Ibrani 8:10 - Buk Niu In Hida Balu nol Dehet deng Apan-kloma ki in Dadi ka

¹⁰ In hida man Auk in le but nol ngaal Israel la ka, lin na elia: Mam Auk tao Auk atorang ngas, se oen in nangan na. Nol dul Auk prenta las, se oen dalen nas. Hidim, Auk daid oen Lamtuan, nol oen daid Auk atulin.

Ibrani 8:10 ပူးပေါင်းရင်းမြစ်များ

Matius 22:32

‘Auk niam, Lamtua Allah deng ku upum Abraham, Isak, nol Yakob. Oen todan-lahing Auk napiut, maa lius hahalas nia.’ Lam kit tana noan dedeng Ama Lamtua in aa ela ka, blalan nas mates blaan tene son. Mo Ama Lamtua Allah tek noan, Un daid oen Lamtuan maa lius halas ni nabale. Undeng na le kit tana noan, oen mates blaan son kon no, oen hmangin nas nulis nabale. Tiata atuli li mate kon no, mam un nuli pait. Ta suma atuil in nuli sii man todan-lahing Ama Lamtua Allah, mo atuil in mate lo, ta lo?!”

Roma 11:27

Auk le kose soleng oen in kula-sala ngas. Ta Auk butu-kil in hida nol oen ela son.”

Korintus mesa la 6:16

Taon elola ko, mi tanan son noan, eta atuli laok kula le niin nakbuan nol bihaat hmama ela lam, na oen duas butu-kil apa le daid mes son. Ta muik dulan ne Buk Niu ka noan, “Oen duas butu-kil apa le daid mes son.”

Korintus dua la 3:3

Ta langa son noan, mi banansila el surat mesa, man Kristus dulan son. Hidim Un belen se kami. Kristus nini tinta le dul surat na lo, molam Un nini Lamtua man in Nuli ka Koo Niu ka. Kristus kon dul Un in Teka-teka ngas se baut bleha lo, tuladang el asa man Ama Lamtua in tao son bel Musa ka. Molam Un dulan ne kit dalen nia.

Titus 2:14

Un sao Un apa ka le mate halin sui nal kit deng kit in kula-sala ngas totoang, le tao kit daid Un atulin man in nuil nol dalen niu, nol kom le daek banan tutungus.

Ibrani 11:16

Mo ingu-dale man oen in kom isi son na, dale man in banan dui ne sorga. Undeng na, Ama Lamtua Allah sium oen nol babanan, le oen daid Un atulin. Ta Un mana beles kota mes meman son ne sorga.

Yakobus 1:18

Ama Lamtua in nangan bel kita ka elia: Un bel kit Un Dehet-dasin man in toma ka. Nol Un pake Un Dehet-dasin na le bel kit in nuli. Deng totoang man Un in daek son ne apan-kloma kia ngas, Un huil nal kit son le daid isin hmunan deng Una.

Yakobus 1:21

Tiata mi musti nang soleng mi in kula-kula ngas totoang, banansila el atuli top bati un klapa la niu-niu, hidim loe nuli hlukat ta ngas. Nol mi kon musti sium Ama Lamtua Dehet-dasin na nol dalen deng dadale. Dehet-dais nas banansila el biin man in mula-hai ne mi dalen nas. Eta mi tao ela lam, mam Ama Lamtua bel slamat mi deng mi in kula-sala ngas, nol sium mia, le halin mi nulim napiut nol Una.

Petrus mesa la 1:23

Halas ni, mi haup in nuli balu son. Mo in nuil balu ni, mi hapun deng mi ina-aman in ne apan-kloma kia, man mam mate ka lo, molam mi hapun deng kit Aman in ne sorga kua, man maet taan lo ka. Mi in nuli balu ki, mi hapun deng Ama Lamtua Dehet-dasin na. Un Dehet-dasin na kil in nuil toma, nol tahang napiut.

Petrus mesa la 2:9

Mo mia lam ela lo. Lole mi daid atuil man Ama Lamtua Allah in huil esa son. Mi daid Un atulin. Mi banansila el tulu agama man lii-lau lahi ka. Mi kon tuladang el bangsa mesa man nuil niu taung Ama Lamtua. Mi daid ela, le halin mi bisa tek totoang atuli lia, deng Ama Lamtua Allah dalen banan, man Un tao bel mi son na. Ta Un tadu mia, le nang soleng in daek dadaat tas, halin mi daek sa-saa banan nas se mi in nuli ka. Na banansila el mi putim deng mitang nga, le nulim se Un langa man leok isi ka.