Kolose 1:16 - Buk Niu In Hida Balu nol Dehet deng Apan-kloma ki in Dadi ka

¹⁶ Ta Ama Lamtua Allah pake Una le koet nal apan-dapa ku nol apan-kloma ki isin nas totoang. Un tao dasi-dais man atuli li in ngat neta, nol man atuli li in ngat net lo ngas. Tuladang el, in kil bandu, in kil kuasa, lahi-lahi las, nol tuang-tuang ngas. Totoang man Ama Lamtua Allah in le koet tas, Un tao bel Yesus Kristus, nol Yesus kon man daek nas totoang.

Kolose 1:16 ပူးပေါင်းရင်းမြစ်များ

Yuhanis 1:10

Totoang in muik ne apan-kloma ki ngias, Un koet le dadis, mo dedeng Un in maa se apan-kloma kia ka, atuli li taan Un lo.

Yuhanis 1:3

Ama Lamtua koet totoang sa-saa lias le dadis, pake Atuling na in Teka-teka ngas. Etan Atuling na koet sa-saa lias lo kam, muik tahan sa-saa mes in dadi lo.

Roma 11:36

Ta totoang nas maas deng Ama Lamtua Allah! Totoang dadi, undeng Una! Totoang man kit in tao ngas, kit daek bel Una. Kit nikit in naka-naka bel Una, didiin hidi nutus taan lo! Baktebes ela!

Roma 8:38

Auk tanan baktetebes son noan: muik dasi mes lo kon man tao Ama Lamtua le tene deng Un in neka-namnau kita ka. Kit nuling tam kit mateng, muik ima-ii deng sorga tam, in kil prenta ngas tam, muik kuasa tam, dais halas nias tam dais in maang nguas,

Roma 9:5

Oen puit maas deng kaim upu kia-kaon nas, nas: upung Abraham, upung Isak, nol upung Yakob (ngaal ‘Israel’ la maa deng upung Yakob). Nol Kristus, man Ama Lamtua hidan meman son le belen maa ka, kon puit maa deng kaim bangsa Yahudi li upu kia-kaon nas. Kristus nam kon Ama Lamtua Allah, man kil in prenta taung totoang. Tiata eta atuli li nikit in naka-naka bel Una, didiin hidi nutus taan lo kam, toma!

Korintus mesa la 8:6

Mo taung kita lam, Ama Lamtua Allah suma mes sii. Un nam mo, kit Aman. Totoang putis deng Una. Kit lako-daek totoang nas bel Una. Nol kit Lamtuan na, suma mes sii. Un na mo, Yesus Kristus. Ama Lamtua Allah pake Yesus, se dedeng Un koet totoang sa-saa lias sa. Nol kit haup in nuli, undeng Yesus man bel kit in nuli.

Efesus 1:10

Nol mam lius un oras sa lam, Yesus Kristus kon daid Bon le mana-koet totoang in se apan-kloma kias nol in ne sorga nguas.

Efesus 6:12

Ta kit ne in hote-dati dalen! Kit hote-dait labang atuli li lo, mo kit hote-dait labang kuasa daat, man kit in ngat net lo ngas, labang kuasa-kuaas mitang man in kil prenta ne apan-kloma kia ngas, nol labang uikjale in ne apan-dapa kua ngas.

Filipi 2:10

Ama Lamtua Allah nikit sakeng Un ngala ka lapa-lapa ela, le halin totoang in ne apan-dapa kua, in se apan-kloma kia, nol atuil in nuli tamlom atuil in mate, mam totoang hai bukun le todan-lahing se Una.

Kolose 1:15

Kristus nam, hnika mes nol Ama Lamtua Allah, man atuli li ngat netan lo. Un muik muna son deng totoang, nol Un daid Tuang deng totoang man Ama Lamtua Allah in koet son nas.

Kolose 1:20

Ama Lamtua Allah nini Yesus Kristus, le mole-daem nol totoang man Un in koet son nas. Un bel Un Ana ka, le halin daid in sui-nahat, nol Un dala ka baa, didiin mate se kai sangsuli lua, le halin totoang in se apan-dapa kua ngas, nol totoang in se apan-kloma kia ngas, haup in mole-dame pait nol Ama Lamtua Allah.

Kolose 2:10

Undeng mi butu-kil nol Kristus, le daid Un atulin, tiata Un tao mi le daid inu. Ta Un nam lapa dui hihidi deng totoang in kuasa, nol totoang in kil prenta banan tamlom daat tas.

Kolose 2:15

Se na, Un tao tehen in kuasa deng mitang ngas nol in prenta dadaat tas totoang. Hidim Un tao nahmaeng oen se atuil hut mamo sila. Na banansila el tentara las nal se in hote-dati, le pait tam laok pukiu oen ingu la, halin tulu-balang noan oen musu las tehen son.

Ibrani 1:2

Mo halas ni, Un bel Un Ana ka maa, le aa esa nol kita. Lolo hmunan hesa kua, Ama Lamtua Allah huil nal Un Ana ka son, le prenta leo-leo nol Una. Dedeng Un koet apan-dapa kua nol apan-kloma ki nol un isin nas totoang nga, Un Ana ka kon koet leo-leo nol Una.

Ibrani 2:10

Tiata Ama Lamtua Allah bel Yesus lepa-haal in susa-daat tam toma, le halin Yesus man sai lalan boa-blingin na bel atuli lia. Ta Ama Lamtua Allah koma ka le atuli mamo haup in nuil leo-leo nol Un se sorga. Ta Ama Lamtua Allah man daek nas totoang. Nol totoang in nuli ngias muki, undeng Una.

Petrus mesa la 3:22

Halas ni Yesus sake lako pait ne sorga son. Un daad ne maan in todan dudui ka, ne Ama Lamtua Allah halin kanan na. Hidim ima-ii in ne sorga nguas, nol totoang in kuasa, nol in kil kuasa ngas, musti hii-ming se Kristus.