Ibrani 9:27 - Buk Niu In Hida Balu nol Dehet deng Apan-kloma ki in Dadi ka

²⁷ Tiata langa son noan atuli li mate suma oe mes sii. Mo hidi na lam, un musti lako saol Ama Lamtua Allah, le halin Ama Lamtua presa-ketan una.

Ibrani 9:27 ပူးပေါင်းရင်းမြစ်များ

Dehet deng Apan-kloma ki in Dadi ka 3:19

Hidim ku musti daek hiti-late, halas-sam dale ki puting bel ku in kaa. Ku musti dake le lating baa ela, lako lius ku in mate ka. Auk daek nal ku deng dale kia, tiata eta ku mate kam, ku pait lako daid dale.”

Lukas 20:32

Hidi nam bebalung na mate.

Dehet deng Aan in Nutus sas 17:31

Un kon tulu bel oras mes son, le hukung apan-kloma ki isin nas totoang, undeng oen in kula-sala ngas. Nol Un kon tulu Un Atulin in nutus dasi ka meman son. Mam Atuling na nutus hukung nga nol in toma. Halas ni langa son noan, Atuling in nutus dasi ka mo asii. Un mate, molam Ama Lamtua Allah belen le nuli pait son.”

Roma 2:5

Mo mi niam bom batu, nol dai hii-ming lo! Nol mi dai nang soleng mi in kula ngas bubuit lo kon! Undeng mi in tao ela ka, le mi hukung nga ngele dui pait. Ta mam eta apan-kloma ki kiamat son nam, Ama Lamtua le sukat totoang atuli li in nuli ka. Nol mam totoang atuli li tana noan, Ama Lamtua nutus atuli li dasi las nol in toma. Oras na, Un bel mi hukung ngele, undeng Un sium mi in tao-tao ngas lo.

Roma 5:12

Tiata deng hmunan hesa kua, kit upun Adam, atuling laih hmunan na, man mulai daek kula. Undeng na le Ama Lamtua Allah belen nuli napiut lo. Hidim kilan deng oras na, totoang atuil in se apan-kloma ki ngias kon, tao kula banansila el una. Undeng oen tao kula muid un ela, tiata oen totoang kon musti mates banansila el una.

Korintus mesa la 4:5

Hidim mi tao apan nas el atuil in nutus dasi ka, le sukat atuil didang deken. Natang Lamtua in pait maa kia. Ta mam Un man tek puting totoang dasi lias. Un man tek puting dasi-dais daat man atuli li buni ne mitang dalen nas. Nol Un le tulu-balang dasi-dais man atuli li nangan ne oen dalen nas. Hidim Ama Lamtua Allah le tek dasi-dais banan, man atuli li in daek son nas.

Korintus dua la 5:10

Nadidingun deken. Lako-lako lam, atuli li totoang musti situ-tal se Kristus. Un nam Atuling in Nutus Dasi, man sukat totoang atuli li in nuli se apan-kloma kia ka. Hidim, mam Kristus balas atuli li muid oen in lako-dake ngas nol in toma. Ta Kristus tana, le atuling na lako-daek in banan na, tamlom in daat ta.

Timutius dua la 4:1

Mam Yesus Kristus pait maa se apan-kloma kia, le kil bandu banansila el lahi ka. Atuil in nuil nabale ngas tamlom, atuil in maet son nas, leo-leo laok situ-tal se Una, le halin Un nutus oen dasi las. Undeng na, se Ama Lamtua Allah nol Yesus Kristus sila, auk nodan ku nol baktetebes, le ku musti laok tek atuli las deng Ama Lamtua Allah Dehet-dasin na. Boel nangan noan un oras sa banan tam lo ka deken. Tulu bel atuli las in kula-sala ngas. Mo kaing oen nol babanan nini in kehe. Tao kuat-tes atuli li dalen nini dais in tui man toma ngas.

Ibrani 10:27

Kit suma natang nol in lii-tidu, undeng Ama Lamtua Allah maa hukung kita. Ta ai naraka man in kaloe muun na, mana hidi son le tao dudus totoang atuil in labang Una ngas.

Ibrani 6:2

tui deng in sarani; tui deng in totong iman le sium Ama Lamtua Koo Niu ka; tui deng mam Ama Lamtua Allah tao atuil in mate ngas le nulis pait; nol tui deng mam atuli li laok situ-tal se Ama Lamtua, le sium Un in nutus sa noan, asii man haup in nuli napiut nol Una, mo asii man lo ka.

Yuhanis mesa la 4:17

Nol eta kit dalen mes nol Ama Lamtua lam, kit in namnau ka daid toma. Hidim, eta lius leol kiamat tia, le Ama Lamtua pres totoang atuli li in nuli kia lam, kit lii-tiud in dil se Un sila ka lo. Undeng kit daid banansila el Kristus son, se dedeng Un nuli se apan-kloma kia ka.

Yudas 1:15

Un maa le nutus atuli li dasi las totoang. Mam Un tulu bel totoang atuli li mesa-mesam in kula-sala ngas, nol tulu-balang dais man in tom lo ngas. Un nahu hukung bel atuil daat tas, undeng oen nahdeh dadahut deng Una.”

Apan-kloma Hnika Balu 20:11

Hidi na kon, auk ngat net del in prenta muti tene mesa. Ama Lamtua Allah daad se del in prenta na dapa. Nahkitu lam, dale-dapa kia, nol apan nu ilang hidi, didiin netas pait lo.