Kolose 2:23 - Buk Niu In Hida Balu nol Dehet deng Apan-kloma ki in Dadi ka

²³ Eta noan atuli li tao muid atorang nas sam, oen bali noan atuli todan one, nol oen nataka noan oen taan isi, atuil niu baktetebes, atuil in dalen deng dadale, nol atuil man in makoe isi le tao muid sa-saa man oen in dake ngas. Molota ela lo! Atorang nas tao banan nal atuli li in nangan na, nol atuli li dalen in kom le tao dadaat tas lo!

Kolose 2:23 ပူးပေါင်းရင်းမြစ်များ

Roma 13:14

Mo in banan dui ka, mi nangan seda se mi dalen nas, le daid banansila el kit Lamtuan Yesus Kristus, man Ama Lamtua belen maa son na. Nol eta ku kom le tao sa-saa in tom lo ngas sam, nang ku apam ma le daek muid ku in kom dadahut ela na deken. Keeh nal apan!

Efesus 5:29

Muik atuli in namnau un apa esa lo ka lo. Mo un mana-koet nol piaran babanan, banansila el Kristus in mana-koet un atulin nas babanan na,

Kolose 2:18

Eta atuli le tao nahu mia, undeng mi muid atorang man oen in tao esan nas lo kam, hii deken. Ta eta mi hii one lam, mi sium nal dasi-dais banan man Ama Lamtua Allah in le bel mia ngas lo. Mo doha-doha le! Ta meman muik atuli kom in nuting lalan le tao nahu mia. Oen koma ka le mi musti tao apan nas deng dadale, nol hui-langus se Ama Lamtua ima-ii in ne sorga nguas, lole oen bali noan muik in natloa le tulu bel oen ela. Oen nataka apan nas sam banan dui deng atuil tenga las. Molota ela lo! Lole oen in nangan na tuladang el atuli li tuun.

Kolose 2:22

Mo atorang nas, suma atuli in tao, le oen tui bel atuli lia. Molota atorang nas suma mana-koet sa-saa man mam ilang ela tuun nas!

Kolose 2:8

Doha-doha le halin mi muid atuil didang ngas deken, man pake atuli li in tana le nol mi sisa putim deng lalan lolo ka. Nol boel muid atuil in tui tana man tui kam muik peke lo ngas deken. Ta oen in tui ka, suma maa deng atuli li in tana tukun, nol deng apan-kloma ki atorang ngas. In tui nas, maa deng Kristus lo.

Timutius mesa la 4:3

Oen tui atuli li le saap deken. Nol oen kon tek le kaa kakaat deeh deken ta luli. Molota Ama Lamtua Allah man koet kakaat nas. Un daek kakaat nas, le halin eta atuil in parsai ngas kaa lam, oen nodan mamo se Una. Undeng oen taan asa man in toma ka!

Timutius mesa la 4:8

Mana le tao tes kit aap-inan nia ki nam, banan. Mo ambak ka bubuit tuun. Molam mana apan le nuil muid Ama Lamtua in koma, se totoang dasi las dalen na, muik ambak mamo. Un ambak ka suma in nuil se apan-kloma hahalas nia ki sii lo, molam se in nuli man pait maa ku kon.