Kolose 1:24 - Buk Niu In Hida Balu nol Dehet deng Apan-kloma ki in Dadi ka

²⁴ Dedeng Kristus nuli se apan-kloma kia ka, Un haup susa-daat mamo. Nol halas ni auk kon lepa-haal susa-daat bili-ngala. Ela kon no, auk daleng ngi kolo tutungus. Eta muik atuli in haup susa-daat tam, nang le auk man lepa-haal in susa-daat na bel one, banansila el Kristus lepa-haal susa-daat bel Un atulin nas sa. Lole Un atulin nas, daid banansila el Un apa ka.

Kolose 1:24 ပူးပေါင်းရင်းမြစ်များ

Markus 10:39

Oen duas situn noan, “Kaim bolen Papa!” Yesus situs pait noan, “Meman mam mi kon haup in susa-daat banansila el Au.

Dehet deng Aan in Nutus sas 5:41

Kon nam aan in nutus nas putis lakos nang soleng maan in nehan dasi ka. Oen nangan noan, oen ngalan nas daat son, undeng in muid Lamtua Yesus, mo oen dalen kolo, lole Ama Lamtua Allah tana noan, eta oen haup in susa ela lam, toma. Undeng na, tiata oen dalen kolo isi.

Roma 5:3

Kit haup susa-daat bili-ngala elol kon no, kit dalen kolo tutungus. Ta kit tana noan, kit tui deng in susa ka, le halin kit tahang nal nol muun dui pait.

Roma 8:17

Eta kit daid Ama Lamtua anan nam, nahin na noan, mam kit sium Un pusaka la, undeng Un daid kit Aman. Hidim, mam eta Ama Lamtua bel Un Ana Kristus pusaka, lam kit kon sium pusaak na leo-leo nol Una. Mo muik dasi mes pait: kit kon musti haup susa-daat banansila el Kristus in haup susa-daat ta, le halin nam, mam Ama Lamtua nikit kit lapa-lapa, banansila el Un in nikit Kristus lapa-lapa son na kon.

Korintus mesa la 12:27

Ela kon nol mia. Ta mi banansila el Kristus aap-ina ka. Totoang atuil in parsai ngas daid banansila el op mes deng Kristus apa ka.

Korintus dua la 12:15

Auk kom in sos sa-saa bel mia. Auk kon kom in daek mumuun le halin mi nuil muid Ama Lamtua in koma ka. Eta auk namnau mi isi kam, mi musti namnau auk ela kon. Tiata, tasao le mi tahang-tahang mi in namnau ka lia? Tom lo, ta lo?

Korintus dua la 6:10

Kaim nataka kam ngele kon no, kaim dalen kolo tutungus. Kaim muik duit lo kon no, kaim bel hangun mamo se atuil hut mamo kas dalen. Na banansila el kaim muik sa-saa lo, mo kaim kon haup totoang.

Korintus dua la 7:4

Halas ni auk nangan-nangan pait lo kang, ta Auk parsai mia. Auk kon bahang tuan deng mia. Mi kon tao teken auk daleng ngia. Tiata, kaim haup in susa bili-ngala kon no, auk daleng ngi kolo tutungus undeng mia.

Efesus 1:23

Tiata, eta Un daid Bon nam, kit atuil in parsai ngias banansila el Un apa ka. Mam kit man daek nuli Un osa las totoang, man Un lako-dakes, dedeng Un in bii nabael se apan-kloma kia ka. Ta Un man muik kuasa, le tao nas totoang dadi, muid Ama Lamtua Allah in koma ka. Auk in kohe-kanas bel mia ka, meman ela.”

Efesus 3:1

Undeng muding Ama Lamtua Allah in nangan na lam, atuil Yahudi nol atuil Yahudi lo kas muik in bakisan lo, tiata Un nutus au, Paulus, le tek deng Yesus Kristus Dehet Dais Banan na bel mi atuil Yahudi lo, man ne kota Efesus sias. Auk lako-daek auk osa la, didiin auk tamang daid atuil bui son.

Efesus 3:13

Nangan ne! Auk haup susa-daat undeng auk lii-lau mi atuil Yahudi lo kias. Ela kon no, mi dalen nas daat deken. Undeng auk lepa-haal susa-daat nia, le halin mi man sium in banan na.

Filipi 3:10

Hidim auk in koma ka elia: auk le taan Kristus nol babanan. Auk kon le nangan taan babanan Ama Lamtua Allah in kuasa, man Un pake le bel Yesus Kristus nuli pait deng Un in mate ka ka. Eta noan muik atuli in tao sus au, undeng auk in muid Kristus sia lam, nang laok tuun. Ta atuli kon tao sus Kristus. Nol eta muik atuli in le keo tele au, undeng auk in lii-lau atuli kia lam, auk sium tukun. Ta Kristus kon tom in susa le mate bel auk ela.

Kolose 1:18

Un man daid Tulu deng atuil in parsai ngas totoang, Nol Un apa ka na mo, mo atuil in parsai ngas. Ta Un man nuli pait muna', Deng totoang in mate hidim nuil pait tas. Un man muun dui hihidi, Nol Un man lapa dui deng totoang.

Timutius dua la 1:8

Tiata, mae in dehet deng kit Lamtuan na deken. Hidim mae nol auk in daid atuil bui ki deken. Ta auk in tamang bui kia, undeng auk lii-lau Una. Tiata eta ku laok nahdeh deng Dehet Dais Banan na lam, ku musti mana-mana le lepa-haal in susa-daat banansila el kami. Eta ku haup in susa-daat ela lam, mam Ama Lamtua tao teken ku.

Yakobus 1:2

Kaka-pali me! Auk le tek elia: eta mi tom in susa-daat bili-ngala kam, mi in makoe ka senet deken. Simun nol dael kolo tuun, ta mam mi in hapu ka banan.