Ibrani 7:22 - Buk Niu In Hida Balu nol Dehet deng Apan-kloma ki in Dadi ka

²² Nini Ama Lamtua Allah in hid ela ka, Un bel kit Yesus le daid in kila, noan, Un le but in hida banan dui pait nol kita.

Ibrani 7:22 ပူးပေါင်းရင်းမြစ်များ

Dehet deng Apan-kloma ki in Dadi ka 44:32

Taplaeng pait, auk hid nol un son noan, auk man temang tana nia. Auk kon hidan son, le eta auk nol pait kaim palin ni lo kam, nang le auk man lep in kula-sala ni didiin auk mateng.

Matius 26:28

Ta anggor ni, Auk dalang nga. Mam Auk mateng le dalang ngi holbohon, halin bel boa-blingin atuli hut mamo deng oen in kula-sala ngas. Daal ni daid tada le tek nuting noan, asa man Ama Lamtua Allah in hid son na, meman halas ni dadi son. Tiata kata, le niun tia!

Markus 14:24

Un tekas noan, “Anggor ni, Auk dalang nga. Mam daal ni holbohon, le bel boa-blingin atuli hut mamo. Daal ni daid tada noan, asa man Ama Lamtua Allah in hid meman son na, halas ni dadi. Tiata kata, le niun tia.

Lukas 22:20

Oen kaa hidi ruti na kon, Un kat klas in nisi anggor uin na, le Un aa pait noan, “Anggor nia, Auk dalang nga, man holbohon le bel boa-blingin mia. Ama Lamtua Allah pake daal nia, le butu-kil in hida balu nol mia.

Korintus mesa la 11:25

Oen kaa hidi kon, nini lalan el apin na, Un nikit anggor in se klas sa ka, le aa noan, “Anggor ni nahin na noan, Ama Lamtua Allah le butu-kil in hida balu nol mia. Mo Auk dalang ngi musti baa didiin Auk mateng le, halas-sam in hida na bisa dadi. Hidim eta mi niun anggor elia lam, mi musti nangan net Auk in mate ka.”

Ibrani 12:24

Yesus kon muik ne ua, Un man daid hleten taung Ama Lamtua Allah nol atuli lia. Yesus mate le dala ka holbohon, halin Ama Lamtua but in hida balu nol kita. Tiata Un dala ka, tao blingin Ama Lamtua Allah dalen na. Mo ni kisa deng Habel dala in se Dehet deng Apan-kloma ki in Dadi ka. Ta dedeng Kain keo Habel la, Habel dala in baa ka, tao otot Ama Lamtua Allah dalen na, didiin Un nahu hukung bel Kain.

Ibrani 13:20

Ama Lamtua Allah, man tao kit dalen nias tetesa. Auk nodan le Un tulung mia, le halin mi tao nal muid Un in koma ngas totoang. Auk kon nodan le Un tulung kit totoang, halin daid atuil man in tao Un dalen kolo. Ta Ama Lamtua Allah nini Yesus Kristus dala in holbohon son na, le but in hida balu nol kita. In hida na laok napiut didiin hidi nutus taan lo. Hidim Ama Lamtua Allah bel kit Lamtuan Yesus Kristus nuli pait son. Nol halas ni Yesus papa-paiduil kita, banansila el atuil in lolo-poa man uhu isi ka. Tiata kit nikit sakeng Un ngala ka lapa-lapa, nol naka-halit Un tutungus! Baktebes ela.

Ibrani 7:23

Hmunan nua, tulu agama tuladang blaan nas tom in seda tutungus, undeng oen mates. Tiata musti muik tulu agama mamo.

Ibrani 8:13

Oras Ama Lamtua aa noan, Un le but in hida balu nol one ka, nahin na noan, in hida blaan na, pake lo ka. Nol nesang lom in hida blaan na ilang.