Kolose 1:19 - Buk Niu In Hida Balu nol Dehet deng Apan-kloma ki in Dadi ka

¹⁹ Totoang man in ne Ama Lamtua Allah Apa ka ngas, kon muik ne Kristus apa ka dalen, nol na man tao Ama Lamtua Allah dalen kolo.

Kolose 1:19 ပူးပေါင်းရင်းမြစ်များ

Lukas 10:21

Dedeng na, Ama Lamtua Koo Niu ka tao Yesus dalen kolo. Hidim Un naka Ama Lamtua noan, “Papa! Paap man daid Tuang Tene se apan-dapa kua nol apan-kloma kia. Auk nodan mamo-mamo, undeng Paap hep kele dais nias deng atuil man in tao apa ka noan tana, nol atuil in nikit-nikit apan na ngas. Mo Paap sai dais nias totoang bel tana-ana ngas, nol atuil in tao dalen deng dadale ngas. Baktebes Papa! Ta na man tao Paap dalen kolo!”

Yuhanis 1:16

Yuhanis aa ela, lole Atuling na kom isi le tulu Un dalen banan na. Un tulu dalen banan na tutungus ela bel kit totoang.

Yuhanis 3:34

Atuling man Ama Lamtua in niung maa ka, Un tek deng Ama Lamtua Allah in hida ka. Undeng Ama Lamtua bel Un Koo la son, nol muik tahan in pesa lo.

Korintus mesa la 1:21

Ama Lamtua Allah in tana ka, uhu isi. Ta atuli li nataka apa ka le taan isi kon no, eta nini oen in nangan na sii le noan taan nal Ama Lamtua nol baktetebes sam, bisa lo. Mo ela kon no, Ama Lamtua nini Un in tana ka son, le sai lalan bel atuli lia. Lole hmunan nua, Un nangan son noan, “Nang le atuli li nataka noan, Auk atulin in nutus sas atuil ngengo, mo ela kon no, Auk musti nutus atuil le laok tekas dais man in toma deng Au.” Undeng na, Ama Lamtua nutus son le pake in teka-teka, man Un atulin in nutus sas in kila ka, le halin atuli li parsai nal se Una. Un le pake lalan na, le bel boa-blingin atuli li deng oen in kula-sala ngas. Mo atuli li nataka kam, Ama Lamtua lalan na, lalan ngengo. Undeng na le oen dai toe muid Un atulin in nutus sas lo. Ta atuil Yahudi las suma nodan tada-taad herang tuun, le halin oen net Ama Lamtua in kuasa ka. Nol atuil Yunani las suma hii-ming dasi-dais in tana, muid oen in nangan nas nol oen in nangan tana ka tuun.

Efesus 1:23

Tiata, eta Un daid Bon nam, kit atuil in parsai ngias banansila el Un apa ka. Mam kit man daek nuli Un osa las totoang, man Un lako-dakes, dedeng Un in bii nabael se apan-kloma kia ka. Ta Un man muik kuasa, le tao nas totoang dadi, muid Ama Lamtua Allah in koma ka. Auk in kohe-kanas bel mia ka, meman ela.”

Efesus 1:3

Naka-nahalit Ama Lamtua Allah, kit Lamtuan Yesus Kristus Ama ka! Ta Ama Lamtua bel kit hangun mamamo son deng sorga, undeng kit daid Yesus Kristus atulin son.

Efesus 1:5

Un nutus meman son deng hmunan nua, nini Yesus Kristus le tao kit daid Un anan. Ni man tao Un dalen kolo.

Efesus 4:10

Tiata, Atuling in niu maa ka, mo Kristus. Ta Un man sake pait lako sorga, le halin mana-koet totoang in muik ne apan-dapa kua nol apan-kloma kia.)

Kolose 2:3

Suma Un sii man bisa bel in tana, man mi in parlu ka. Nol tui mi nini in tana na, le tao dasi-dais banan. In tana nia, banansila el hmuki-pusaak man in osa isi ka.

Kolose 2:9

Totoang man in muik ne Ama Lamtua Allah Apa ka, muik ne Kristus Apa ka kon. Nol Kristus kon daid atuli, banansila el kita.

Kolose 3:11

Se in nuil balu nia, lam kit boel aa tapa bel atuli deng aap-ina likun na deken noan, oen nam atuil Yahudi tam, atuil Yahudi lo; atuil in muid sunat tam, atuil in sunat lo; atuil in laok-maa tam, atuil in taan hadat lo; ata tam, ata lo. Nas man muun na lo! Mo in muun na ka, eta oen butu-kil nol Kristus, nol eta Un nuli ne oen dalen nas.