Kolose 1:17 - Buk Niu In Hida Balu nol Dehet deng Apan-kloma ki in Dadi ka

¹⁷ Dedeng tenga las muik lo bii kam, Un muik meman son. Totoang in muik son nas, butu-kil nol Una, Nol Un kon man mana-koet one.

Kolose 1:17 ပူးပေါင်းရင်းမြစ်များ

Yuhanis 17:5

Hmunan hesa kua, oras Kit daek apan-kloma ki lo bii ka, Auk leo-leo nol Papa. Oras na, Auk in muun-tes sa kon banansila el Paap in muun-tes sa. Undeng na le, halas ni Auk le pait maang se Papa lia. Tiata Auk nodan le Paap nikit Auk lapa-lapa, halin nam Auk muun-tes pait, banansila el hmunan nua.”

Yuhanis 8:58

Kon Yesus siut noan, “Baktebes! Ta upung Abraham muik lo bii kam, Auk muik muna son.”

Dehet deng Aan in Nutus sas 17:28

Muik atuli dehet net noan, ‘Meman Un nam baktebes peke deng kit hngasan nia. Meman Un nam baktebes klaput deng kit in nuli kia.’ Mi atulin in tao dehet kamusang ngas kon aa net noan, ‘Kit nuling, undeng Una. Tiata kit daid Un anan.’

Korintus mesa la 8:6

Mo taung kita lam, Ama Lamtua Allah suma mes sii. Un nam mo, kit Aman. Totoang putis deng Una. Kit lako-daek totoang nas bel Una. Nol kit Lamtuan na, suma mes sii. Un na mo, Yesus Kristus. Ama Lamtua Allah pake Yesus, se dedeng Un koet totoang sa-saa lias sa. Nol kit haup in nuli, undeng Yesus man bel kit in nuli.

Kolose 1:15

Kristus nam, hnika mes nol Ama Lamtua Allah, man atuli li ngat netan lo. Un muik muna son deng totoang, nol Un daid Tuang deng totoang man Ama Lamtua Allah in koet son nas.

Ibrani 1:3

Ama Lamtua Ana ka tulu Un Ama ka in muun-tes sa, banansila el lelo la kaloen na in tal pait deng hdidan na ka. Ta Un nam hnika mes parsis el Un Ama ka. Nol deng Un in Teka-teka man muik uhu isi ka, Un lako-daek totoang in ne apan-dapa kua nol apan-kloma kia ngas. Un kon sai lalan, le kose soleng atuli in kula-sala ngas, le halin oen daid niu. Hidim Un pait lako sorga, le daad se Ama Lamtua Allah halin kanan na, se maan in todan-lahing dudui ka.

Ibrani 13:8

Yesus Kristus nam, seda net lo. Deng hmunan nua, hahalas nia, nol didiin hidi nutus taan lo, Un nam hnika mes sii.

Apan-kloma Hnika Balu 1:11

Faal na tadu auk noan, “Yuhanis! Auk le tulu-balang bel ku dasi mesa. Totoang man ku in neta nias, ku musti dulas. Hidi na lam, ku musti tunang lako se jemaat itu, nas jemaat in se kota Efesus, kota Smirna, kota Pergamus, kota Tiatira, kota Sardis, kota Filadelfia nol kota Laodikia.”

Apan-kloma Hnika Balu 1:17

Nikit auk ngat net Atuling na kon, auk leang se Un iin na, banansila el atuil hmate ka. Mo Un depen auk nini Un ima kanan na, hidim tek auk noan, “Lii deken! Ta totoang daid deng Au, kilan deng laih hmunan na lako pes puis.

Apan-kloma Hnika Balu 1:8

Ama Lamtua Allah tek noan, “Auk niam, Alfa lako pes Omega. (Laih hmunan lako lius in puis) Auk niam, A lako pes Z. Totoang daid deng Au, ninin deng hmunan nu lako lius in puis. Auk man muik meman son deng hmunan nua. Auk man muik hahalas ni kon. Nol Auk man muik tutungus didiin hidi nutus taan lo. Ta Auk siing man kuasa dudui!”

Apan-kloma Hnika Balu 2:8

Hidi kon Atuling Baktetebes sa, tupang napiut Un in teka ka noan, “Yuhanis ku musti dul surat didang lolen, man isin na elia: ‘Taung jemaat se kota Smirna: Surat ni deng Au, Yesus. Totoang daid deng Au, kilan deng hmunan hesa kua lako pes puis. Hmunan nu Auk mateng, mo halas ni Auk nuling pait son. Tiata hii Auk in teka nia.