Ibrani 9:13 - Buk Niu In Hida Balu nol Dehet deng Apan-kloma ki in Dadi ka

¹³ Tiata Kristus dala ka, meman muun dui deng hmukit tas dala ngas. Ta muid upung Musa atorang nga lam, atuil in tao kula ngas hmomos, nol tatai in taam le todan-lahing se Ama Lamtua Allah lo. Oen musti lakos se tulu agama las le tao hmukit in tunu-dadung, halin hmukit na dala ka tao niu oen pait. Muik in tunu-dadung mamo man nodan laen dala nol aus heteng dala. Muik atorang mes pait noan, eta atuli sepo tom atuil hmate kam, un daid hmomos se Ama Lamtua sila son. Eta atuling na le daid niu kam, tulu agama la musti kat auh lisin deng aus heteng in tunu-dadung nga. Hidim kil auh na, le laok hising se atuling hmomos sa, halin un daid niu pait.

Ibrani 9:13 ပူးပေါင်းရင်းမြစ်များ

Dehet deng Aan in Nutus sas 15:9

Ta Ama Lamtua Allah nam huil sila lo. Undeng oen kon parsai se Lamtua Yesus son, tiata Un tao niu oen dalen nas, banansila el Un in tao niu kit dalen nia ngas kon.

Ibrani 10:29

Mo halas nia, eta muik atuli in bilu-aa Ama Lamtua Allah Ana ka kam, na banansila el un ngat kabaul Yesus dala, man holbohon son le tao niu atuling na ka. Nol un kon dai toe muid Ama Lamtua Allah in hida ka lo, man Un butun nol atuling na pake dala. Nol un kon tao Ama Lamtua Allah Koo Niu, man tulu dalen banan na nol atuling na son na le, komali. Nangan tukun! Ta atuil tuladang elia ngas, taon elola ko lepa-haal hukung ngele dui pait, deng atuil in kaliut upung Musa atorang nga kas.

Ibrani 10:4

undeng taon elol kon hmukit ti dala ka muik kuasa le kat soleng atuli li in kula-sala ngas lo.

Ibrani 9:19

Oe mesan na, upung Musa tao nakbuan kit upu kia-kaon nas, le un tek beles totoang prenta man in muik ne atorang man Ama Lamtua in niung maa son nas. Hidi nam, upung Musa keo aus-sapi nol laen, hidim kat oen dalan nas, le kutang nol ui. Un kon nini bung mea le but nakbua kai klehen blutu kas. Hidim un dopon laok se daal na dale, le hiti-hiti laok se Ama Lamtua Allah in Dula ka, nol hiti laok se atuli las totoang.

Petrus mesa la 1:22

Mi tao muid asa man in toma ka. Tiata halas ni mi daek mumuun bel Ama Lamtua. Na man tao mi le namnau mi kaak-palin in parsai ngas. Mi in namnau ka musti kuat-tes tapnaeng, undeng mi dalen nas niu.