Kolose 2:9 - Buk Niu In Hida Balu nol Dehet deng Apan-kloma ki in Dadi ka

⁹ Totoang man in muik ne Ama Lamtua Allah Apa ka, muik ne Kristus Apa ka kon. Nol Kristus kon daid atuli, banansila el kita.

Kolose 2:9 ပူးပေါင်းရင်းမြစ်များ

Matius 1:23

“Mi hii ke! Mam muik tana-bihatang mesa, haat-ana nabale, taan lo molota, un behe son. Kon un hua Tana-ana biklobeng mesa. Oen ngali Un ngala ka, Imanuel.” (Se dais Ibranin nam, ‘Imanuel’ nahin na noan: Ama Lamtua Allah leo-leo nol kita.)

Lukas 14:22

Ming ela kon, ata na lako haep atuil nas. Hidim un pait le lapur noan, ‘Papa! Oen maas totoang son, mo maan blo mamo nabale.’

Lukas 3:22

Kon nam Ama Lamtua Allah Koo Niu ka niu maa se Una. Koo Niu na tuladang el korkifi ka. Hidim muik fala mes deng apan nu tek noan, “Ku niam, Auk Anang in namnau ka. Ku tao Auk daleng ngi kolo tutungus.”

Yuhanis 1:14

Hidim, ‘Ama Lamtua in Teka-teka’ ngas, huan daid atuli son. Un nuli ne kit hlala kia. Kit ngat net Un in muun-tes sa. Un muun-tes ela, undeng Un na mo Ama Lamtua Allah Ana Baun siing nga. Un kom in tulu Un dalen banan na bel kita, undeng Un nam meman ela. Nol totoang man Un in tek deng Ama Lamtua Allah ngas, tom baktetebes.

Yuhanis 1:16

Yuhanis aa ela, lole Atuling na kom isi le tulu Un dalen banan na. Un tulu dalen banan na tutungus ela bel kit totoang.

Yuhanis 10:30

Ta Auk Amang ngua, nol Auk niam mo, mesa.”

Yuhanis 10:38

Mo Auk lako-daek Un osa la tutungus. Tiata mi dai parsai Auk lo kon no, mi musti sium tada-taad herang man Auk in tao ngas buit. Nini ela lam, mi kon tana noan, Auk Amang ngu butu-kil nol Au. Nol Auk kon butu-kil nol Una.”

Yuhanis 14:20

Nol mam eta Auk nuling pait son nam, mi taan baktetebes noan, Auk niam butu-kil nol Auk Amang ngua; mi butu-kil nol Au; hidim Auk butu-kil nol mi kon.

Yuhanis 17:21

Papa, Auk nodan le oen totoang haup in butu-kil le daid mesa, banansila el Kit duat in butu-kil le daid mesa ki kon. Auk kon in koma ka le oen butu-kil le daid mes nol Kita, le halin atuil didang se apan-kloma ki parsai noan, Paap esa man nutus Au.

Yuhanis 2:21

Mo oen nangan tanan lo, molota Yesus aa deng Un apa ka, man banansila el maan in niu mesa.

Dehet deng Aan in Nutus sas 17:29

Na meman tom baktetebes. Kit totoang niam Ama Lamtua Allah anan. Tiata boel nangan noan Ama Lamtua Allah nam banansila el bangat in hui-langus, man atuli li daken deng lil-mea, tamlom lil-muti, tamlom batu, muid oen in nangan esan na deken.

Korintus dua la 5:19

Nangan, ta dedeng Kristus bii nabael se apan-kloma kia ka, Ama Lamtua Allah pake Una, le halin atuli li haup in dame pait nol Ama Lamtua. Tiata, Un kaih oen in kula-sala ngas pait lo, nol oen lepa-haal sala ka hukung nga pait lo. Un kon bel kit osa le laok tek atuli li noan, oen haup in babanan pait nol Una.

Kolose 1:19

Totoang man in ne Ama Lamtua Allah Apa ka ngas, kon muik ne Kristus apa ka dalen, nol na man tao Ama Lamtua Allah dalen kolo.

Timutius mesa la 3:16

Hmunan nu muik dasi mes muun isi deng kit in parsai ka buni nabale, mo halas ni Ama Lamtua tek puting dais na son. Na ka: Kristus maa se apan-kloma ki son, nini atuli li hnika-tuladang. Ama Lamtua Koo la kon tulu bel noan, Yesus nam mo, Atuil in dalen lolo. Nol Ama Lamtua ima-ii in ne sorga nguas kon, ngat net Una. Ama Lamtua Allah nikit Un lako ne sorga son, hidim nikit sakeng Un ngala ka lapa-lapa. Un dehet ta holhising didiin lako papmes apan-kloma ki son. Se ola-ola, se apan-kloma kia, atuli li parsai Un son. Kit in parsai ka ela!

Titus 2:13

Halas ni, kit natang-natang Yesus Kristus in pait maa nol Un in loe-liliman na! Na man daid hangun taung kit totoang. Un na mo kit Lamtuan in muun dui hihidi, man bel boa-blingin kit son na.

Yuhanis mesa la 5:20

Hidim kit tana noan, Ama Lamtua Allah Ana ka maa son, le bel kit in nangan tana deng dais nias, halin kit taan nal Ama Lamtua Allah nol baktetebes. Halas nia, kit haup in nuil babanan nol Una son, undeng kit nuil dalen mes nol Un Ana, Yesus Kristus. Ta Un nam kon, baktetebes Lamtua Allah. Nol Un man bel atuli li le nuli napiut.

Yuhanis mesa la 5:7

Tiata muik dasi tilu, man daid saksi: