Ibrani 9:1 - Buk Niu In Hida Balu nol Dehet deng Apan-kloma ki in Dadi ka

¹ Auk le tek nuting pait elia: dedeng Ama Lamtua Allah but in hida laih hmunan na nol kit upu kia-kaon nas sa, Un kon niung atorang le oen bangun-pii maan in kohe-kanas, halin oen todan-lahing Un muid atorang nas in koma ka.

Ibrani 9:1 ပူးပေါင်းရင်းမြစ်များ

Lukas 1:6

Oen duas nuil lolo-lolo muid Ama Lamtua Allah prenta las nol atorang ngas totoang. Atuli kon todan one.

Roma 9:4

Molota oen nam, atuil Israel, na bangsa man in ontong dui ka. Ama Lamtua nikit oen son le daid Un anan deng lolo hmunan hesa kua. Un tulu Un kuasa man muun isi ka bel one. Un butu-kil in hida bili-ngala nol one. Un beles Un Atorang ngas. Oen man taan lalan in todan-lahing se Una, nol in lii-lau Una. Un hid son le tulu Un dalen banan na bel one.

Kolose 2:8

Doha-doha le halin mi muid atuil didang ngas deken, man pake atuli li in tana le nol mi sisa putim deng lalan lolo ka. Nol boel muid atuil in tui tana man tui kam muik peke lo ngas deken. Ta oen in tui ka, suma maa deng atuli li in tana tukun, nol deng apan-kloma ki atorang ngas. In tui nas, maa deng Kristus lo.

Ibrani 8:13

Oras Ama Lamtua aa noan, Un le but in hida balu nol one ka, nahin na noan, in hida blaan na, pake lo ka. Nol nesang lom in hida blaan na ilang.

Ibrani 8:2

Nol Un kon lako-daek Un osa la ne Ama Lamtua Allah maan in kohe-kanas esa ka. Maan na ka, Ama Lamtua Allah esa man koet, mo atuli li lo.

Ibrani 8:7

Hmunan nu, Un but in hida nol upung Musa, se dedeng Un in niung atorang ngas sa. Mo ela kon no, atuli li nuil niu baktetebes muid atorang nas lo. Tiata oen haup in babanan nol Ama Lamtua Allah lo. Undeng na, halas ni parlu in hida man banan dui pait.

Ibrani 9:24

Kamar in Niu Dudui man Kristus in tama ka, na kamar ne Hleep in Kohe-Kanas man atuli li in dake ka lo. Ta Hleep in ne dale-dapa nia ka, suma in not tuun deng Hleep in Kohe-Kanas esa man in ne sorga kua. Kristus tama lako sorga le bela kit se Ama Lamtua Allah sila.