Ibrani 7:8 - Buk Niu In Hida Balu nol Dehet deng Apan-kloma ki in Dadi ka

⁸ Tulu agama las totoang muik hak le sium op mes deng op hngulu las. Mo undeng oen suma atuil biaas tuun, tiata nesa-nesang kon oen mates. Tulu agama Melkisedek kon sium op mes deng op hngulu las. Mo un nuli napiut, undeng Ama Lamtua Buk Niu ka tek deng un in maet son lo.

Ibrani 7:8 ပူးပေါင်းရင်းမြစ်များ

Yuhanis 14:19

Naha-bubuit tam, atuli teng se apan-kloma ki net Auk pait lo ka. Mo mam mi net Au. Undeng Auk nuling pait, tiata mi kon haup in nuil toma ka.

Yuhanis 14:6

Kon Yesus tek noan, “Muik lalan didang, man kil nol atuli li lako bus el Ama in ne sorga ku lo. Suma muid Auk siing. Ta Auk niam, banansila el lalan na. Auk niam, man kil asa man in toma ka. Nol Auk niam, man bel atuli li in nuil toma.

Ibrani 3:16

Lam Auk le keket elia: atuil in ming upung Musa son, hidim bali kudi le nang soleng una ngas, asiis sa? Nas kit upu kia-kaon man upung Musa esa nol puting deng dale Mesir ras.

Ibrani 5:6

Nol muik in dula pait noan, “Ku daid tulu agama man hnika mes el Melkisedek hmunan nua ka, molam Ku daid tulu agama didiin hidi nutus taan lo.”

Ibrani 6:20

Mo halas ni Yesus taam lako muna son, le sai lalan bel kita. Ta Un kon nam tulu agama in lapa dudui, man hnika mes el Melkisedek hmunan nua. Mo Yesus uhu dui deng tulu agama tuladang blaan nas, undeng Un teen tatahan in lako-daek Un osa la lo.

Ibrani 7:23

Hmunan nua, tulu agama tuladang blaan nas tom in seda tutungus, undeng oen mates. Tiata musti muik tulu agama mamo.

Ibrani 7:7

Ni man daid tada noan, Melkisedek nam, atuil tene. Undeng atuil in aa le bel hangun na, taon elola ko tene dui deng atuling in sium hangun na.

Ibrani 7:9

Undeng upung Abraham bating bel Melkisedek op mes deng op hngulu, deng sa-saa nas, tiata atuli li muik in nangan noan, upung Abraham kon baen bel un hua-koet man in hua lo bii ngas. Nini ela lam, kit haup in nangan sodo noan, upung Abraham baen meman op mes deng op hngul taung un kia Lewi meman son.

Ibrani 9:27

Tiata langa son noan atuli li mate suma oe mes sii. Mo hidi na lam, un musti lako saol Ama Lamtua Allah, le halin Ama Lamtua presa-ketan una.

Apan-kloma Hnika Balu 1:18

Hmunan nu Auk mateng, mo halas ni ku ngat le, Auk nuling pait son! Nol mam Auk nuling napiut didiin hidi nutus taan lo. Auk kon man kil kunci in sai atuil hmate kas mana la, le beles nulis pait.