Kolose 1:26 - Buk Niu In Hida Balu nol Dehet deng Apan-kloma ki in Dadi ka

^26-27 Lolo hmunan nua, atuli li hii-ming Ama Lamtua in Teka-teka ngas. Mo oen taan in Teka-teka nas nahin na nol langa-langa lo bii, lole nahin na buni-napang nabale. Mo halas ni, Ama Lamtua nutus son le puting nahin na langa-langa bel Un atulin nas. Nol Un in koma ka, dehet man in muun isi na, taung totoang ngala-ngaal deng bangsa-bangsa in se apan-kloma kia ngas. Dehet man in muun isi na, elia: Kristus nuli ne mi dalen nas! Na ka, man tao mi parsai napiut noan, mam Un tao dasi-dais in banan dudui ngas bel mia. Nia ki, man kit atuli li nata-natang deng lolo hmunan nua.

Kolose 1:26 ပူးပေါင်းရင်းမြစ်များ

Matius 13:11

Kon Yesus siut noan, “Undeng mi le nangan taan baktetebes deng Ama Lamtua Allah prenta la, tiata Auk tek kleta na nahin na meman. Mo eta atuil didang ngam, Auk tuis nini kleta tuun.

Matius 20:7

Atuil nas siut noan, ‘Papa! Muik atuli in bel kaim os le dake lo kam.’ Kon nam klaap lamtua ka tekas noan, ‘Eta ela lam, mi laok daek se auk klapa lua!’

Markus 4:11

Kon Yesus situs noan, “Undeng mi le taan baktetebes deng Ama Lamtua Allah prenta la, tiata Auk tek mi meman deng kleta ka nahin na. Mo eta atuil didang ngam, Auk tuis nini kleta tuun.

Lukas 8:10

Un situs noan, “Undeng mi muid Ama Lamtua Allah in koma ka baktetebes son, tiata Auk sai bel mi langa-langa, le halin nam mi taan Ama Lamtua lalan in prenta Un atulin nas elola ka. Mo atuil tenga las dai muid Ama Lamtua in koma ka lo. Tiata Auk tui oen nini kleta tuun. Ta Ama Lamtua mee-baha las dul meman son deng atuil nias elia, ‘Oen netan son, mo dai tanan lo. Oen ming son, mo dai muid lo.’ ”

Korintus mesa la 2:7

Mo kaim suma tui dasi-dais in tana, man niu maa deng Ama Lamtua Allah. Lole hmunan hesa kua, Ama Lamtua buni dais nas. Mo halas nia lam, Un nutus son le sai dais man in buni-napang ngas bel kita, halin mam kit kon muik baab se Un ngala man muun isi ka.

Kolose 2:2

Ta auk kom le, tao tes mi dalen nas totoang, le halin mi kon haup in butu-kil apa daid mesa, undeng mi nuil namnau apa. Hidim mi daid in parsai baktetebes, undeng mi taan Ama Lamtua in koma, man hmunan nu buni-napang nabale ka nol baktetebes son. Dais in buni na, mo Kristus na!

Kolose 4:3

Nadidingun in kohe-kanas bel kami deken, nol nodan le Ama Lamtua Allah sai lalan, le halin kaim tek nal atuli li dasi-dais deng Kristus man hmunan nu buni-napang nabale ngas. Nadidingun deken, ta auk in tamang bui nia, undeng auk tek atuli li deng Kristus.