama Lamtua Allah kose soleng mi kula-sala kas, undeng mi in butu-kil nol Kristus son na.

Filipi 1:8

Ama Lamtua Allah esa tana noan, auk daleng ngi kom isi le tutnaal nol mia. Ta auk in namnau mia ka, banansila el Yesus Kristus in namnau mia ka.

Tesalonika mesa la 5:15

Balas in daat ta nini daat deken. Molam nuklek le daek banan nas tutungus taung atuli li totoang. Suma daek banan saol kit atulin nias siis deken, molam nol atuil likun nuas kon.

Timutius dua la 1:9

Undeng Ama Lamtua man bel boa-blingin kit deng kit in kula-sala ngas. Nol Un huil nal kit son, le daid Un atulin man niu'. Un tulu Un dalen banan na bel kita, undeng Un namnau kita. Molota kit tao sa-saa mes lo kon, man tatai le kit sium Un in banan na. Ama Lamtua koet apan-kloma ki lo bii kam, Un nutus son le bel Yesus Kristus maa, le tulu Un dalen banan na, nol bel boa-blingin kita. Hidim Yesus Kristus maa son, le tek puting bel kit Un in nangan nas, nol Un kon tao dudus hmate ka in kuasa ka son! Ni man daid Dehet Dais Banan! Tiata, asii parsai se Yesus Kristus sam, un mate napiut lo ka. Molam nuli napiut nol Ama Lamtua Allah.

Timutius dua la 2:10

Undeng na le auk tade in lepa-haal susa-daat bili-ngala. Sadi Ama Lamtua atulin man Un in huil nal son nas, haup boa-blingin. Ta mam Ama Lamtua Allah nikit sakeng oen lapa-lapa, undeng oen daid Yesus Kristus atulin.

Titus 1:1

Ana Titus man banan! Surat ni deng au, Paulus, man daid Ama Lamtua Allah atulin in loka-loka, nol Yesus Kristus atulin in nutus. Un nutus auk le tao teken in parsai deng atuli-atuil man Un in huil nal son nas. Un kon nutus au, le tulu beles lalan lolo ka, le halin nam oen nuil muid Ama Lamtua in koma ka. Nini ela lam, Ama Lamtua Allah atulin nas muik in nahlae, le haup in nuli leo-leo nol Un tutungus. Ama Lamtua koet apan-kloma ki lo bii kam, Un hid meman son noan, mam Un atulin nas nulis napiut nol Una. Un na mo nole net lo. Tom nol un oras sa lam, Ama Lamtua tulu-balang langa-langa noan, Un le bel boa-blingin atuli las deng oen in kula-sala ngas, halin nam oen haup in nuil napiut nol Una. Hidim Un lok auk le laok tek Dehet Dais Banan na bel atuli li totoang se ola-ola. Titus! Ku niam banansila el auk anang esa, undeng ku nol auk leo-leo parsai se Kristus son. Tiata auk kohe-kanas se Ama Lamtua Allah, nol Yesus Kristus man bel boa-blingin kita ka, halin nam Oen tulu Oen dalen banan na bel ku, le ku in nuli ka tetesa nol dame.

Petrus dua la 1:10

Kaak-pail in namnau me! Mi musti dil didi tapnaeng pait. Ama Lamtua huil nal mi son, le halin mi daid Un atulin. Tiata mi musti tulu bel noan, mi tamam daid Un nenan son. Eta dais man auk in teka apin nas tapnaeng tutungus se mi in nuli ka lam, mam mi nahim lo.

Yuhanis mesa la 4:19

Kit muik in namnau, undeng Ama Lamtua Allah namnau kit muna son.

Yuhanis dua la 1:13

Ama Lamtua Allah kon huil maam kaka ka. Un anan nas tunang boa-blingin bel mamas kon. Ela tuun tia. Boa-blingin, deng au, Yuhanis

Apan-kloma Hnika Balu 17:14

Mam lahi-laih nas lakos hote-dait labang nol Lae-blai Ana ka. Mo mam Lae-blai Ana ka nol Un atulin nas tao tehen oen totoang. Atuli-atuil man in muid Lae-blai Ana ka ngas, mo atuil man Un in huil nal son, le muid napiut se Una ngas. Mam oen nala, undeng Lae-blai Ana ka muun isi. Suma Un sii man daid Laih tene, dui totoang lahi-lahi lias, nol daid Tuang lapa dui, deng totoang tuang-tuang ngias.