Kolose 1:18 - Buk Niu In Hida Balu nol Dehet deng Apan-kloma ki in Dadi ka

¹⁸ Un man daid Tulu deng atuil in parsai ngas totoang, Nol Un apa ka na mo, mo atuil in parsai ngas. Ta Un man nuli pait muna', Deng totoang in mate hidim nuil pait tas. Un man muun dui hihidi, Nol Un man lapa dui deng totoang.

Kolose 1:18 ပူးပေါင်းရင်းမြစ်များ

Matius 23:8

Mo mi tao muid oen in dake na deken! Atuli boel haman mi noan, ‘ama guru’ deken, undeng mi Gurun na suma mes sii. Nol mi totoang niam kaka-pali.

Matius 28:18

Kon Un maa dadani oen le aa nolas noan, “Ama Lamtua Allah bel Auk kuasa, le prenta totoang in ne sorga nguas, nol totoang in ne apan-kloma ki ngias.

Yuhanis 1:1

Hmunan hesa kua, Ama Lamtua Allah in Teka-teka ngas muik son. Ama Lamtua in Teka-teka ngas, hai bus Atuli mes sii. Atuling na leo-leo nol Ama Lamtua Allah. Nol Un kon na mo, Ama Lamtua Allah.

Yuhanis 1:16

Yuhanis aa ela, lole Atuling na kom isi le tulu Un dalen banan na. Un tulu dalen banan na tutungus ela bel kit totoang.

Yuhanis 1:27

Auk tui atuli li muna kon no, Un nam uhu dui deng au. Auk daid Un atulin in loka-loka tuun kon, auk tatai nolan lo.”

Dehet deng Aan in Nutus sas 26:23

Oen tui deng Kristus, Atuling man Ama Lamtua Allah hid son le tunang maa ka, noan, Un musti lepa-haal susa-daat, didiin Un mate, mo hidi nam Un man daid atuil hmunan, man Ama Lamtua Allah belen nuli pait. Mam Un laang bel atuil in deng bangsa Yahudi ngias, nol bangsa-bangsa didang in se apan-kloma kia ngas, lalan in laok bus el Ama Lamtua Allah lua ka.”

Roma 8:29

Ta hmunan nua, Un taan oen meman son, nol huil nal oen son le taos daid hnika mes el Kristus, Un Ana ka. Ta Kristus man hmunan, le tenga las daid Un palin.

Korintus mesa la 11:3

Mo muik dasi mesa, man auk le tek nuting mian pait, elia: nadidingun mi in hek deng ol maa ka deken. Bikloeb in parsai ngas totoang butu-kil nol Kristus man daid bon deng one. Bihata li daid deng biklobe. Nol Kristus maa deng Ama Lamtua Allah.

Korintus mesa la 12:27

Ela kon nol mia. Ta mi banansila el Kristus aap-ina ka. Totoang atuil in parsai ngas daid banansila el op mes deng Kristus apa ka.

Korintus mesa la 15:25

Ta Kristus musti kil prenta didiin Ama Lamtua Allah tao tehen totoang in labang nol Kristus sas, le oen todan se Una.

Efesus 1:10

Nol mam lius un oras sa lam, Yesus Kristus kon daid Bon le mana-koet totoang in se apan-kloma kias nol in ne sorga nguas.

Efesus 5:23

Ta sapa-biklobe li niam, banansila el bon deng un sapa-bihatan na. Nol Kristus nam kon Bon deng Un atulin nas. Ta Un man sai lalan le oen haup boa-blingin.

Kolose 1:24

Dedeng Kristus nuli se apan-kloma kia ka, Un haup susa-daat mamo. Nol halas ni auk kon lepa-haal susa-daat bili-ngala. Ela kon no, auk daleng ngi kolo tutungus. Eta muik atuli in haup susa-daat tam, nang le auk man lepa-haal in susa-daat na bel one, banansila el Kristus lepa-haal susa-daat bel Un atulin nas sa. Lole Un atulin nas, daid banansila el Un apa ka.

Kolose 2:19

Oen butu-kil nol Kristus lo. Molota, Un nam mo, daid Bon. Nol Un atulin nas, banansila el Un apa man Un mana-koet ta. Un tao Un atulin nas kuat-tes taplaeng, nini Ama Lamtua Allah in kuasa ka. Nini ela, oen daid tuladang el ulat nol seen man but naling apa mumuun, le hulung apa mes nol mesa, didiin aap-ina tema na daek nal nol babanan.

Yuhanis mesa la 1:1

Auk dul surat ni deng Ama Lamtua Allah in Teka-teka man Kil in Nuli ka. In Teka-teka man Kil in Nuli nia, muik meman son lolo apan-kloma ki in dadi kua. Halas ni au, nol auk tapang ngias, net Un nini kaim matan esan son. Kaim ming Un nini kaim hngilan esan son. Nol kaim kon huud Una, nini kaim iman nias esan son. Kaim net Un ela,

Apan-kloma Hnika Balu 1:18

Hmunan nu Auk mateng, mo halas ni ku ngat le, Auk nuling pait son! Nol mam Auk nuling napiut didiin hidi nutus taan lo. Auk kon man kil kunci in sai atuil hmate kas mana la, le beles nulis pait.

Apan-kloma Hnika Balu 1:5

Auk kon nodan le Yesus Kristus tulu-balang bel mi Un dalen banan na, halin mi nuil babanan, titu-tema nol dame. Un aa langa-langa tutungus deng asa man Ama Lamtua Allah in tek Una ngas. Hmunan nu Un mate, mo Ama Lamtua belen nuli pait, le halin Un man daid atuil hmunan, man nuli pait deng in mate. Un kon man daid Laih Tuan taung in ator totoang laih in ne apan-kloma ki ngias. Undeng Lamtua Yesus namnau kita, tiata Un nang dala ka le baa didiin mate taung kita. Nini Un in mate ka, Un sai lalan le sas-loat kit deng in kula-sala kas in kuasa ka.

Apan-kloma Hnika Balu 1:8

Ama Lamtua Allah tek noan, “Auk niam, Alfa lako pes Omega. (Laih hmunan lako lius in puis) Auk niam, A lako pes Z. Totoang daid deng Au, ninin deng hmunan nu lako lius in puis. Auk man muik meman son deng hmunan nua. Auk man muik hahalas ni kon. Nol Auk man muik tutungus didiin hidi nutus taan lo. Ta Auk siing man kuasa dudui!”

Apan-kloma Hnika Balu 11:15

Hidi nam, Ama Lamtua ima-ii deng sorga nomer itu la huu un klingu la. Nahkitu lam, auk ming fala mamo-mamo maas deng sorgas, le tek noan, “Halas ni in kil bandu se apan-kloma kia ka, suma Ama Lamtua Allah nol Kristus, Un nam Lamtua Allah Atulin man Un hulin meman son deng hmunan nua ka. Ama Lamtua Allah nam Lahi, man kil bandu napiut didiin hidi nutus lo.”

Apan-kloma Hnika Balu 21:6

Hidim Un tek auk pait noan, “Totoang man Auk hida lolo hmunan nua ngas, daid son. Ta Auk niam, Alfa lako pes Omega, Nol Auk niam, A lako pes Z, Totoang daid deng Au, ninin deng hmunan na lako pes puis. Totoang atuil man meen tuu ka, mam Auk beles le niun mosa-mosa, deng ui mata man tao atuli li le nuil tom tutungus sa.

Apan-kloma Hnika Balu 22:13

Auk niam, Alfa lako pes Omega. Auk niam, A lako pes Z. Totoang daid deng Au, kilan deng hmunan hesa ku lako lius puis.

Apan-kloma Hnika Balu 3:14

Kon nam Atuling Baktetebes sa tupang Un dasi la noan, “Yuhanis, ku musti dul surat puis si tia. Un isin na elia: ‘Taung jemaat se kota Laodikia: Surat ni deng Au, Yesus, man atuli li noken noan ‘in Toma’. Auk man nahdeh deng Ama Lamtua Allah in Teka-teka ngas tutungus nol baktetebes. Totoang man Ama Lamtua in daek son nas, daid deng Au.