Ibrani 9:19 - Buk Niu In Hida Balu nol Dehet deng Apan-kloma ki in Dadi ka

¹⁹ Oe mesan na, upung Musa tao nakbuan kit upu kia-kaon nas, le un tek beles totoang prenta man in muik ne atorang man Ama Lamtua in niung maa son nas. Hidi nam, upung Musa keo aus-sapi nol laen, hidim kat oen dalan nas, le kutang nol ui. Un kon nini bung mea le but nakbua kai klehen blutu kas. Hidim un dopon laok se daal na dale, le hiti-hiti laok se Ama Lamtua Allah in Dula ka, nol hiti laok se atuli las totoang.

Ibrani 9:19 ပူးပေါင်းရင်းမြစ်များ

Matius 27:28

Hidim oen kaod bel Yesus kaod blatas mea kaloen mesa, banansila el taom lahi las in pake ngas.

Markus 15:17

Hidim oen lotong bel Yesus kaod blatas mea-mamaten mesa, tuladang el taom lahi las kaod in pake ngas. Oen kon kat kai hlango in muik duli ka, le naneng daid hlotong. Hidim oen tudan hlotong duli na laok se Yesus bon na, le tao kuti-kuti banansila el in nikit laih balu, nini in lotong belen hlotong lahi ka.

Markus 15:20

Oen diuk hidi Un kon, oen kolong soleng Un kaod blatas sa, le pake belen Un kai-batu las pait. Hidi nam, oen kil puting Un deng kota Yerusalem, le laok pauk holtiu Un se kai sangsuli la didiin mate.

Yuhanis 19:2

Tentara nas kon kat klais bango le naneng taon daid hlotong. Hidim oen tudan hlotong duli na laok se Yesus bon na, le tao banansila el noan oen nikit laih balu mesa, man pake hlotong lahi. Oen kon pake bel Yesus kaod blatas mea-mamaten mesa, banansila el taom lahi las in pake ngas. Hidim oen bilu-aa kuti-kuti Un le tekan noan, “Sah lo, ku tek noan ku niam Laih atuil Yahudi kia!” Nol oen kon diuk-papas noebabain Una.

Yuhanis 19:5

Dedeng Yesus puti ka, Un pake hlotong duli na, nol kaod blatas mea-mamaten na. Kon gubernur ra tek atuil hut mamo kas noan, “Ngat le! Ta Atuling nga nia.”

Ibrani 1:1

Hmunan nu, Ama Lamtua Allah nini Un mee-baha las, le aa nol kit upu kia-kaon atuil Ibrani las. Un nini lalan bili-ngala le aa nolas oe-oe.

Ibrani 10:22

Undeng na daid kit hak, ta maa le kit taam laok aa esan nol Ama Lamtua Allah. Mo kit musti parsai baktetebes se Un nol dalen in lolo. Ta Yesus in mate ka tao niu kit dalen nias son, didiin kit nangan dasi-dais daat tas pait lo son. Nol kit kon musti nuil niu, banansila el tulu agama tuladang blaan nas musti dius muna le, halas-sam taam laok lii-lau Ama Lamtua.

Ibrani 10:4

undeng taon elol kon hmukit ti dala ka muik kuasa le kat soleng atuli li in kula-sala ngas lo.

Ibrani 12:24

Yesus kon muik ne ua, Un man daid hleten taung Ama Lamtua Allah nol atuli lia. Yesus mate le dala ka holbohon, halin Ama Lamtua but in hida balu nol kita. Tiata Un dala ka, tao blingin Ama Lamtua Allah dalen na. Mo ni kisa deng Habel dala in se Dehet deng Apan-kloma ki in Dadi ka. Ta dedeng Kain keo Habel la, Habel dala in baa ka, tao otot Ama Lamtua Allah dalen na, didiin Un nahu hukung bel Kain.

Ibrani 9:12

Kristus kon taam lako se Kamar in Niu Dudui ka dalen, le situ-tal se Ama Lamtua Allah, banansila el tulu agama in lapa dui tuladang blaan nas in daek taun mesam oe mesa ka kon. Oras Un taam lako ka, Un kon kil dala le bel Ama Lamtua Allah. Mo muik in bakisan. Ta Kristus kil daal deng hmukit in tunu-dadung lo. Un in kila ka, Un dala ka esa, undeng Un mate son le daid in sui-nahat taung kita. Mo Kristus kil tamang Un dala ka oe mes sii, le sas-sao kit deng kula-sala ka didiin son na.

Ibrani 9:13

Tiata Kristus dala ka, meman muun dui deng hmukit tas dala ngas. Ta muid upung Musa atorang nga lam, atuil in tao kula ngas hmomos, nol tatai in taam le todan-lahing se Ama Lamtua Allah lo. Oen musti lakos se tulu agama las le tao hmukit in tunu-dadung, halin hmukit na dala ka tao niu oen pait. Muik in tunu-dadung mamo man nodan laen dala nol aus heteng dala. Muik atorang mes pait noan, eta atuli sepo tom atuil hmate kam, un daid hmomos se Ama Lamtua sila son. Eta atuling na le daid niu kam, tulu agama la musti kat auh lisin deng aus heteng in tunu-dadung nga. Hidim kil auh na, le laok hising se atuling hmomos sa, halin un daid niu pait.

Ibrani 9:18

Ela kon nol Ama Lamtua Allah in hida hmunan na, man Un butun nol kit upu kia-kaon nas. Oen boel sium asa man Ama Lamtua in hida ka, eta muik mes mate muna son. Undeng na le oen in tunu-dadung pake hmukit dala ka, daid taad noan muik in mate son.