Kolose 2:18 - Buk Niu In Hida Balu nol Dehet deng Apan-kloma ki in Dadi ka

¹⁸ Eta atuli le tao nahu mia, undeng mi muid atorang man oen in tao esan nas lo kam, hii deken. Ta eta mi hii one lam, mi sium nal dasi-dais banan man Ama Lamtua Allah in le bel mia ngas lo. Mo doha-doha le! Ta meman muik atuli kom in nuting lalan le tao nahu mia. Oen koma ka le mi musti tao apan nas deng dadale, nol hui-langus se Ama Lamtua ima-ii in ne sorga nguas, lole oen bali noan muik in natloa le tulu bel oen ela. Oen nataka apan nas sam banan dui deng atuil tenga las. Molota ela lo! Lole oen in nangan na tuladang el atuli li tuun.

Kolose 2:18 ပူးပေါင်းရင်းမြစ်များ

Dehet deng Apan-kloma ki in Dadi ka 3:13

Hidi kon AMA LAMTUA Allah ketan bihatang nga noan, “Amo tasao le ku tao ela lia?” Kon bihatang nga siut noan, “Le ula la man nole au lam! Tiata auk kaa kai isin na son.”

Matius 24:24

Ta mam muik atuli puit le teh kalas noan, ‘Auk niam Kristus!’ Nol tenga las pait tek noan, ‘Auk niam Ama Lamtua Allah mee-baha.’ Mam oen tao taad herang bili-ngala pake uikjale kas in kuasa, le nole-lilung atuli. Oen soba-naan le halin Ama Lamtua atulin nas kon tom in nole-lilung!

Roma 1:25

Se oen dalen nas, oen taan dasi-dais in toma deng Ama Lamtua Allah ngas son, mo oen dai muid lo. Oen in nangan na tom lo son, hidim oen nangan noan, “Banan dui ka nang le kaim tao dadahut tuun lako, tiam sa-saa lo!” Oen hui-langus se sa-saa man Ama Lamtua in koet tas, mo oen todan-lahing se Ama Lamtua lo, molota Un man koet sa-saa nas totoang! Nol oen tao apan nas el atuil in parsai isi ka, molota oen muik in parsai lo! In toma ka, kit atuli li musti naka-naka nol todan-lahing se Ama Lamtua Allah tutungus! Ela le, halas-sam toma!

Roma 16:18

Oen daek bel kit Lamtuan Yesus Kristus lo. Oen suma daek le oen siis man haup un isin na. Oen dasin nas kumis-mina nol atuil in nangan taan isi lo bii deng ol man banan, nol ol man daat tas. Oen aa kam kumis-mina le nole-lilung atuli.

Korintus mesa la 13:4

Ta in namnau ka na mo, leko. Namnau ka na mo, kehe. Namnau ka na mo, idus-neo lo. Namnau ka na mo, naka bali apan lo. Namnau ka na mo, koaok lo.

Korintus mesa la 3:3

Lole mi in nangan na banansila el atuil man suma taan in mudi-muid oen in koma esan tuun na nabale. Etan muik atuli in dui mia kam, mi idus-neo, nol kaen kliu-kanan! Dadin nam auk tek mi son noan, mi suma taan in mudi-muid mi in koma-koma ngas esan tuun na. Mi in tao ela ka, banansila el atuil in ne apan-kloma kia ngas.

Korintus mesa la 4:18

Muik atuli deeh deng mia la nangan noan, auk daid in tia se la lo. Undeng na le oen bahan nas tuan.

Korintus mesa la 4:6

Kaka-pali me! Auk aa deng au, nol kaka Apolos, kaim niam banansila el kleta, le mi tui nal dasi mes deng kaim elia: Daek muid dasi-dais man in dul ne Ama Lamtua Buk Niu ka ngas siis. Mo daek muid dasi-dais didang deken. Eta mi tui dais nas sam, mi boel aap halin deken. Nol mi kon bahan tuan undeng mi in muid atuli mesa, mo ngat kabaul atuil tenga las sa deken.

Korintus mesa la 8:1

Pait ni auk le tek deng sisi, man atuli li pake taung in hui-langus. Kit totoang taan mamo son, deng dais nias. Un in daat ta, eta atuli li taan mamo kam, un koaok, lole un nangan noan un taan dui deng atuil tenga las. Banan dui ka kit namnau bali apa tuun. Ta na man tao atuli li totoang le daid kuat nol tahang nal nesang.

Korintus mesa la 9:24

Auk bel kleta deng sukat in lali. Muik atuli mamo muid sukat in lali, mo in nala ka suma at mes sii. Tiata, ku musti lail mumuun le halin nal taung Ama Lamtua.

Korintus dua la 11:3

Halas ni mi muid Kristus lalan lolo ka nol dalen niu. Mo auk lii, tamlom muik atuli in nole-lilung mia son, le mi sisa deng lalan lolo na, banansila el ula la in nole-lilung Hawa hmunan nua ka. Ul na nole-lilung nal ela, undeng un na mo, in nole-lilung daat tas peke ka na!

Korintus dua la 12:20

Auk siin-tidu, tamlom mam auk tia meo mia lam, mi banansila el auk in koma ki lo ka. Tamlom muik in tukut-klaa nol apa, idus apa, pesang dael nol apa, muik in suma nangan taung un apa ka sii, muik in aa le tao didaan atuil didang ngaal banan, muik in bilu-aa dadahut daat, muik in koaok daat, nol muik in lobo-lau dadahut daat. Eta mi tao ela lam, oras auk tia meo mia ka, bet auk kon banansila el atuil man mi in kom lo ka.

Efesus 4:17

Hii babanan asa man auk in le tek mi kia, undeng auk Lamtuan na esa man tek au. Mi nuil pait banansila el atuil in taan Ama Lamtua Allah lo ngas deken. Ta asa man oen in tao ka, muid oen in ngengo ka tuun.

Efesus 5:6

Eta atuli nole-lilung mi noan, “Nuil niu deken tia!” lam, boel ngengom le toe mudis deken. Ta taon elola ko Ama Lamtua Allah komali nol atuil in dai nuil muid Un in koma ka lo ngas.

Filipi 3:14

Mo auk lail mumuun napiut, le lakong lius se in tuis pesang ngua, le halin haup piala. Piala man auk in hapu ka elia: mam Ama Lamtua Allah sium auk se sorgang, undeng auk parsai se Yesus Kristus.

Kolose 2:23

Eta noan atuli li tao muid atorang nas sam, oen bali noan atuli todan one, nol oen nataka noan oen taan isi, atuil niu baktetebes, atuil in dalen deng dadale, nol atuil man in makoe isi le tao muid sa-saa man oen in dake ngas. Molota ela lo! Atorang nas tao banan nal atuli li in nangan na, nol atuli li dalen in kom le tao dadaat tas lo!

Kolose 2:4

Auk tek mi dais nias totoang, le halin muik atuli in maa le nole-lilung mi nini dais in kumis-mina deken.

Kolose 2:8

Doha-doha le halin mi muid atuil didang ngas deken, man pake atuli li in tana le nol mi sisa putim deng lalan lolo ka. Nol boel muid atuil in tui tana man tui kam muik peke lo ngas deken. Ta oen in tui ka, suma maa deng atuli li in tana tukun, nol deng apan-kloma ki atorang ngas. In tui nas, maa deng Kristus lo.

Timutius mesa la 1:7

Oen tek le oen nam mo, guru man in tui atuil didang deng upung Musa Atorang ngas. Oen tao apan nas el guru tene ka, mo oen taan asa man oen in tui ka nahin na lo.

Timutius mesa la 4:1

Mo halas ni Ama Lamtua Koo la tek langa-langa son noan, mam jemaat tenga las hutun soleng asa man kit in parsai kia. Hidim oen laok muid koo daat man in liun-leo le tao atuli li liu ngas, nol daek muid uikjale kas in tui-tikang ngas.

Petrus dua la 2:14

Oen matan nas ngat nuting bihaat man tade le len-langan nol one ngas. Oen in nuli ka suma daek sa-saa daat sii. Oen kom in nuting atuil man in parsai se Ama Lamtua muun lo bii ngas, le neleng halin muid oen in tao dadaat tas. Oen kom naseke, tiata oen nuting lalan tutungus le kat atuil didang sa-saa. Taon elola ko, mam Ama Lamtua in hukung one ka ngele isi.

Yuhanis mesa la 2:26

Auk dul surat nia, le halin mi taan deng atuil in le nole mia ngas.

Apan-kloma Hnika Balu 12:9

Tiata Mikael nol un nenan nas nulut soleng ul naga na, nol ima-ii las deng sorgas, le hidim pasang soleng oen maas se apan-kloma kia. Ul naga na, uikjale kas laih tuan na, man oen noken noan, ‘Iblis’. Deng lolo hmunan nua, un man taan in nole-lilung atuli lia, le oen tao kula-sala.

Apan-kloma Hnika Balu 13:14

Nini ela lam, hmukit nomer dua la, pake un tuang nga in kuasa ka, le nole-lilung atuli li se apan-kloma kia. Un kon tadu atuli las le daek bangat mesa, banansila el un tuang nga hnika ka, le oen todan-lahing se un tuang man hmunan nu tom in dati, le naha-bubuit tam mate ka.

Apan-kloma Hnika Balu 13:8

Undeng na, le totoang atuil in se apan-kloma ki ngias, hui se hmukit in tao tele dadahut na. Atuil nas mo totoang atuil man ngalan nas dulas lo ne Lae-blai Ana ka buku la ka. Hmunan nu atuli keo tele Lae-blai Ana ka son, mo Ama Lamtua belen le nuli pait. Dedeng Ama Lamtua koet apan-kloma ki lo bii ka, Un dul meman totoang atuil in parsai ngas ngalan nas son se buk na, mam atuil nas man haup in nuil toma man hidi nutus taan lo ka.

Apan-kloma Hnika Balu 19:10

Kon auk senet le noan hai bukung nga halin todan-lahing se ima-ii na, mo un kaing auk noan, “Ku todan-lahing se auk ela deken! Ta auk niam Ama Lamtua ata el ku, nol ku kaak-palim man in tek deng Yesus sas kon. Mee-baah man in tek deng Ama Lamtua Allah in hida-hida ngas totoang kon, aa deng Yesus, le halin nam atuli li todan-lahing se Una. Ta Ama Lamtua Koo la in koma ka ela. Tiata todan-lahing se auk deken, mo todan-lahing se Ama Lamtua Allah sii!”

Apan-kloma Hnika Balu 3:11

Nesang lo ka kam Auk pait maang. Tiata kil dididi Auk in tui-tikang man mi sium son lolo hmunan nua ngas. Ta tamlom muik in nuu lai-niin asa man Ama Lamtua in le bel mia ngas sa.